Mapan iti kangrunaan a linaon
Para Kadagiti Miembro (Aglukat iti Baro nga Tab)
Kangrunaan a Linaon

Kasano a makatulong iti doble pakaikarianna a plano iti salun-at (D-SNP) kadagiti tattao nga addaan iti diabetes?

Naipakdaar: Hulio 30, 2021

Petsa ti kaudian a pannakapabaro: Marso 04, 2022

5 a wagas a makatulong ti kualipikado iti doble a plano iti salun-at kadagiti tattao nga addaan iti diabetes

Ti diabetes ket serioso, agpaut a sakit. Masapul ti nasayaat a panangimaton iti taripato ti diabetes tapno mawanawanan ti diabetes. Awan ti agas para iti diabetes. Ngem mabalin latta nga agbiag iti napaut ken naragsak dagiti tattao nga addaan diabetes. Ti tulbek ket ti panangsurot iti panglapped a taripato iti diabetes ken panangtaginayon kadagiti nababa a rukod ti asukar iti dara. Makatulong met ti kaadda iti umiso a plano iti salun-at. 

Dagiti kualipikado iti doble plano iti salun-at (maaw-awagan met iti Dagiti Doble a Plano kadagiti Espesial a Kasapulan wenno Dual Special Needs Plans, D-SNPs) ket klase ti Medicare Advantage a plano para kadagiti tattao a kualipikado para iti agpada a Medicaid ken Medicare. Dayta ti kaipapanan ti termino a “kualipikado iti doble”. Ipaganetget daytoy nga artikulo 5 dagiti wagas a makatulong ti doble a plano iti salun-at kadagiti tattao nga addaan iti diabetes iti nasaysayaat a panangimaton iti pannakataripatoda iti diabetes.

Alaem ti libre a giya iti doble a plano

 Amin a masapul a maammoam maipapan kadagiti Doble a Plano kadagiti Nasingsingayan nga Kasapulan a napaminsan, nanam-ay a giya.

1. Makatulong dagiti doble a plano iti salun-at a mangsaklaw iti gastos iti insulin ken dadduma pay nga agas ti diabetes

Makatulong dagiti doble a plano iti salun-at a mangbayad iti insulin, dagiti insulin pen, ringgilia, dagum ken dadduma pay a suplay ti diabetes. Saklawen met dagiti doble a plano iti salun-at dagiti reseta nga agas tapno makatulong iti diabetes. Dagiti dadduma nga agas iti diabetes ket pababaenda dagiti rukod ti glucose ti dara (asukar ti dara). Dagiti dadduma nga agas a mainaig iti diabetes ket tumulong a mangpababa iti presion ti dara tapno makissayan ti peggad ti sakit ti puso ken pannaka-stroke.  

2. Makatulong met dagiti doble a plano iti salun-at kadagiti suplay ti diabetes

Malaksid iti insulin, masapul dagiti strip a pangsubok ken dagiti amin a klase ti dadduma a medikal a suplay tapno nasayaat a maimatonan ti diabetes. Para kadagiti tattao nga addaan iti diabetes, ti gastos kadagiti suplay ti addaan diabetesna ket nadaras nga umado. Ngem manen, maysa pay daytoy a paset a mabalin a makatulong ti kualipikado iti doble a plano iti salun-at. 

Ti Magatang nga Awan Resetana+Nasalun-at a Makan ket napateg a benepisyo a karaman kadagiti dual health plan manipud iti UnitedHealthcare.* Makaala dagiti miembro kadagiti kredito a mabalinda nga usaren a panggatang iti ribu-ribu a produkto a magatang nga awan resetana kadagiti adu a paggatangan. Bendahe man daytoy, dagiti pangpunas nga addan iti alkohol, pangbantay iti presion ti dara wenno dadduma pay a suplay a makatulong iti panangtaripato iti addaan diabetis, mabalinmo a magatang dagitoy babaen kadagiti kredito imbes a bayadam iti agtaud iti bulsam. Ken nu kasapulam dagiti bambanag a kas iti aspirin, dagiti bitamina, toothpaste, dagiti suplay ti pustiso wenno bendahe, mabalinmo met nga usaren dagiti kredito a panggatang kadagita a bambanag.

Ti pannangan kadagiti nasalun-at a taraon ket nadaras a makatulong iti panangpababa kadagiti rukod ti A1C nga asukar ti dara.

3. Dagiti doble a plano iti salun-at ket mabalin a mangidiaya kadagiti kredito a panggatang iti nasalun-at a taraon

Mabalin met nga usaren dagiti miembro ti UnitedHealthcare ti bukodda a kredito iti Magatang nga Awan Resetana+Nasalun-at a Makan a panggatang kadagiti aprubado a groceries nga awan magastosda. Ti adu a pagpilian ket kairamanan dagiti prutas ken nateng, karne ken ikan, dagiti itlog ket produkto a nagtaud iti gatas ken adu pay a dadduma a nasalun-at makan.

