Dagiti masansan a maisaludsod para kadagiti tattao nga addaan iti Medicaid ken Medicare

Idiaya ti United Healthcare Insurance Company dagiti plano iti salun-at ti UnitedHealthcare. Makitinnulongkami (ken dagiti dadduma pay a pribado a kompania ti seguro) kadagiti ahensia ti pederal ken estado tapno maipaay ti inisponsoran ti gobierno a seguro ti salun-at. Saan kami a paset ti Medicare. Makitinnulong kami iti Centers for Medicare & Medicaid Services (CMS) ken adu a gobierno ti estado tapno ipaay ti masakupan ti seguro para kadagiti umaw-awat ti Medicare ken Medicaid. Ammuen ti ad-adu pay maipanggep iti Medicare.

Dagiti Doble a Plano para kadagiti Espesial a Kasapulan (maaw-awagan pay kas dagiti doble a plano iti salun-at wenno dagiti D-SNP iti ababa) ket para kadagiti tattao a kualipikado para iti agpada a Medicare ken Medicaid. Ti doble a plano para iti naisangsangayan a kasapulan ket makitinnulong iti plano iti salun-atmo iti Medicaid. Mapagtalinaedmo amin a benepisiom iti Medicaid. Dagiti doble a plano iti salun-at ket saklawenna dagiti kualipikado a panagbisita iti doktor, dagiti panagtalinaed iti ospital ken dagiti reseta nga agas.¹ Para kadagiti tattao a kualipikado, mabalin nga idiaya ti doble a plano iti salun-at ti ad-adu pay a benepisio iti salun-at ngem iti Original Medicare ken ti naisina a plano ti Part D.

Dagiti doble a plano iti salun-at:

• Ket nadisenio para kadagiti tattao nga agkasapulan iti nayon a tulong gapu kadagiti disabilidad, tawen ken/wenno kondision iti salun-at
• Ket mangipaay ti ad-adu a benepisio ngem iti Original Medicare1
• Ket idiaya dagiti pribado a kompania ti seguro a kas iti UnitedHealthcare
• Maited nga awan ti kanayonan a gastos

¹Dagiti benepisio, dagiti feature ken/wenno dagiti aparato ket agbaliwbaliw depende iti plano/lugar. Agaplikar dagiti limitasion ken dagiti eksklusion.

(Uray pay no adda bayad iti seguro — dayta ti gatad a bayadanyo para iti seguro — mabalin a kualipikadokayo para kadagiti pinansial a tulong kadagiti nababa ti matgedanda tapno tumulong iti panagbayad.) Ammoem ti ad-adu pay maipapan kadagiti Doble a Plano para kadagiti Espesial a Kasapulan.

Iti amin nga estado, ipaay ti Medicaid ti masakupan ti seguro para iti sumagmamano a tattao a nababa ti matgedanda, dagiti pamilia ken ubbing, masikog a babbai, dagiti lallakay ken babbaket, ken tattao nga addaan disabilidad. Iti sumagmamano nga estado, sakupen ti Medicaid ti amin a nataengan a nababbaba ti matgedanda ngem iti partikular a gatad.

Dagiti eksakto a kasapulan tapno makualipikar para iti Medicaid ket depende no sadino ti pagnanaedanyo. Tapno ammuen no maikarikayo para iti Medicaid iti estadoyo, bisitaen ti website para iti Medicaid iti estadoyo. Kalpasanna kitaen dagiti kasapulan tapno makualipikar.

Makitayonto ti link iti website para iti ahensia ti Medicaid iti estadoyo iti panid a "Dagiti Detalye ti Plano" para iti tunggal plano ti salun-at nga idiaya ti UnitedHealthcare Community Plan. Tapno makita dagiti plano a sidadaan iti lugaryo, usaren ti pagbiruk a feature iti home page mi idiay UHCCommunityPlan.com. 

Ti Medicaid ket programa a panangtaripato iti salun-at nga imatmatonan ti tunggal gobierno ti estado. Nupay kasta, saan a dagiti gobierno ti estado ti aktual a mangipaay iti seguro iti salun-at. Makikontrata dagiti gobierno ti estado kadagiti pribado a kompania ti seguro kas koma iti UnitedHealthcare a mangipaay iti masakupan ti seguro ti salun-at para kadagiti benepisyaryo ti Medicaid ken dadduma pay a programa ti gobierno para iti panangtaripato ti salun-at. Maimatonan dagiti plano ti salun-at nga inisponsoran ti gobierno iti nagan a UnitedHealthcare Community Plan.

