Mapan iti kangrunaan a linaon
Para Kadagiti Miembro (Aglukat iti Baro nga Tab)
Kangrunaan a Linaon

Ania ti Medicaid ken ania ti sakupen na daytoy

Naipakdaar: Abril 05, 2021

Petsa ti kaudian a pannakapabaro: Abril 05, 2021

Ti Medicaid ket programa ti pederal ken estado a mangipapaay iti sakup iti taripato ti salun-at kadagiti tattao a kwalipikado. Patpatarayen ti tunggal estado ti bukodna a programa a Medicaid, ngem addaan ti pederal a gobierno kadagiti alagaden a nasken a suruten dagiti amin nga estado. Mangipapaay met ti pederal a gobierno iti saan a nababbaba ngem kagudua ti pondo para kadagiti kalikagumanda iti Medicaid.

Maibasar kadagiti pagalagadan ti pederal, agar-aramid ken agpatpataray dagiti estado iti bukodda a Medicaid a programa tapno mapagserbianda iti kasayaatan a wagas dagiti kwalipikado a residenteda. Mabalin a pilien dagiti estado ti mangipaay iti ad-adu a serbisio ngem iti kalikaguman ti pederal a gobierno ken mabalinda pay a pilien ti mangipaay iti saklaw kadagiti daddadakkel a grupo dagiti tattao. Mangipapaay ti Medicaid iti saklaw ti taripato ti salun-at para kadagiti tattao a kwalipikado, maibasar iti kita ken balor ti sanikuada.

Para iti nadaras a pammalatpat iti Medicaid, buyaen ti Inaramid ti Medicaid a Nalawag video dagiti kangrunaan a bambanag

Alaem ti libre a giya iti doble a plano

 Amin a masapul a maammoam maipapan kadagiti Doble a Plano kadagiti Nasingsingayan nga Kasapulan a napaminsan, nanam-ay a giya.

Ti pakasaritaan ti Medicaid?

Nangrugi ti Medicaid kas paset ti Linteg ti Social Security ti 1965. Inikkan ti orihinal a linteg dagiti estado iti pagpilian nga umawat iti pondo ti pederal tapno makatulong iti panangipaay iti sakup a taripato ti salun-at kadagiti ubbing a ti pamiliana ket addaan iti nababa a kita, dagiti tagaaywan a kabaggianda, dagiti tattao a bulag ken tattao nga addaan iti disabilidad. Iti panaglabas ti panawen, pinabileg ti pederal a gobierno dagiti pagalagadan ken makalikagum para kadagiti programa a Medicaid ti estado.

Pagdesisionan ti tunggal estado ti naan-anay a kaadu dagiti benepisio a saklawenna babaen iti Medicaid.

Siasino ti pagserbian ti Medicaid?

Pagserbian dagiti programa ti Medicaid dagiti partikular a grupo dagiti tattao, kaibilangan dagiti:

  • Masikog a nababa ti kitana
  • Ubbing a nababa ti kita dagiti pamiliada
  • Dagiti ubbing iti pagampunan
  • Dagiti tattao nga addaan kadagiti disabilidad
  • Dagiti nataengan a nababa ti kitana
  • Dagiti nagannak wenno tagaaywan a nababa ti kita na

Mabalin met a pilien dagiti estado a palawaen ti kualipikasion kadagiti dadduma a grupo, kas kadagiti tattao a nababa ti kitana a mabalin nga addaan wenno awanan kadagiti annak.

Ania ti CHIP?

Ti CHIP, a ti kaipapananna ken Programa a Seguro iti Salun-at dagiti Ubbing (Children’s Health Insurance Program), ket mangipapaay iti nalaka a seguro para kadagiti ubbing a saan a matun-oy ti pamiliada ti makalikagum a kwalipikasion iti kita para iti Medicaid. Mabalin met a mangipaay ti CHIP iti pannakasaklaw kadagiti masikog kadagiti dadduma nga estado, ngem saanna a saklawen dagiti nataengan a mangay-aywan kadagiti ubbing a kwalipikado para iti CHIP.

Medicaid maibasar kadagiti numero

76.4 a milion nga indibidual ti nakapalista iti Medicaid ken CHIP
69.7 a milion nga indibidual ti nakapalista iti Medicaid
6.6 a milion nga indibidual ti nakapalista iti CHIP

Naggapuan: Medicaid.gov Agosto 2020 Report iti Panagpalista

Ania dagiti serbisio a taripato ti saklawen ti Medicaid?

