Pannakasakop ken dagiti Pagpatulongan para iti Coronavirus (COVID-19)

Ania ti masakupan ti UnitedHealthcare para kadagiti miembro ti Medicare Advantage ken Medicaid?

Sakupen ti UnitedHealthcare ti eksamen para iti Coronavirus (COVID-19) ken dagiti panagbisita mainaig iti eksamen ken panagpaagas

  • Panagpaeksamen. No umanamong ti paraipaay ti panangtaripato iti salun-at a maeksamenka wenno ti anakmo, i-waive (saan nga ipabayad) ti UnitedHealthcare ti cost-sharing iti sadinoman nga inaprobaran-ti-CDC a lugar a pageksamenan para kadagiti fully-insured a miembro ti Medicaid ken Medicare. Dagiti pagarigan ket iramanna ti opisina ti doktor wenno providermo, maysa nga urgent care center, wenno emergency room. 

  • Panagbisita iti provider a mainaig iti panagpaeksamen. No kasapulam ti panagbisita iti maysa a paraipaay ti panangtaripato iti salun-at a mainaig iti panagpaeksamen iti Coronavirus (COVID-19), i-waive ti UnitedHealthcare ti cost sharing. Karaman ditoy ti panagbisita tapno agpakita iti paraipaay ti panangtaripati iti salun-at, iti urgent care center, iti departamento ti emerhensia wenno iti telehealth (virtual a panagbisita). Agaplikar daytoy kadagiti plano iti salun-at iti Medicare Advantage ken Medicaid.

  • Pannakaagas. Ti UnitedHealthcare ket palpalubosanna a pumanaw ti miembro a makaiburay-gatad para iti pannakaagas ti COVID-19 maibasar kadagiti nakonpirmar a positibo iti pannakakita ti sakit agingga inton Hulio 24, 2020 para kadagiti Medicare Advantage, Medicaid, Individual ken Group Market a nakompleto a nasigurado ti plano ti salun-atna. Mabalin nga agbaliw ti pannakaipatungpalna para kadagiti bukod-a-napunduan a kostumer ti employer.

Lagipen a kanayun nga ipakitam ti UnitedHealthcare ID kardmo. Kasta met, siguradoem a  pakaammoam ti kangrunaan a tagapaay ti taripatom panggep ti aniaman a testing wenno panaggagas nga inka alaen. 

Ti Telehealth (Virtual a Panagbisita) a saan a mainaig iti Coronavirus (COVID-19) kadagiti napili a telehealth partner.

Mangrugi iti Marso 31, 2020 agingga Hunio 18, 2020, no mangkitaka iti adda-iti-network a tagapaay ti panangtaripato iti salun-at a maipapan sabali ngem wenno saan a mainaig iti Coronavirus (COVID-19), iwaksi ti UnitedHealthcare ti cost sharing para iti telehealth (virtual a panagbisita) para kadagiti fully insured a kameng ti Medicare Advantage ken Medicaid. Ammuen ti ad-adu pay maipapan iti Telehealth (Virtual a Panagbisita).

No addaanka kadagiti saludsod wenno kasapulam ti impormasion maipapan kadagiti benepisiom

Tawagan ti numero iti ID cardmo kas miembro wenno ag-sign in iti accountmo iti salun-at.

Kasanoka nga agpakaeksamen para iti (COVID-19)

No patiem a naisarangka (exposed) iti COVID-19 wenno addaanka kadagiti sintomas kas iti gurigor, uyek wenno rigat iti panaganges, tawagam a dagus ti paraipaay ti panangtaripato iti salun-at. Iti kaadoanan nga kaso, mabalinmo makasarita iti maysa tagaipaay ti taripato ti salun-at usar iti FaceTime, Skype wenno Zoom, a maawagan iti telehealth (virtual a panagbisita). No umanamong ti tagaipaay ti taripato ti salun-at a maeksamenka, iyurnosda no ayanna ti pakaeksamenam.

Mabalin nga opsion ti mobile ken drive-up a panagpaeksamen. Masapul latta ti medical provider nga order para iti eksamen, malaksid no imbilin dayta ti tunggal ahensia ti gobiernoyo.

Suporta para kadagiti miembro a kangatuan ti risgoda: Medicare Advantage ken Medicaid

Kunaen ti CDC a dagiti natataenganen nga adulto ken siasinoman nga uray ania ti edadna ngem addaan serioso a medikal a kondision ket mabalin a nangatngato ti risgoda iti nakaro a sakit manipud Coronavirus (COVID-19). Dagiti pagarigan iti serioso a medikal a kondision ket nakaro a sakit iti puso wenno bara, asthma, naikompromiso nga immune system, diabetes, nakaro a sakit iti kidney ken sakit iti dalem. No masikogka, baldado wenno awananka iti pagtaengan (homelessness), mabalin met a nangatngato ti risgom. 