Ti Medicare ket programa ti seguro ti salun-at iti pagilian nga imatmatonan ti gobierno pederal. Daytoy ket para kadagiti tattao nga agtawen iti 65 ken nangatngato, ken kasta met ti sumagmamano a tattao nga agtawen iti nababbaba ngem 65 nga addaan kadagiti sumagmamano a disabilidad. Ammuen ti ad-adu pay maipanggep iti Medicare.

Ti Medicaid ket programa ti pederal ken estado a mangipapaay iti sakup iti taripato ti salun-at kadagiti tattao a kwalipikado. Patpatarayen ti tunggal estado ti bukodna a programa a Medicaid, ngem addaan ti pederal a gobierno kadagiti alagaden a nasken a suruten dagiti amin nga estado. Mangipapaay met ti pederal a gobierno iti saan a nababbaba ngem kagudua ti pondo para kadagiti kalikagumanda iti Medicaid. Ammuen ti ad-adu pay maipapan iti Medicaid ken nu ania ti saklawen ti Medicaid.

Saan. Saan a kasapulan dagiti referral tapno makaala iti panangtaripato manipud iti siasinoman a doktor, ospital wenno klinika iti uneg ti network.

Gagangay a sakupen dagiti dual plan mi ti panangtaripato tapno maliklikan ti sakit ken dagiti kadawyan a serbisio nga awan ti kanayonan a bayadanyo. Idiayami pay ti tulong a panangurnos kadagiti benepisio iti Medicaid. Mairaman kadagiti kadawyan a benepisio a gagangay a sakupen dagiti dual planmi ti:

• Dental
• Panagkita
• Panagdengngeg
• Tulong iti transportasion
• Hotline ti Panagaywan]
• Ken adu pay a sabali a benepisio ken feature¹

¹Dagiti benepisio, dagiti feature ken/wenno dagiti aparato ket agbaliwbaliw depende iti plano/lugar. Agaplikar dagiti limitasion ken dagiti eksklusion.

Dagiti miembro ti Dagiti Doble a Plano dagiti Naisingsingayan a Kasapulan (Dagiti D-SNP) ket mabalin a sumali, umalis wenno umikkat iti planoda 1 a daras bayat ti tunggal 3 a bulan a panawen ti panagpalista. Dagitoy a panawen ket Enero agingga Marso; Abril agingga Hunio; ken Hulio agingga Septiembre.

No agaramidka ti panagbaliw, agbalin daytoy iti umuna nga aldaw ti sumaruno a bulan. Mabalinmo met ti agaramid kadagiti panagbaliw tii masakupam bayat ti Panawen ti Tinawen a Panagpalista manipud ti Okt. 15 agingga Dis. 7. No kasta, agbalin dagiti binaliwam inton Ene. 1 ti sumaruno a tawen. Ammoen ti ad-adu pay maipapan ti dagiti panawen ti panagpalista iti Medicare.

Maipakat ti koordinasion dagiti benepisio (COB) kadagiti tattao nga addaan ti masakupan iti nasursurok ngem maysa a plano iti salun-at. Agbasar ti COB no ania a plano ti kangrunaan (umuna) nga agbayad ken no ania a plano ti maikadua nga agbayad. Ikoordinar ti kangrunaan nga agbayad ti pannakaited dagiti amin a benepisio iti plano ti salun-at. Sakupen ti maikadua nga agbayad dagiti gastos ken benepisio a saan a sakupen ti kangrunaan nga agbayad.

Dagiti Doble a Plano dagiti Naisingsingayan a Kasapulan (Dagiti D-SNP) ket maysa a klase ti Medicare Advantage a plano. Gapu iti dayta, ikoordinar ti D-SNP ti pannakaited dagiti agpada a benepisio ti Medicare ken Medicaid. Kadagiti kaaduan a kasasaad, sakupen ti Medicaid dagiti benepisio ken gastos a saan a sakupen ti D-SNP. Ikoordinar pay dagiti D-SNP ti pannakaimaton ti taripato, pannakaimaton ti sakit ken dagiti dadduma pay a serbisio.

