Dagiti 5 a makapasorpresa a benepisio iti doble a plano iti salun-at.

Naipost: February 10, 2020

Petsa ti Kaudian a Pannaka-update Nobiembre 17, 2020

Adu a tattao nga addaan iti Medicaid ken Medicare ti aduan pakarigatan iti salun-atda. Ken narigrigat manen ti panagbiag gapu iti nababa a matmatgedan. Iraman dagiti doble a plano iti salun-at dagiti nayon a benepisio ken pakausaran tapno tumulong kadagiti addaan iti Medicaid ken Medicare.  Ti sumagmamano kadagitoy a benepisio, kas kadagiti kredit tapno gumatang kadagiti produkto iti salun-at, tulong iti pagluganan ken masakupan ti insurance para iti naireseta nga agas, ket mabalin nga ammomon. Ngem idiaya met dagiti doble a plano iti salun-at ti adu pay a dadduma a benepisio ken pakausaran a mabalin a dimo namnamaen. Ituloy ti agbasa tapno ammuen ti ad-adu pay.

Pannakaurnos ti Panangtaripato.

Mabalin a makariro ti panangtaripato ti salun-at para iti siasinoman. Ngem mabalin a narigrigat pay para kadagiti addaan iti Medicaid ken Medicare. Sumagmamano a doble a plano iti salun-at ti mabalin a mangidiaya kenka iti personal a paraurnos iti panangtaripato. Dayta ket maysa a tao a tumulong kenka tapno:

  • Maawatam dagiti benepisiom iti Medicaid ken Medicare.
  • Imatonam dagiti doktormo, espesialista ken serbisio ti panangtaripato.
  • Maalam dagiti serbisio a kasapulam tapno mariknam ti kasayaatan a salun-atmo. 

Ti Personal Emergency Response System.

Sumagmamano a doble a plano iti salun-at ti mangidiaya kadagiti miembro ti personal emergency response system (PERS) nga awan ti nayon a bayadna. Iti maysa nga emerhensia, nadaras nga ikonekta ti sistema ti PERS ti miembro iti nagsanay nga operator. Makaited ti operator iti tulong iti telepono ken mabalin pay a mangipatulod ti tulong no kasapulan. Ti PERS ket benepisio a makasalbar ti biag a mausar 24 nga oras kada aldaw kadagiti doble a plano iti salun-at manipud iti UnitedHealthcare.

Dagiti Virtual a Medikal a Panagbisita.

Saan a kanayon a nalaka ti agbiyahe a mapan iti doktor. Palubosan dagiti Virtual a Medikal a Panagbisita a maki-live video chat dagiti miembro iti maysa a doktor iti computer, tablet wenno smartphoneda. Masungbatan dagiti doktor dagiti saludsod ken maagasanda ti adu a gagangay a kondision ti salun-at. Dagiti Virtual a Medikal a Panagbisita ket mausar 24/7 adda man wenno awan ti appointment.

Masakupan ti Seguro para iti Emerhensia iti Intero a Lubong.

No agbiaheka wenno bisitaem dagiti kabaggiam, nasayaat a maammuan a masakupanka latta para iti emerhensia ken naganat a panangtaripato. Adu a doble a plano iti salun-at ti mangiraman iti Masakupan ti Seguro para iti Emerhensia iti Intero a Lubong tapno masaluadan dagiti miembro iti sadinoman ken iti kaanoman nga agbiaheda.

Mabalin nga agpalistaka a dagus.

Maysa kadagiti kadadakkelan a benepisio ti doble a plano iti salun-at ket isu ti saanmo a panaguray tapno agpalista. Mabalin a sukatan ti kaadduan a tattao ti planoda iti Medicare bayat ti Tinawen a Panagpalista iti Medicare (AEP) iti panawen ti otonio (fall). Ngem no kualipikadoka para iti Medicaid ken nakalistaka iti Medicare, mabalin nga agpalistaka bayat ti umuna nga 9 a bulan ti tawen iti Panawen ti Naisangsangayan a Panagpalista (SEP). Kitaen ti artikulo a Kaanoka a mabalin nga agpalista iti doble a plano iti salun-at para iti ad-adu pay a detalye.

Kitaen dagiti plano ti UnitedHealthcare iti lugarmo.

Laglagipen koma a dagiti espesipiko a benepisio nga iraman dagiti doble a plano iti salun-at ket mabalin nga agbaliw depende iti pagnanaedam. Agbirok sigun iti ZIP codemo tapno masarakam ti umiso a plano a makaipaay kadagiti kasapulam a panangtaripato iti salun-at. 

Adda Pay La Saludsodmo?

Addakami ditoy tapno tumulong.

Awagandakami iti:
1-844-812-5967
TTY: 711

8 a.m. agingga 8 p.m. lokal nga oras, 7 aldaw tunggal lawas.

Alaen ti Libre a Giya iti Doble nga Planom

Ti kiddawmo ket balligi a naidatag.

Pagyamanan, ti Pagsurotan ket umayen.

Powered by Translations.com GlobalLink OneLink Software