Ti nasalun-at a pannangan ket napateg a paset ti nasayaat a panangimaton iti pannakataripato ti diabetes. Ti A1C a pangsubok iti diabetes ket wanawananna dagiti rukod ti asukar ti dara iti nasurok a 2- 3 a bulan a tiempo. Dagiti taraon a nangato iti carbohydrates (carbs), kas iti pasta, tinapay ken cereal ken mabalin a makapangato iti asukar ti dara. Ngem ti panagkaan kadagiti nasalun-at a taraon ket nadaras a makapababa kadagiti rukod ti A1C nga asukar ti dara. Mangan iti adu a prutas, dagiti saan a naarina a natnateng, dagiti bukbukel ken taraon nga addaan nangato a fiber. Limitaran dagiti naka-package, naproseso ken take-out a makmakan a mabalin a nangato iti saturated a taba, asin ken nainayon nga asukar. Agannad met iti rukod ti dasar. Ti pannangan iti basbassit ket maysa a kasayaatan a wagas ti panangimaton iti diabetes ken panangpababa kadagiti rukod ti asukar ti dara 

4. Dagiti doble a plano iti salun-at ket makatulong babaen iti ehersisio

Malaksid iti nasaysayaat a dieta ken nutrision, ti panag-ehersisio ket maysa iti kakapatgan a panagbaliw iti estilo ti panagbiag a makatulong a mangpababa kadagiti rukod A1C nga asukar ti dara. Ken adda adu pay a benepisio iti salun-at a kakuyog ti kinaaktibo a pisikal. Dayta ti rason nga adu kadagiti doble a plano iti salun-at ti UnitedHealthcare ti nakairamanan ti Renew Active® a programa iti kinakaradkad.* Ipaayan daytoy a benepisio dagiti miembro iti libre a gagangay a kinamiembro kadagiti gym ken sentro ti kinakaradkad, ken akses kadagiti klase ti grupo ken onlin nga ehersisio ti utek. 

5. Mabalin a mangidiaya dagiti doble a plano iti salun-at iti koordinasion ti taripato tapno makatulong iti panangimaton iti diabetes

Mabalin a narigat ti panagbiag nga addaan iti diabetes wenno kadagiti dadduma a napaut a sakit. Ken dagiti tattao nga addaan iti Medicaid ken Medicare ket kasla addaan iti medio adu a kasapulan iti salun-at. Babaen iti Doble a Plano kadagiti Espesial a Kasapulan ti UnitedHealthcare, mabalinka a makaala iti naiyurnos a kapadasan iti pannaripato tapno makatulong iti panangimaton iti planom iti taripato ti diabetes kasta met ti aniaman a dadduma a parikut iti salun-at a mabalin nga adda kenka.

Dagiti miembro dagiti doble a plano iti salun-at ti UnitedHealthcare ket addaan iti Navigator a tumulong kadakuada a mangsurot iti proseso ti sistema ti taripato ti salun-at. Ti Navigator ket ti solo a kaumanmo a mangam-ammo kenka ken dagiti partikular a karit iti salun-atmo. Kas pangarigan addaanka iti saludsod maipapan kadagiti pagbasaran iti taripato ti diabetes wenno kayatmo ti kanayonan a suporta a kas iti panagbalakad para iti diabetes wenno nutrision. Mabalinmo a tawagan ti bukodmo a Navigator tapno maalam dagiti sungbat ken masarakam dagiti sidadaan a programa. Iti Nabigador mo ket agtarabaho para kenka, para ti pamilyam ken ti tagataripatom tapno masegurado nga maalam ti masapul mo nga panangtaripato.  

*LAGLAGIPEN: Agduma dagiti benepisio depende iti plano ken ti lugar ti serbisio. Maipakat dagiti limitasion ken mailaksid. Para kadagiti detalye maipapan iti eksakto a benepisio ti OTC+Nasalun-at a Taraon a naitipon iti 2022 a Doble a Plano para kadagiti Espesial a Kasapulan, tawagan ti numero wenno bisitaen ti website a nakaprinta iti likudan ti kardmo iti OTC+Nasalun-at a Taraon.

Kitaen dagiti plano ti UnitedHealthcare iti lugarmo

Mabalin ang agbaliw dagiti benepisio ti Dual-eligible wenno Medicaid a plano depende iti pagnanaedam. Agbirok segun iti ZIP code mo tapno masarakam ti kasayaatan a plano a makasabat kadagiti kasapulam para ti taripato iti salun-at.

Adda pay saludsodmo

Addakami ditoy tapno tumulong

Awagandakami iti:
1-844-812-5967 / TTY: 711
8 a.m. agingga 8 p.m. lokal nga oras, 7 aldaw tunggal lawas.

Adda pay saludsodmo

Addakami ditoy tapno tumulong

Awagandakami iti:
1-844-812-5967 / TTY: 711
8 a.m. agingga 8 p.m. lokal nga oras, 7 aldaw tunggal lawas.

Powered by Translations.com GlobalLink OneLink Software