Agserbi ti UnitedHealthcare Community Plan kadagiti miembro a kualipikado iti Medicaid wenno iti agpada a Medicaid ken Medicare kadagiti 42 nga estado ken iti District of Columbia.*

Idiaya ti UnitedHealthcare dagiti Medicaid a plano kadagitoy nga estado:
Arizona, California, Florida, Hawaii, Indiana, Kansas, Kentucky, Louisiana, Massachusetts, Maryland, Michigan, Minnesota, Missouri, Mississippi, North Carolina, Nebraska, New Jersey, Nevada, New York, Ohio, Pennsylvania, Rhode Island, Tennessee, Texas, Virginia, Washington, Wisconsin

Idiaya ti UnitedHealthcare dagiti Doble a Plano dagiti Naisingsingayan a Kasapulan (Dagiti D-SNP) kadagitoy nga estado**:
Alabama, Arkansas, Arizona, California, Connecticut, Colorado, District of Columbia, Delaware, Florida, Georgia, Hawaii, Iowa, Indiana, Kansas, Kentucky, Louisiana, Massachusetts, Maryland, Maine, Michigan, Missouri, Mississippi, Montana, North Carolina, Nebraska, New Jersey, Nevada, New York, Ohio, Oklahoma, Pennsylvania, Rhode Island, South Carolina, South Dakota, Tennessee, Texas, Utah, Virginia, Washington, Wisconsin, West Virginia, Wyoming

*Agingga ti Pebrero 2022
**Saan a sidadaan iti amin a county

Palakaen ti bukodmi a direktorio iti online a panagbirok ti panagbirok kadagiti doktor, espesialista ken pasilidad ti taripato nga adda iti network nga asideg kenka. Iserrek leng ti ZIP code mo. Kalpasanna mabalinka nga agbirok segun iti nagan ti doktor, klase ti taripato, pasilidad, dagiti serbisio ken panangagas tapno eksakto a masarakan ti kasapulam.

No nakalistakayo iti maysa a UnitedHealthcare dual plan ken mapukawyo ti kualipikasionyo para iti Medicaid, pagurayendakayto iti 6 a bulan. Kabayatan daytoy a tiempo, masapul a bayadanyonto ti paset ti cost-sharing iti Medicare kas koma dagiti copayment, coinsurance, deductible ken bayad iti seguro. No diyo mapasubli ti kualipikasionyo iti Medicaid iti panagturpos ti 6 a bulan, maikkatkayto iti listaan ti dual planmi.

Ngem laglagipenyo, mabalinyo ti agpalista iti dual plan iti aniaman nga oras. No mapasubliyo ti masakupan ti seguro yo iti Medicaid, makisao laeng kadagiti lisensiado a sales agent ti UnitedHealthcare tapno agpalista manen iti dual plan.

Imatonan ti tunggal estado ti bukodda a programa a Medicaid isu a ti sakupen ti Medicaid ket mabalin nga agduduma iti tunggal estado. Ngem adda dagiti dadduma a serbisio a nasken a saklawen ti tunggal estado iti programada a Medicaid a maiyannatup iti linteg ti pederal. Maaw-awagan dagitoy a mandatorio a benepisio. Mabalin met a pilien nga idiaya dagiti estado dagiti dadduma a benepisio babaen iti Medicaid. Maaw-awagan dagitoy nga opsional a benepisio.

Dagiti benepisio ti Mandatorio a Medicaid ket kaibilangan ti:

• Inpatient a taripato iti ospital
• Inpatient nga apagbiit nge eksperto a panagaywan wenno taripato iti pasilidad ti rehabilitasion
• Dagiti serbisio ti doktor
• Outpatient nga ospital wenno klinika ti taripato
• Dagiti serbisio a laboratorio ken X-ray
• Apagbiit a taripato ti salun-at iti pagtaengan (ipapaay ti ahensia ti taripato ti salun-at iti pagtaengan)
• Serbisyo ti ambulansia
• Naireseta nga Agas para kadagiti tattao a saan a saklawen ti Medicare

Dagiti opsional a benepisio nga idiaya dagiti dadduma nga estado ket kaibilangan ti:

• Panageksamen iti mata ken antiokos
• Dagiti panagsubok iti panagdengngeg ken dagiti aparato iti panagdengngeg
• Taripato ti ngipen
• Dagiti panag-screen a panglapped iti sakit
• Pisikal a terapiya (iti labes ti maidiaya babaen ti Medicare)
• Saan nga emerhensia a transportasion mapan ken aggapu iti medikal a panagagas
• Dagiti dadduma a naireseta nga Agas ket saan a sakup ti Medicare
• Dagiti dadduma a saan nga naireseta nga agas, kaibilangan dagiti partikular a bisita
• Chiropractic a taripato
  

