Mapan iti kangrunaan a linaon
Para Kadagiti Miembro (Aglukat iti Baro nga Tab)
Kangrunaan a Linaon

Dagiti impormasion maipapan iti Coronavirus (COVID-19) ken ti Delta Variant

Dagiti kaadu ti impeksion ti COVID-19, karaman dagiti adda iti uneg ti intero a sangakabbalayan, ket agtultuloy a dumakdakkel. Irekrekomendar ti Centers for Disease Control and PreventionAmerican Medical Association ken ti American Academy of Pediatrics nga amin, karaman dagidiay agtawen ti 2 ken natataengan, nga agsuot iti face mask, pisikal a panagdistansia ken regular a panagbuggo iti ima tapno makissayan ti panagwaras ti virus. Mairekrekomendar met nga amin a makaala iti Pinalubosan ti FDA a bakuna ti COVID-19 ket mangala iti maysa, a makatulong a mangprotektar kenka ken dagiti ay-ayatem iti biag manipud iti serioso a sakit ken pannakatay a mainaig iti COVID-19.

6 dagiti impormasion nga ammuen maipapan iti COVID-19 ken ti Delta variant

  1. Ti COVID-19 Delta variant ket nalaklaka a maiyakar ngem dagiti dadduma nga strain ti virus. Mabalin a nganngani 2x ti kinakaro ti pannakaiyakarna ngem kadagiti immun-una a variant.
  2. Dagiti tattao a saan a nabakunaan ti kakaruan nga agpeggad. Nupay mabalin a maakaran iti COVID-19 dagiti tattao a nabakunaan, ipakpakita ti datos a makatulong a makalapped dagiti pinalubosan ti FDA a bakuna ti COVID-19 kadagiti serioso a sakit ken pannakaospital. Dagidiay addaan iti kangatuan a peggad nga agsakit iti nakaro gapu iti virus, ken makaiyakar iti virus, ket dagidiay saan a nabakunaan para iti COVID-19.
  3. Dagiti tattao, karaman dagiti nabanbanwag a tattao, ket dumardaras nga agsakit. Gapu ta ad-adu dagiti natataengan a nabakunaan, sumerserioso ti panagsakit dagiti nabanbanwag gapu iti virus.
  4. Agtultuloy nga agbaliw wenno ag-mutate ti COVID-19. Ti kasayaatan a wagas tapno mapabuntog ti panagbuo dagiti baro a variant ket ti panangsalaknib iti bagim babaen iti panagsuot iti mask ken panagpabakuna iti para iti COVID-19 no sidadaanen para kenka.
  5. Ti nasursurok ngem 1 iti 4 a maakaran iti COVID-19 ket maaddaan kadagiti sintomas uray no kalpasan ti 4 a lawas. Nupay kaadduan kadagiti tattao a maakaran iti COVID-19 ket umimbag iti sumagmamano a lawas manipud iti panagsakit, mapadasan dagiti dadduma a tattao dagiti kondision iti kalpasan–ti-COVID-19 nga agtuloy iti 4 a lawas wenno napapaut pay kalpasan a maakaran. Ipakita dagiti dadduma a barbaro a panagadal nga iti nagbaetan ti 27-33% dagiti pasiente a naakaran iti COVID-19 ken saan a naospital ket naaddaanda kadagiti agpaut a sintomas, aniaman ti edadda, saksakbay a salun-at wenno kinakaro ti impeksion. Nupay adu pay ti saan nga ammo, ti CDC ket i-report na a dagitoy a “napaut” a kondision ket mabalin a mapasamak iti biag iti nadumaduma a wagas, kairamanan ti rigat nga aganges, pannakabannog, ut-ot kadagiti susuop wenno panagbaliw-baliw ti karirikna agingga kadagiti naserserioso pay a parikut a kas iti pannakadadael ti adu nga organ wenno dagiti kondision ti resistansia.
  6. Iti panagsaknap ti COVID-19 trangkaso ita nga otonio, dagiti bakuna ti kasayaatan a proteksion. Dagiti sintomas ti COVID-19, trangkaso ken panateng ket mabalin nga agpapada. Mabalin a masapul ti panagsubok tapno makumpirma no ania a virus ti adda kenka. Ti panagpabakuna para iti COVID-19 ken trangkaso, dagiti face mask, pisikal a panagdistansia ken panagtalinaed iti balay no saan a nasayaat ti riknam ket napateg iti panangpabuntog iti panagwaras dagitoy a virus.

Panangilibak

Dagiti benepisio a nailawlawag iti daytoy a website ket ilawlawagna dagiti pederal a makalikaguman ken nasional a polisia ti UnitedHealthcare, dagiti kanayonan a benepisio a mabalin nga adda kadagiti dadduma nga estado ken babaen ti dadduma a plano .

Daytoy a pahina ket ilawlawagna dagiti benepisio nga ituktukonmi kadagiti amin a miembro kadagiti amin nga estado. Iramanda met dagiti pederal a makalikaguman. Nalabit ad-adu dagiti adda a benepisio kadagiti dadduma nga estado ken kadagiti dadduma a plano. Nangaramidkami kadagiti pagalagadan ken pagtuladan a mabalin nga agaplikar kadagiti produktomi bayat dagitoy a tiempo. Dagiti impormasion ket sumario ken mabalin a mabaliwan. Para iti kanayonan nga impormasion, kontakem ti representatib ti akawntmo wenno tawagam ti numero iti ID kardmo kas miembro.

Powered by Translations.com GlobalLink OneLink Software