Pagdesisionan ti tunggal estado ti naan-anay a kaadu dagiti benepisio a saklawenna babaen iti Medicaid. Kalikaguman ti linteg ti pederal a nasken a mangipaay dagiti estado kadagiti partikular a benepisio, a maaw-awagan a dagiti mandatorio a benepisio. Mabalin met a pilien nga idiaya dagiti estado dagiti dadduma a benepisio ken serbisio babaen iti Medicaid. Maaw-awagan dagitoy nga opsional a benepisio. Ipakita ti tsart dita baba nu ania dagiti mandatorio a benepisio ken nu ania dagiti opsional a benepisio ti Medicaid.

Dagiti mandatorio a benepisio ti Medicaid

Dagiti opsional a benepisio ti Medicaid

Dagiti serbisio ti ospital para iti inpatient

Naireseta nga agas

Dagiti serbisio ti ospital para iti outpatient

Dagiti serbisio ti klinika

Nasapa ken panapanawen nga screening, diagnostiko ken dagiti panagagas a serbisio (EPSDT)

Pisikal therapy

Dagiti serbisio ti pasilidad a pagaywanan

Terapiya a mainaig iti trabaho (panagpanunot ken panagtignay)

serbisyoa maited iti uneg ti balay

Dagiti serbisio iti panagsao, panagdengngeg ken problema iti panagsao

Dagiti serbisio ti doktor

Dagiti serbisio a pangaywan iti respiratorio (panaganges)

Dagiti serbisio ti klinika ti salun-at iti away

Dagiti dadduma pay a serbisio a diagnostiko, screening, panglapped iti sakit ken panagpaimbag

Dagiti serbisio ti kwalipikado iti pederal a sentro ti salun-at

Dagiti serbisio a podiatria (taripato ti saka)

Dagiti serbisio a laboratorio ken X-ray

Dagiti serbisio nga Optometria (panagkita)

Dagiti serbisio a panagplano iti pamilia

serbisyo iti ngipen

Dagiti serbisio ti nars a komadrona

Dagiti pustiso

Dagiti serbisio ti sertipikado a doktor ti ubing ken nars ti pamilia

Dagiti prostetiko (pangsukat iti naikkat wenno nadadael a paset ti bagi)

Dagiti serbisio ti agsolsolo a sentro ti paganakan (nu lisensiado wenno bigbigen ti estado)

Antiokos

Transportasion a mapan iti medikal a taripato

Dagiti serbisio ti chiropractic

Panagbalakad iti masikog mainaig iti panagsardeng nga agsigarilio

Dadduma pay a serbisio dagiti praktisioner

Dagiti serbisio ti pribado a panagaywan

Personal a pannaripato

Hospisio

Panagimaton ti kaso

Dagiti serbisio para kadagiti indibidual nga agtawen 65 wenno natataengan pay iti maysa nga institusion para iti sakit ti panunot (IMD)

Dagiti serbisio iti pasilidad ti intermidiate a taripato para kadagiti Indibidwal nga addaan disabilidad iti panunot

Dagiti serbisio ti bukod nga iturturong a personal a tulong

Pagpilian a komunidad ti maipangruna

Dagiti serbisio a mainaig iti TB

Dagiti serbisio ti inpatient a psychiatriko para kadagiti indibidwal a nababbaba ti tawenna ngem 21

Dadduma pay a serbisio nga aprubado ti Sekretario ti Salun-at ken Dagiti Serbisio ti Tao

Pagtaengan ti salun-at para kadagiti nagpalista nga addaan kadagiti agsubli-subli a kondision

*Kaibilangan daytoy dagiti serbisio a maipapaay iti institusion ti relihion a saan a medikal a taripato ti salun-at, dagiti emerhensia a serbisio iti ospital babaen iti ospital a saan a sertipikado ti Medicare, ken ti kritikal akses nga ospital (CAH) a saklaw ti Medicaid a reseta nga agas.

Ti saklaw iti reseta nga agas ket opsional a benepisio babaen iti linteg ti pederal a Medicaid. Ngem, agingga idi2020, innayon ti amin nga estado ti dadduma a kita ti saklaw iti reseta nga agas babaen iti programada a Medicaid. Iti sapasap, kaadduan kadagiti nagpalista iti uneg ti programa ti estado a Medicaid ket makaala iti saklaw iti reseta nga agas.
 