Iti kaadduan a kaso, bayadan ti Medicaid ti buo a gastos para kadagiti saklaw a serbisio, tapno saan a masapul nga agbayad dagiti tattao nga addaan iti Medicaid iti binulan a premium wenno aniaman a kaltas. Ngem adda dagiti dadduma a mailaksid ken agduduma dagti pagalagadan iti tunggal estado. Kadagiti dadduma a kaso, nu addaan ti maysa a tao kadagiti benepisio iti Social Security, mabalin a maala ti bassit a gatad manipud kadagita a benepisio tapno makatulong a mangsaklaw iti gastos iti saklaw ti Medicaid.

Iti kaadduan a kaso, ti Medicaid ti maidi a remedyo iti panagbayad. Ti kaipapananna dayta ket agbayad ti Medicaid kalpasan a nagbayad ti aniaman a dadduma a tagabayad iti bingayda kadagiti serbisio a naipaay. Kas pangarigan, nu addaanka iti Medicare wenno aniaman a klase ti saklaw ti pribado a taripato ti salun-at, kanayon a ti Medicaid ti maikadua a tagabayad. Singiren nga umuna dagiti tagaipaay iti taripato ti salun-at ti umuna a tagabayad, ken bayadanto ti Medicaid diay nabatbati. Isu a nasken nga ibaga dagiti agpalpalista iti Medicaid nu addaanda iti dadduma a pagtaudan iti saklaw.

No agaplikarkayo iti Medicaid, masapul a sungbatanyo ti maysa a pormas ti aplikasion. Agduduma dagiti kasapulan para iti Medicaid iti agduduma nga estado. Nalabit a masapulyonto ti nadumaduma a dokumento, kas koma:

Personal nga impormasion

• Impormasyon maipanggep kadagiti miyembro ti pamilya (nagan, petsa a pannakaiyanak ken numero ti Social Security)
• Pakakitaan ti citizenship

Pinansyal nga impormasion

• Impormasyon maipanggep iti renta wenno salda
• Dagiti gastos (kuryente ken danum, daycare, kdpy.)
• Impormasyon maipanggep iti lugan
• Kasuratan maipanggep iti kuwarta iti bangko
• Matgedan (resibo ti suweldo)

Medikal nga impormasion

• Pakakitaan ti disabilidad wenno medikal a rekord a mangipakita ti napaut a medikal a kondisyon
• Kabaruan a kontar ti medikal a babayadan

Masapulyo ti agaplikar babaen iti ahensia ti estado a mangimatmaton iti programa a Medicaid iti estadoyo. Para kadagiti saludsod, wenno tapno kitaen no ania dagiti plano ti salun-at nga idiaya ti UnitedHealthcare Community Plan iti lugaryo, usarenyo koma ti search feature iti home pagemi iti UHCCommunityPlan.com.

Wen. Agsipud ta plano a Medicare Advantage ti D-SNP, sakupen ti Medicare ti kaadduan kadagiti gastos no mangala iti medikal a taripato dagiti miembro ti Medicare. Ti paset wenno bingay a mabati ket pagrebbengan ti miembro a bayadan. Mabalin a pagaammo daytoy a kas premium, copay, coinsurance wenno maikissay. Para kadagiti tattao nga adda iti D-SNP a plano, tumulong nga agbayad dagiti programa ti estado a Medicaid kadagitoy a gasto.  

Wen, basta matun-oymo dagiti kualipikasion ti Medicaid iti estadom. Saan nga agbaliw ti pannakaikarim iti Medicaid maalam man wenno saan ti Seguro ti Disabilidad iti Social Security (SSDI). Automatiko nga aramidennaka a kualipikado ti panangala iti SSDI para iti Medicare, ngem adda panawen a panaguray. Mabalin a masapulmo ti aguray iti 2 a tawen kalpasan a makualipika ka iti benepisio ti Social Security iti disabilidad sakbaymo a maala ti Medicare. Ammoen ti ad-adu pay maipapan iti Social Security disability ken Medicaid ken Medicare.

