Mapan iti kangrunaan a linaon
Kangrunaan a Linaon

Ania ti Medicaid?

Ti Medicaid ket programa ti pederal ken estado a mangipapaay iti sakup iti taripato ti salun-at kadagiti tattao a kwalipikado. Patpatarayen ti tunggal estado ti bukodna a programa a Medicaid, ngem addaan ti pederal a gobierno kadagiti alagaden a nasken a suruten dagiti amin nga estado. Mangipapaay met ti pederal a gobierno iti saan a nababbaba ngem kagudua ti pondo para kadagiti kalikagumanda iti Medicaid.

Maibasar kadagiti pederal a pagalagadan, mangaramid ken mangpataray dagiti estado iti bukodda a programa ti Medicaid tapno maserbianda iti kasayaatan a wagas dagiti kualipikado a residenteda. Mabalin a pilien dagiti estado ti mangipaay iti ad-adu a serbisio ngem iti kalikaguman ti pederal a gobierno ken mabalinda pay a pilien ti mangipaay iti masakupan ti seguro kadagiti daddadakkel a grupo dagiti tattao. Mangipapaay ti Medicaid iti masakupan ti seguro a panangtaripato iti salun-at para kadagiti tattao a kualipikado, maibasar iti matgedan ken ti balor ti sanikuada.

Ti pakasaritaan ti Medicaid

Nangrugi ti Medicaid kas paset ti Linteg ti Social Security ti 1965. Inikkan ti orihinal a linteg dagiti estado iti pagpilian nga umawat iti pondo ti pederal tapno makatulong iti panangipaay iti sakup a taripato ti salun-at kadagiti ubbing a ti pamiliana ket addaan iti nababa a kita, dagiti tagaaywan a kabaggianda, dagiti tattao a bulag ken tattao nga addaan iti disabilidad. Iti panaglabas ti panawen, pinabileg ti pederal a gobierno dagiti pagalagadan ken makalikagum para kadagiti programa a Medicaid ti estado.

Pagdesisionan ti tunggal estado ti naan-anay a kaadu dagiti benepisio a sakupenna babaen iti Medicaid.

Siasino ti pagserbian ti Medicaid?

Pagserbian dagiti programa ti Medicaid dagiti partikular a grupo dagiti tattao, kaibilangan dagiti:

  • Masikog a nababa ti kitana
  • Ubbing a nababa ti kita dagiti pamiliada
  • Dagiti ubbing iti pagampunan
  • Dagiti tattao nga addaan kadagiti disabilidad
  • Dagiti nataengan a nababa ti kitana
  • Dagiti nagannak wenno tagaaywan a nababa ti kita na

Mabalin met a pilien dagiti estado a palawaen ti kualipikasion kadagiti dadduma a grupo, kas kadagiti tattao a nababa ti kitana a mabalin nga addaan wenno awanan kadagiti annak.

Ammuen ti maipapan kadagiti plano ti Medicaid

Iti Medicaid, mabalin nga adda sumagmamano a kita ti nababa ti bayadan wenno awan-bayadna a plano, depende iti estado a pagnanaedam. Ammuen ti maipapan kadagiti kita ti plano iti baba.

Kita ti plano Ania ti masakupanna

Medicaid

Nababa ti bayadan wenno awan-bayadna a masakupan ti seguro iti pang-salun-at nga seguro nga imatonan ti tunggal estado. Mabalin nga agbaliw dagiti kasapulan iti pannakabalin nga ma-kwalipikar depende iti estado. Mabalin pay nga adda sabali a nagan ti programa a Medicaid iti estadom.

Dagiti Kualipikado kadagiti Doble a plano kadagiti Espesial a Kasapulan (Dual Eligible Special Needs plans, D-SNP)

Masakupan ti seguro para kadagiti tattao a kualipikado iti agpadpada a Medicare ken Medicaid. Kaadduan a dual a plano ket mangted kenka kadagiti benepisyo nga ad-adu ngem iti Orihinal a Medicare.