No ti kasasaadmo ket maysa kadagiti naibaga iti ngato, mabalin nga ibaga kenka ti provider nga agtalinaedka iti pagtaengam wenno umadayoka kadagiti tattao (self-isolate). Ti UnitedHealthcare ket sidadaan a tumulong kadakayo kabayatan dagita a tiempo ken tumulong a makissayan ti mabalin a pannakaisarangmo iti virus. Matulongandaka no kasanoka a makaala iti agas, suplay, makan ken panangtaripato. Mabalinmo pay nga ammuem ti maipapan kadagiti programa dagiti suporta.

Dagiti miembro, tawaganyo ti numero iti ID kardyo kas miembro. No tumawagkayo, ibagam kadakuada nga imbalakad kenka ti paraipaay ti panangtaripato iti salun-at ti self-isolation.

Ammuen dagiti panagannad (precaution) nga aramiden no miembroka iti Medicare Advantage wenno addaanka iti risgo.

Kanayonan a Pagtaudan ti Tulong para kadagiti Miembro

Pinalawa ti UnitedHealthcare ti access iti telehealth tapno makapagtalinaedka iti pagtaengam bayat nga umaw-awatka iti umiso a pannakataripato. Ti Telehealth (virtual a panagbisita) ket mabalin a mausar agpada kadagiti panagkasapulan iti panangtaripato iti salun-at gapu iti Coronavirus (COVID-19) ken saan-a-Coronavirus (COVID-19).

Bayat dagiti makapastress a kasasaad, mabalin a narigat nga ibturan dagita. Mabalin a makatulong a lumag-an ti riknam no adda makasaritam. Ti libre 24/7 nga linya mi para ti emosional a suporta ket adda a tawagan iti aniaman nga oras ayan iti 866-342-6892. Dagiti empleado ti Optum Help Line ket eksperto a propesional ti pannakasanayda iti mental a salun-at. Daytoy ket libre ken mabalin para iti siasinoman.

Mabalinmo a kiddawen iti parmasiam ti nasapa a pannakapunno ti resetam no adda UnitedHealthcare a resetam kadagiti masakupan nga agas wenno OptumRx a benepisiom iti parmasia. Kitaem ti suplaymo tapno makitam no kasapulam ti refill. Ikabilangam uray dagiti medikasion a kasapulam kadagiti sumaganad a lawlawas. 

Adda met ti panagipaw-it ti parmasia (pharmacy delivery) iti Optum Home Delivery babaen iti panag-sign in iti health plan accountmo. Piliem laeng ti Optum Home Delivery. Ti pharmacy delivery ket adda met laeng babaen kadagiti dadduma a parmasia.

Mabalinmo a tawagan ti numero iti ID kardmo kas miembro ket kasaritam ti maysa a nars no kasapulam ti tulong tapno maawatam ti risgom wenno no kasapulam ti klinikal a balakad ken suporta a mainaig iti Coronavirus (COVID-19). Mabalinka met a tumawag tapno idamagmo iti nars maipapan kadagiti kadawyan a pakaseknanyo iti salun-at.

Dagiti Kanayon a Maisaludsod

Tawagam a dagus ti paraipaay ti panangtaripato iti salun-at no patiem a naisarangka iti COVID-19 wenno addaanka kadagiti sintomas a kas iti gurigor, uyek wenno rigat iti panaganges. 

Masarakam ti network dagiti paraipaay iti panangtaripato iti salun-at babaen iti panag-sign-in iti akawntmo iti planom iti salun-at wenno babaen iti pannakisarita iti maysa kadagiti mangiyun-una babaen ti panangtawag iti numero ti telepono nga adda iti ID-im kas miembro ti UnitedHealthcare.

Mabalin nga opsion ti drive-up ken mobile a panagpaeksamen  Masapul latta ti medical provider nga order para iti eksamen, malaksid no imbilin dayta ti tunggal ahensia ti gobiernoyo. Ti paraipaay kenka ti panangtaripato iti salun-at wenno ti ahensia ti gobierno ket mangiyurnos no sadino ti pakaeksamenam.

Saanmi a kayat nga agdanagka. Kasaritam ti providermo.. Saan a kasapulan dagiti providermo ti agaramid iti espesial a papeles (maawagan iti nasaksakbay nga autorisasion (prior authorization)) iti UnitedHealthcare agingga inton Mayo 31, 2020. Opsion daytoy no la ketdi miembroka sa kasapulan ti kasasaadmo ti sabali pay a post-acute a panangtaripato. (Dagiti pagarigan ti kasasaad a post-acute a panangtaripato ket skilled nursing a pasilidad, long-term acute a pasilidad, in-patient rehab wenno home health care.) Ti provider a nangadmit kenka ket pakaammuannakami laeng iti uneg iti 48-oras manipud panagakarmo.  