Ti programa ti Medicaid iti tunggal estado ket tartarawidwidan ti gobierno ti estado para iti dayta nga estado. Bayat a mabalin a mangidiaya dagiti sumagmamano nga estado kadagiti nadumaduma a kita ti plano ti Medicaid, tunggal plano ket kadawyan a para iti maysa a kita ti tao (kas kadagiti ubbing, pamilia wenno dagiti nababa ti matgedanna a nataengan). Nalabit a saanmo a mabalin a baliwan ti planom iti Medicaid wenno umakar iti sabali a plano ti Medicaid malaksid no agbaliw ti kasasaad ti biagmo. (No mangasawaka wenno agsikogka, kas pagarigan). Mabalinmo ti agaplikar para iti Medicaid iti aniaman a tiempo iti intero a tawen. Ammoen ti ad-adu pay maipapan kadagiti plano ti Medicaid ti saklawen ti Medicaid.

Makitayonto ti link iti website para iti ahensia ti Medicaid iti estadoyo iti panid a "Dagiti Detalye ti Plano" para iti tunggal plano ti salun-at nga idiaya ti UnitedHealthcare Community Plan. Tapno makita dagiti plano a sidadaan iti lugaryo, maidawat nga usarem ti pagbirok a feature iti home page mi idiay UHCCommunityPlan.com.

Ipaay ti Medicaid ti masakupan ti seguro iti salun-at kadagiti minilion a tattao, agraman dagiti maikari a nataengan a nababa ti matgedanda, ubbing, masikog a babbai, nataengan a lallakay ken babbaket ken tattao nga addaan disabilidad. Ti Medicaid ket ponpondoan ti gobierno pederal ken estado. Ti Medicare ket programa ti pederal. Mangipaay ti masakupan ti seguro para kadagiti tattao nga agtawen iti 65 ken nangatngato, ken kasta met ti sumagmamano a tattao nga agtawen iti nababbaba ngem 65 a kualipikado gapu iti disabilidad. Ammuen ti ad-adu pay maipapan iti nagdumaan ti Medicaid ken Medicare.

Wen. Sumagmamano a tattao ti kualipikado iti agpada a Medicare ken Medicaid. Kualipikado dagitoy a tattao para iti Medicare gapu iti tawenda (agtawenda iti 65 wenno nangatngato). Kualipikadoda pay para iti Medicaid gapu ta matun-oyanda dagiti kasapulan ti Medicaid iti estadoda. Dagiti tattao a maikari para iti agpada a Medicare ken Medicaid ket "dual eligible." Ammuen ti ad-adu pay maipapan iti panagtagikua iti agpada a Medicare ken Medicaid.

Ti Medicare ken Medicaid ket dua nga agsina a programa nga addaan iti agduduma a kasapulan tapno makualipikar.

Tapno makualipikar para iti Medicare, masapul a dakayo ket:

• Agtawen iti saan a nababbaba ngem 65, wenno agtawenka iti nababbaba ngem 65 ken kualipikadoka maibasar iti disabilidad wenno dadduma pay nge espesial a situasion
  KEN
• Umili iti U.S. wenno legal a residente nga agnanaed iti U.S. iti uneg ti saan a nababbaba ngem 5 nga agsasaruno a tawen

Tapno makualipikar para kadagiti benepisio ti Medicaid ti estado, masapul a sika ket:

• Agtawen iti nababbaba ngem 65 ken matun-oyanyo dagiti kasapulan para kadagiti nababa ti matgedanda a pamilia, masikog ken ubbing, indibidual nga umaw-awat iti Supplemental Security Income (SSI), addaan disabilidad wenno sabali nga espesial a situasion
• Agtawen iti saan a nababbaba ngem 65 ken dakayo ket:
  • Umaw-awat iti Nayon a Tulong wenno tulong manipud iti estadoyo
  • Bulsek wenno addaan iti disabilidad, ngem saan nga agkasapulan iti napaut a pannakataripato

Kas paset ti Affordable Care Act, pinili ti kadduan nga estado a palawaen ti masakupan ti Medicaid tapno mairaman amin a nababa ti matgedanda a nataengan nga agtawen iti nababbaba ngem 65. Mabalin a pilien ti dadduma nga estado nga aramiden daytoy iti aniaman a tiempo. Adu a tattao ti masmasdaaw no maammuanda a kualipikadoda. Isu a nasayaat no siguraduenyo.

Tapno maammuanyo no maikarikayo para iti Medicaid iti estadoyo, bisitaenyo ti website para iti Medicaid iti estadoyo. Kalpasanna kitaen dagiti kasapulan tapno makualipikar.

