Napateg ti nasayaat a salun-at ti ngipen, gapu ta dakkel ti pakainaigan daytoy iti intero a salun-atmo. Ngem nakanginngina met ti panangtaripato iti ngipen. No nakurang ti kuwarta, mabalin a mapilitanka nga itantan ti ipapan iti dentista. No addaanka agpada iti Medicaid ken Medicare, mabalin a saanmon a problema dayta. Dagiti doble a plano ti salun-at ket para kadagiti tattao nga addaan iti agpada a Medicaid ken Medicare. Ken kaadduan kadagitoy ket iramanda ti masakupan ti seguro para iti ngipen.* Mabalin a dakkel ti maitulong daytoy iti badyetmo ken iti salun-atmo.

Sakbay nga agpalistaka iti aniaman a plano ti salun-at, nasayaat a maammuan no ania nga eksakto ti kayat a sawen ti benepisio ken masakupan ti seguro. Adtoy dagiti nadumaduma a kita ti panangtaripato iti ngipen a mabalin a kayatmo a siguraduen a masakupan ti planom:

Regular a pannakaeksamen ken pannakadalus. Iraman ti kaadduan a doble a plano ti salun-at ti $0 a copay para kadagiti regular nga eksaminasion, a mabalin a pakairamanan ti pannakadalus ken periodontal maintenance. Kayat a sawen daytoy a mabalinmo a bisitaen ti dentista para iti pannakadalus nga awan ti nayon a bayadam.

Dagiti X-ray ti ngipen. Agusar dagiti dentista kadagiti x-ray tapno makaala ti detalyado nga imahe ti salun-at ti ngiwatmo. Mabalinda a kitaen dagiti ramut ti ngipenmo ken dagiti tulang iti aglawlawna, kasta met dagiti filling, crown ken implant. Makatulong pay dagiti x-ray tapno makita dagiti dentista dagiti nadadael ken binukbok a ngipen.

Dagiti pannakaagad babaen iti Fluoride. Daytoy ket nadaras ken saan a nasakit a wagas tapno tumulong a mangsaluad kadagiti ngipenmo manipud iti panagbukbok ken pannakadadael.

Dagiti utang para kadagiti serbisio iti ngipen. Kadawyan, bayadan dagiti pasiente ti paset ti mabayadan para dagiti filling, root canal, implant ken dadduma pay a serbisio iti ngipen. Ngem adu a doble a plano iti salun-at ti mangiraman kadagiti credit a tumulong a mangbayad kadagitoy a kita ti serbisio iti ngipen. Adda pay dadduma a doble a plano iti salun-at a mangiraman kadagiti credit para kadagiti postiso.

Dagiti ngipentayo ket dakkel a paset ti langatayo. Ket mabalin a nalaklaka ti makarikna iti nasayaat maipapan iti bukodmo a bagi no nasayaat ti panagriknam maipapan kadagiti ngipenmo. Mapapigsa ti pakinakemmo no napintas ti isemmo. Ken mabalin pay a makatulong daytoy tapno nalaklaka ken naragragsak ti makilangen iti tattao. Dim baybay-an ti panangalam iti kasapulam a panangtaripato iti ngipen. Kitaem dagiti nayon a benepisio a mabalinmo a maala iti doble a plano iti salun-at. 

Tapno ammuen no ania nga eksakto ti masakupan ti seguro para iti ngipen ti maalam iti doble a plano iti salun-at manipud iti UnitedHealthcare, agbirok iti lokasyonmo.