Children's Health Insurance Program (CHIP)

Nababa ti bayadan wenno awan-bayadna a masakupan ti seguro para kadagiti maladaga, dagiti ubbing, ken agtutubo. Nadisenio tapno tulungan dagiti ubbing a mangala iti panangtaripato a kasapulanda iti panagdakkelda.

Medicaid maibasar kadagiti numero

76.4 a milion nga indibidual ti nakapalista iti Medicaid ken CHIP

69.7 a milion nga indibidual ti nakapalista iti Medicaid

6.6 a milion nga indibidual ti nakapalista iti CHIP

Ania dagiti serbisio a taripato ti saklawen ti Medicaid?

Pagdesisionan ti tunggal estado ti naan-anay a kaadu dagiti benepisio a saklawenna babaen iti Medicaid. Kalikaguman ti linteg ti pederal a nasken a mangipaay dagiti estado kadagiti partikular a benepisio, a maaw-awagan a dagiti mandatorio a benepisio. Mabalin met a pilien nga idiaya dagiti estado dagiti dadduma a benepisio ken serbisio babaen iti Medicaid. Maaw-awagan dagitoy nga opsional a benepisio. Ipakita ti tsart dita baba nu ania dagiti mandatorio a benepisio ken nu ania dagiti opsional a benepisio ti Medicaid.

Dagiti Mandatorio a benepisyo ti Medicaid:
  • Dagiti serbisio ti ospital para iti inpatient
  • Dagiti serbisio ti ospital para iti outpatient
  • Nasapa ken panapanawen nga screening, diagnostiko ken dagiti panagagas a serbisio (EPSDT)
  • Dagiti serbisio ti pasilidad a pagaywanan
  • serbisyoa maited iti uneg ti balay
  • Dagiti serbisio ti doktor
  • Dagiti serbisio ti klinika ti salun-at iti away
  • Dagiti serbisio ti kwalipikado iti pederal a sentro ti salun-at
  • Dagiti serbisio a laboratorio ken X-ray
  • Dagiti serbisio a panagplano iti pamilia
  • Dagiti serbisio ti nars a komadrona
  • Dagiti serbisio ti sertipikado a doktor ti ubing ken nars ti pamilia
  • Dagiti serbisio ti agsolsolo a sentro ti paganakan (nu lisensiado wenno bigbigen ti estado)
  • Transportasion a mapan iti medikal a taripato
  • Panagbalakad iti masikog mainaig iti panagsardeng nga agsigarilio
Dagiti opsional a benepisyo ti Medicaid:
  • Naireseta nga agas
  • Dagiti serbisio ti klinika
  • Pisikal therapy
  • Terapiya a mainaig iti trabaho (panagpanunot ken panagtignay)
  • Dagiti serbisio iti panagsao, panagdengngeg ken problema iti panagsao
  • Dagiti serbisio a pangaywan iti respiratorio (panaganges)
  • Dagiti dadduma pay a serbisio a diagnostiko, screening, panglapped iti sakit ken panagpaimbag
  • Dagiti serbisio a podiatria (taripato ti saka)
  • Dagiti serbisio nga Optometria (panagkita)
  • serbisyo iti ngipen
  • Dagiti pustiso
  • Dagiti prostetiko (pangsukat iti naikkat wenno nadadael a paset ti bagi)
  • Antiokos
  • Dagiti serbisio ti chiropractic
  • Dadduma pay a serbisio dagiti praktisioner
  • Dagiti serbisio ti pribado a panagaywan
  • Personal a pannaripato
  • Hospisio
  • Panagimaton ti kaso
  • Dagiti serbisio para kadagiti indibidual nga agtawen 65 wenno natataengan pay iti maysa nga institusion para iti sakit ti panunot (IMD)
  • Dagiti serbisio iti pasilidad ti intermedio a panangtaripato para kadagiti indibidual nga addaan disabilidad iti panunot
  • Dagiti serbisio ti bukod nga iturturong a personal a tulong
  • Pagpilian a komunidad ti maipangruna
  • Dagiti serbisio a mainaig iti TB
  • Dagiti serbisio ti inpatient a psychiatriko para kadagiti indibidwal a nababbaba ti tawenna ngem 21
  • Dadduma pay a serbisio nga aprubado ti Sekretario ti Salun-at ken Dagiti Serbisio ti Tao
  • Pagtaengan ti salun-at para kadagiti nagpalista nga addaan kadagiti agsubli-subli a kondision

