Saan a kanayon a nalaka nga personal a bisitaen ti doktor. Ken saan laeng dagiti tao nga adda iti Medicaid ken Medicare ti marigatan nga agmaneho tapno mapan iti doktor wenno mangala ti pagluganan. Nu daytoy ket kalpasan ti oras ti opisina, nalabit a doktormo ket saan a sidadaan. Ti telehealth ket makatulong iti dayta a kanito: Agbasa tapno maammoan nu kasatnu nga agtinay ti telehealth ken nu katnu nga usaren daytoy.

Dagiti termino a telehealh ken telemedicine ket kadawyan a mangiladawan kadagiti wagas ti panagbisita ti doktor usar ti computer, tablet wenno mobile phone. Nalabit a nangngegmo metten a maawagan daytoy kas virtual medikal a panagbisita, doctor on demand wenno segun ti brand name kas Teledoc®. Nupay kasatnu daytoy a maawagan, ti telehealth wenno telemedicine ket napateg a benepisio para kadagiti addaan ti Medicaid ken Medicare. Isunga nalabit a nasayaat nga ideya ti panaggatang ti dual a plano ti salun-at a karaman ti telehealth kas kanayunan a benepisio nga awanan ti bayadam.

Adu dagiti benepisio ti telehealth. Babaen ti telehealth mabalinmo nga:

• Bisitaen ti doktor wenno tagapaay ti salun-at ti panunot babaen ti internet.¹
• Agdamag kadagiti saludsod ket mangala ti diagnosis.¹
• Mangala kadagiti maireseta  nga agas² ken maipatulod iti parmasiam.
• Pribado a pagtungtongan ti parikut wenno biang ti salun-at ti panunot.
• Makitungtong babaen ti telepono, wenno sabali a serbisio a mangsuporta ti video.
• Usaren daytoy iti aniaman nga oras, aniaman nga aldaw, ken sadinoman.
• Makasalimetmet nu maalam ti kanayunan a convenience telehealth nga awanan ti kanayunan a bayadam.
  

Ti telehealth ket nasayaat nga opsion tapno agasan ti kadawyan a kondision nga addaan ti kadawyan a panagagas. Adtoy ti sumagmamano a pagwadan:

• Panateng, trangkaso, gurigor
• Uyek, ut-ot, ken sakit ti karabukob
• Allergies, gagatel ti kudil, ken iritasion
• Impeksion ti urinary tract/bladder
• Impeksion ti lapayag
• Impeksion ti sinus
• Migraine/sakit ti ulo
• Ken adu pay

Ti telehealth ket saan a para ti nainget, magaganat wenno emerhensia a kondision. Iti emerhensia ket ti sakit wenno dunor a kellaat ken pagpeggadenna ti biagmo. Nu addaanka ti peggad-biag nga emerhensia, awagan ti 911 wenno apan a dagus ti ER. 

Ti telehealth a panagbisita ket mabalin a nasapa nga maisimpa wenno uray ania oras a kasapulam. Mabalinmo a dagus a makita ti doktor, ngem ti panaguray ket mabalin nga agpaiduma. Mabalin a kiddawem met a subblianan nga awaganka ti doktor. Ti telehealth a panagbisita ket kadawyan nga agbayag ti 10–15 minuto. Ti telehealth ket nalabit a napaspas ken nalaka a wagas tapno mangala ti medikal a taripato a kasapulam. Saanka pay a mabannog a mapan ti opisina ti doktor.

¹ Saan nga amin nga medikal nga kondisyon ket maagasan babaen iti telehealth. Ti telehealth doktor ket ammoenna nu kasapulam a personal mangkita iti doktor para iti panagagas.

² Dagiti doktor ket saan a makareseta ti medikasion iti amin nga estado. Dagiti reseta ket saan a maisurat para ti opioids.