Adalen ti ad-adu pay maipapan iti Coronavirus (COVID-19)

Adalen iti adadu pay maipapan iti virus, dagiti sintomas a biroken ken no ania ti maaramidam tapno saanka nga agsakit ken matulongam dagiti dadduma nga agtalinaed a natalged.  

[Gentle background music plays while text introductions appear on the screen]

COVID-19

Ania dagiti Coronavirus?

[Narrator:] Dagiti coronavirus ket maysa a pamilia dagiti kadawyan a virus a mabalin a mangpataud iti sakit kadagiti animales ken tattao.

[Severe Acute Respiratory Syndrome (SARS), Middle East Respiratory Syndrome (MERS)]

Ti Severe Acute Respiratory Syndrome ken Middle East Respiratory Syndrome ket dua kadagiti kalalatakan a coronavirus.

Idi Enero ti 2020, impakdaar ti World Health Organization ti baro a coronavirus, a maaw-awagan itan kas COVID-19, a nangpataud iti panagraira ti sakit ti panaganges iti siudad ti Wuhan iti Probinsia ti Hubei iti China.

Ad-adalentayo pay laeng no kasano ti panagwaras daytoy a virus, ken mangnamnamatayo iti United States Centers for Disease Control and Prevention ken iti World Health Organization para iti pannarabay. 

Adtoy ti ammotayon maipapan iti COVID-19:
 

Kasano nga agwaras ti COVID-19?

Iti agdama, mapapati nga agwaras daytoy babaen kadagiti droplet manipud iti bara a mairuar iti angin no aguyek wenno agbaeng ti maysa a tao nga addaan iti impeksion.

Mabalin met a maiwaras no iggaman ti maysa a tao ti lugar wenno banag nga addaan impeksion wenno nagdissuan ti virus ket kalpasanna iggamanna ti ngiwat, agong wenno matana. 

Ania dagiti sintomas ti COVID-19?

Dagiti sintomas ti COVID-19 ket mabalin a kapadpada ti impeksion iti pagangsan.

Mairaman kadagiti kangrunaan a sintomas ti: gurigor, uyek ken narigat a panaganges.

Sumagmamano a tattao, dagiti lallakay ken babbaket, dagiti ubbing wenno nakapsut ti resistansiada, ket mabalin a maaddaan kadagiti komplikasion agraman pulmonya, panagkapsut ti kidney ken nakakarkaro nga impeksion, maaw-awagan iti sepsis. Context link

Kasano a tumulong a mangprotektar kontra iti COVID-19.
Tapno protektaram ti bagim manipud iti daytoy a coronavirus:

Kanayonem a bugguan dagita imam iti sabon ken danum iti saan a nakurkurang ngem 20 a segundo.

Agusar iti alcohol-based hand sanitizer.

Liklikam nga iggaman dagita matam, agong ken ngiwatmo.

Liklikam ti umasideg kadagiti tattao a masakit.

Dalusam ken i-disinfectmo dagiti kankanayon a maig-iggaman a lugar ken bambanag, agraman ti teleponom ken computermo.

Apputem ti agong ken ngiwatmo iti tissue no aguyek wenno agbaengka, kalpasanna ibelleng a dagus ti tissue iti pagibasuraan.

Para iti baro nga impormasion, pagalagadan ken pakdaar iti panagbiahe, bisitaen ti US Centers for Disease Control and Prevention wenno ti World Health Organization.

Ti UnitedHealthcare ket agtultuloy nga aktibo a mangmonitor kadagiti pamuspusan iti salun-at ti publiko tapno masigurado ti siuumuiso a pannakaresponde kadagiti kasapulan dagiti kostumer ken miembro. Context link

Saan nga inraman: Naggapuan: US Centers for Disease Control and Prevention (CDC). https://www.cdc.gov/ World Health Organization (WHO). https://www.who.int/emergencies/diseases/novel-coronavirus-2019

Panangilibak

Dagiti benepisio a nailawlawag iti daytoy a website ket ilawlawagna dagiti pederal a makalikaguman ken nasional a polisia ti UnitedHealthcare, dagiti kanayonan a benepisio a mabalin nga adda kadagiti dadduma nga estado ken babaen ti dadduma a plano .

Daytoy a pahina ket ilawlawagna dagiti benepisio nga ituktukonmi kadagiti amin a miembro kadagiti amin nga estado. Iramanda met dagiti pederal a makalikaguman. Nalabit ad-adu dagiti adda a benepisio kadagiti dadduma nga estado ken kadagiti dadduma a plano. Nangaramidkami kadagiti pagalagadan ken pagtuladan a mabalin nga agaplikar kadagiti produktomi bayat dagitoy a tiempo. Dagiti impormasion ket sumario ken mabalin a mabaliwan. Para iti kanayonan nga impormasion, kontakem ti representatib ti akawntmo wenno tawagam ti numero iti ID kardmo kas miembro.

Powered by Translations.com GlobalLink OneLink Software