Saklaw iti taripato iti salun-at iti pagtaenga ti Medicaid ken taripato ti nataengan iti residensia

Mabalin met a saklawen dagiti programa ti Medicaid ti nadumaduma a Serbisio a Nakabasar iti Pagtaengan ken Komunidad (HCBS) tapno matulungan dagiti tattao nga agtalinaed nga agnaed iti pagtaengan ken agbalin nga aktibo iti komunidad. Ti tukad ti suporta a maipaay ket tipikal a maibasar kadagiti kasapulan ti indibidwal.

Dagiti pangarigan dagiti kita ti taripato ti salun-at iti pagtaengan ken dagiti serbisio a taripato ti nataengan iti residensia a naipaay kas paset dagiti programa ti HBCS ket kaibilangan ti:

  • Personal a taripato kas iti panagdigus
  • serbisyo iti transportasion
  • Eksperto a panagaywan
  • Terapiya a mainaig iti trabaho, panagsao ken pisikal a bagi
  • Panangimaton iti dieta ken nutrision (nasalun-at a pannangan)
  • Dagiti makan a maitulod iti balay
  • Dagiti trabaho iti balay ken panagdalus iti balay

Dagiti dadduma a serbisio ti HCBS kas iti eksperto a panagaywan ken terapiya a mainaig iti trabaho, pisikal a bagi wenno panagsao ket ipaay ti kwalipikado ken, iti dadduma a situasion, dagiti lisensiado a propesional. Dagiti dadduma a serbisio, kas kadagiti trabaho iti pagtaengan ken panagisagana iti makan, ket mabalin nga ipaay dagiti kapamilia, gagayyem wenno baybayadan a tagaaywan.

Kasano ti agaplikar para iti Medicaid

Gapu ta imatmatonan ti tunggal estado ti bukodda a programa a Medicaid, ti kwalipikasion ken agduduma iti tunggal estado. Nu addaanka kadagiti saludsod maipapan iti kwalipikasion, awagam ti ahensia ti Medicaid ti estadom. Wenno, agaplikar online idiay website para iti ahensia ti Medicaid ti estadom tapno maammoam nu kwalipikadoka.

Ania ti Doble a Naisingsingayan a Kasapulan a Plano (D-SNP)?

Ti Doble a Plano para kadagiti Espesial a Kasapulan (wenno kualipikado iti dua a plano iti salun-at) ket klase ti plano iti seguro ti salun-at para kadagiti tattao nga addaan iti agpada a Medicaid ken Medicare. Dagitoy a tattao ket “kwalipikado iti dua” gapu ta mabalinda nga umawat kadagiti benepisio ti Medicaid ken uray dagiti benepisio ti Medicare.

Dagiti Doble a Plano para kadagiti Espesial a Kasapulan ket mangipapaay iti kanayonan a tulong kadagiti makasapul iti daytoy. Dayta ket mabalin a gapu iti matgedan, disabilidad, tawen ken/wenno kondision ti salun-at. Ti Dual Special Needs Plan ket makipagtintinnulong iti plano iti salun-atmo iti Medicaid. Mapagtalinaedmo amin a benepisiom iti Medicaid. Kaadduan kadagiti doble a plano iti salun-at ket mangted pay kenka iti ad-adu a benepisio ken pakausaran ngem iti Original Medicare. Amin iti kas kababa ti $0 a premium ti plano. Ammoen ti ad-adu pay maipapan kadagiti benepisio ti doble a plano iti seguro ti salun-at.

Kitaen dagiti plano ti UnitedHealthcare iti lugarmo.

Mabalin ang agbaliw dagiti benepisio ti Dual-eligible wenno Medicaid a plano depende iti pagnanaedam. Agbirok segun iti ZIP code mo tapno masarakam ti kasayaatan a plano a makasabat kadagiti kasapulam para ti taripato iti salun-at.

Adda pay saludsodmo

Addakami ditoy tapno tumulong

Awagandakami iti:
1-844-812-5967 / TTY: 711
8 a.m. agingga 8 p.m. lokal nga oras, 7 aldaw tunggal lawas.

Adda pay saludsodmo

Addakami ditoy tapno tumulong

Awagandakami iti:
1-844-812-5967 / TTY: 711
8 a.m. agingga 8 p.m. lokal nga oras, 7 aldaw tunggal lawas.

Powered by Translations.com GlobalLink OneLink Software