Mapan iti kangrunaan a linaon
Para Kadagiti Miembro (Aglukat iti Baro nga Tab)
Kangrunaan a Linaon

Dagiti balakad tapno matulongan dagiti tagaaywan kadagiti medikal nga appointment

Naipakdaar: Marso 07, 2022

Petsa ti kaudian a pannakapabaro: Marso 07, 2022

Nu maysaka a tagaaywan iti maysa a kapamilia wenno gayyem nga addaan iti agdama a medikal a kondision, mabalin a mapmapanka iti adu a medikal nga appointment da. Mabalin a regular a makapulpulapolmo met dagiti tattao iti grupo ti medikal a taripatoda. Usarem dagitoy a balakad tapno matulongandaka nga agtalinaed a naurnos. Ken siguradoem a maala ti kapamilia wenno gayyemmo ti kasayaatan a taripato a mabalin.

Alaem ti libre a giya iti doble a plano

 Amin a masapul a maammoam maipapan kadagiti Doble a Plano kadagiti Nasingsingayan nga Kasapulan a napaminsan, nanam-ay a giya.

Sakbay ti appointment

  • Nu maysaka kadagiti grupo ti tagaaywan, siguradoem nga ammo ti amin ti maipapan iti umasideg nga appointment.
  • Palagipam a nasapsapa ti tao nga ay-aywanam maipapan iti appointment kababaan nga makalawas sakbayna.
  • Saludsudem ti ay-aywanam a tao nu addaanda iti aniaman a pakaseknan wenno saludsod. Isuratmo dagitoy iti listaam kas tagaaywan ken itugotmo daytoy.
  • Nu agikedkeddeng iti appointment, mabalin a makatulong ti panagdamag nu ania ti mapasamak. Kas pangarigan, agalada kadi iti dara? Maysa pay, alaen ti kadawyan a kabayagna. Nu ad-adu ti impormasion nga ammom sakbay iti iyaapanmo, nalaklaka ti agsagana. Mabalin na pay mailisi ti gayyem wenno kapamiliam manipud iti panagnerbios wenno panagbuteng.
  • Mabalin a kayatem nga tawagan ti plano iti salun-at para iti tao nga ay-aywanam. Ibagam kadakuada ti maipapan iti appointment ken aniaman a dadduma pay nga inyiskediulmo. Iti dayta a wagas, maammoam nu adda ti aniaman a gastos nga agtaud iti bukod a bulsa.
  • Kasapulam kadi ti wheelchair wenno aniaman a dadduma a suporta? Tumawag a nasapsapa tapno maisagana dagitoy sakbayka a sumangpet. Ammoen ti ad-adu pay maipapan iti panangtaripato kadagiti tao nga addaan kadagiti disabilidad.
  • Urnosem dagiti amin a dokumento, kasta met ti agdama nga ID iti plano iti salun-at ken/wenno (dagiti) kard ti Medicaid ken Medicare.

Bayat ti appointment

  • Nu mabalin, nasayaat nga ideya a bay-am ti ay-aywanam a tao a sumungbat kadagiti saludsod ti tagaipaay iti serbisio. (Malaksid nu agdamag kenka ti tagaipaay iti serbisio, siempre.)
  • Siguradoem nga iramanmo ti ay-aywanam a tao iti amin a pannakisarita kadagiti tagaipaay iti serbisio. Saanka nga agsarita maipapan kadakuada a kasla awanda iti siled.
  • Mangitugot iti baro a listaan dagiti amin nga agas ken suplemento.
  • Ilistam nu mangibingay ti medikal a propesional iti impormasion ken iti tao nga ay-aywanam.
  • Nu adda saanmo maawatan wenno nu madlawmo nga adda ti makatikaw, kiddawem iti tagaipaay iti serbisio nga ipalawagna dagiti bambanag iti sabali a wagas.
  • Pasadaam ti listaan dagiti saludsod ken pakaseknan nga insaganam. Nasaysayaat pay, mangitugotka iti 2 a kopia tapno maikkam ti tagaipaay iti serbisio iti kopiana.
  • Respetoem ti kinapribado ti tao nga ay-aywanam. Pumanawka iti siled nu kasapulan.

Kalpasan ti appointment

  • Dagus a pakargaan dagiti reseta ken alaen ti anyaman nga masapul a medikal nga alikamen. (Nasayaat dagitoy a trabaho nga aramiden ti sabali nu agdamdamagda nu kasanoda a makatulong kenka.)
  • Ikeddeng ti aniaman a pasurnad nga appointment, nu kasapulan.
  • Iti dalan bayat ti panagawid, damagem iti gayyem wenno kapamiliam maipapan iti appointment ken nu ania ti imbaga ti tagaipaay iti serbisio.
  • Laglagipen, mabalin a makapa-istres dagiti medikal a panagbisita. Agbalinka a nalaing a dumngeg ken bay-am nga ibingayda dagiti marikriknada.

Dagiti dadduma a plano iti salun-at ket mabalin a mapalakada metlang iti biag dagiti tagaaywan

Kwalipikado kadi ti tao nga ay-aywanam para iti agpada a Medicare ken Medicaid? Nu kasta, mabalin a kayatda a kitaen ti dual-eligible health plan. Dagitoy a plano ket maaw-awagan pay kas Dual Special Needs Plans. Dagiti doble’t pakaikarianna a plano ket dagiti tipo ti Bentahe nga Plano iti Medicare. Makitintinnulongda iti bukod ti miembro a plano a Medicaid ti Estado, nga tumultulong a mangpalaka a mang-ammo nu ania iti masakupan ti Medicaid ken nu ania ti masakupan ti Medicare.

Karaman pay kadagiti UnitedHealthCare dual plans ti koordinasion ti taripato. Dayta ket dakkel nga tulong no agtartarabaho ka ti adu nga doktor, espesyalista ken dagiti sebisio ti panangtaripato. Ken aramiden na nga nalaklaka la unay ti biag para kadagiti tagataripato ken dagiti met laeng miembro.

Kitaen dagiti plano ti UnitedHealthcare iti lugarmo

Mabalin ang agbaliw dagiti benepisio ti Dual-eligible wenno Medicaid a plano depende iti pagnanaedam. Agbirok segun iti ZIP code mo tapno masarakam ti kasayaatan a plano a makasabat kadagiti kasapulam para ti taripato iti salun-at.

Adda pay saludsodmo

Addakami ditoy tapno tumulong

Awagandakami iti:
1-844-812-5967 / TTY: 711
8 a.m. agingga 8 p.m. lokal nga oras, 7 aldaw tunggal lawas.

Adda pay saludsodmo

Addakami ditoy tapno tumulong

Awagandakami iti:
1-844-812-5967 / TTY: 711
8 a.m. agingga 8 p.m. lokal nga oras, 7 aldaw tunggal lawas.

Powered by Translations.com GlobalLink OneLink Software