Pakaibilangan daytoy dagiti serbisio a maipapaay iti institusyon ti relihion a saan a medikal a panangtaripato ti salun-at, dagiti emerhensia a serbisio iti ospital babaen iti ospital a saan a sertipikado ti Medicare, ken ti masakupan ti seguro a naireseta nga agas iti Medicaid iti ospital nga madanon daras no tiempo ti krisis (critical access hospital, CAH).1

Ti saklaw iti reseta nga agas ket opsional a benepisio babaen iti linteg ti pederal a Medicaid. Ngem, agingga idi2020, innayon ti amin nga estado ti dadduma a kita ti saklaw iti reseta nga agas babaen iti programada a Medicaid. Iti sapasap, kaadduan kadagiti nagpalista iti uneg ti programa ti estado a Medicaid ket makaala iti saklaw iti reseta nga agas.

Saklaw iti taripato iti salun-at iti pagtaenga ti Medicaid ken taripato ti nataengan iti residensia

Mabalin met a sakupen dagiti programa ti Medicaid ti nadumaduma a Serbisio a Nakabasar iti Pagtaengan ken Komunidad (Home- and Community-Based Services, HCBS) tapno matulungan dagiti tattao nga agtalinaed nga agnaed iti pagtaengan ken agbalin nga aktibo iti komunidad. Ti tukad ti suporta a maipaay ket tipikal a maibasar kadagiti kasapulan ti indibidwal.

Dagiti pangarigan dagiti kita ti taripato ti salun-at iti pagtaengan ken dagiti serbisio a taripato ti nataengan iti residensia a naipaay kas paset dagiti programa ti HBCS ket kaibilangan ti:

  • Panangtaripato iti bagi, kas iti panagdigus
  • serbisyo iti transportasion
  • Eksperto a panagaywan
  • Terapiya a mainaig iti trabaho, panagsao ken pisikal a bagi
  • Panangimaton iti dieta ken nutrision (nasalun-at a pannangan)
  • Dagiti makan a maitulod iti balay
  • Dagiti trabaho iti balay ken panagdalus iti balay

Dagiti dadduma a serbisio ti HCBS kas iti eksperto a panangtaripato ken terapia a mainaig iti trabaho, pisikal a bagi wenno panagsao ket ipaay ti kualipikado ken, iti dadduma a situasion, dagiti lisensiado a propesional. Dagiti dadduma a serbisio, kas kadagiti trabaho iti pagtaengan ken panagisagana iti makan, ket mabalin nga ipaay dagiti kapamilia, gagayyem wenno baybayadan a tagaaywan.

Kasano ti agaplikar para iti Medicaid

Gapu ta imatmatonan ti tunggal estado ti bukodda a programa a Medicaid, ti kwalipikasion ken agduduma iti tunggal estado. Nu addaanka kadagiti saludsod maipapan iti kwalipikasion, awagam ti ahensia ti Medicaid ti estadom. Wenno, agaplikar online idiay website para iti ahensia ti Medicaid ti estadom tapno maammoam nu kwalipikadoka.

Ania a kita ti plano ti pakaikariak?

Sungbatam ti sumagmamano a pamiitan a saludsod tapno makita nu ania a klase ti plano ti mabalin a nasayaat a maiyannatup kenka.

Sapulen dagiti plano ti Medicaid iti lugaryo

Mabalin nga agbaliw dagiti benepisio ti Medicaid wenno dual a kualipikado a plano depende iti pagnanaedam. Agbirok babaen ti ZIP code-mo tapno makasarakka iti umno a plano a mangpennek kadagiti kasapulam iti panangtaripato iti salun-at.

1Dagiti benepisio ken dagiti feature ket agduduma depende iti plano/lugar. Agaplikar dagiti limitasion ken dagiti eksklusion.

Powered by Translations.com GlobalLink OneLink SoftwarePowered By OneLink