Nangaramid ti Affordable Care Act iti baro nga opisina iti uneg ti Centers for Medicare & Medicaid Services (CMS). Siguraduyen ti Medicare-Medicaid Coordination Office a dagiti tattao a nakalista iti agpada a Medicare ken Medicaid ket addaan iti naan-anay nga access iti naurnos ken dekalidad a panangtaripato iti salun-at. Ti panggep ket tapno epektibo a makapagtinnulong dagiti dua a programa tapno pasayaaten ti panangtaripato ken pababaen ti gastos.

Makatulong dagiti programa ti Medicaid iti panagbayad ti Medicare para kadagiti partikular a bayadan ti Medicare. Ken babaen panangsakup kadagiti benepisio a saan nga idiaya ti Medicare, kas koma iti panagdengngeg, transportasion, panagkita, ngipen ken pannakataripato iti nabayag.

Ti Silulukat a Panawen ti Panagpalista iti Medicare (OEP) ket mangrugi ti Okt. 15 agingga Dis. 7 tunggal tawen. Ti siasinoman nga addaanen iti aniaman a klase ti masakupan iti Medicare ket mabalin nga agaramid kadagiti panagbaliw iti masakupanda para iti mapasungad a tawen. Ti Silulukat a Panagpalista iti Medicare Advantage ket mangrugi ti Ene. 1 agingga Marso 31 tunggal tawen. Dagiti laeng tattao nga addaanen iti Medicare Advantage a plano ti mabalin nga agsukat iti daytoy a tiempo. Dagiti Doble a Plano dagiti Naisingsingayan a Kasapulan (Dagiti D-SNP) ket maysa a klase ti Medicare Advantage a plano isu a maipakat dagiti isu met laeng a panawen ti panagpalista. Mabalinmo ti agaplikar para iti Medicaid iti aniaman a tiempo iti intero a tawen. Awan ti panawen a panagpalista para iti Medicaid wenno CHIP (ti Programa ti Seguro ti Salun-at dagiti Ubbing). Ammoen ti ad-adu pay maipapan kadagiti panawen ti panagpalista iti Medicare.

"Doble pakaikarianna" dagiti tattao a kualipikado agpada iti Medicare ken Medicaid iti isu met la a gundaway. Maikari dagitoy a tattao para kadagitoy dua a programa, ngarud isuda ket "doble pakaikarianna."

Idiaya dagiti dual plan a seguro ti salun-at dagiti benepisio ken serbisio a saan a kadawyan a maala babaen iti Medicare wenno Medicaid. Iti doble a plano iti salun-at, mapagtalinaedmo dagiti benepisiom iti Medicaid, ken makaalaka iti ad-adu a benepisio ngem iti Original Medicare a ti premium ti plano ket kas kababa ti $0. Dagiti doble a plano iti salun-at ti UnitedHealthcare ket kaibilangan ti adu kanayonan a benepisio ken feature.¹

Mabalin a sakupen dagiti planoyo ti:

• Kadawyan a panangtaripato iti ngipen
• Dagiti kredito a panggatang kadagiti OTC a produkto ken dagiti masakupan a groseria
• Pannakaeksamen ti mata, ken kredito para iti anteohos
• Pannakaeksamen ti panagdengngeg, ken kredito para kadagiti hearing device
• Ken adu pay

¹Dagiti benepisio, dagiti feature ken/wenno dagiti aparato ket agbaliwbaliw depende iti plano/lugar. Agaplikar dagiti limitasion ken dagiti eksklusion.

Iraman pay dagiti sumagmamano a dual health plan ti pannakaurnos ti panangtaripato. Dakkel a tulong dayta — aglalo para kadagiti tattao nga addaan iti agduduma a medikal a kasapulan. Palakaenna ti panangimaton kadagiti doktoryo, espesyalista ken serbisio a panangtaripato. Ammuen ti ad-adu pay maipapan kadagiti benepisio ti doble a plano ti salun-at. 

Maidawat a laglagipen a dagiti doble a plano nga idiaya ti UnitedHealthcare, ken dagiti partikular a benepisio nga iramanda, ket mabalin nga agbaliw depende no sadino ti pagnanaedam. Para kadagiti detalye maipapan kadagiti doble a plano a sidadaan iti lugaryo, maidawat nga usarem ti pagbirok a feature iti home page mi iti UHCCommunityPlan.com. 

1. Umaw-awatkayo kadi iti benepisio ti Medicaid ti estado? (No kasta, adda state Medicaid cardyo.)

Agtawenkayo iti nababbaba ngem 65 ken matun-oyanyo dagiti kasapulan para kadagiti nababa ti matgedanda a pamilia, masikog a babbai ken ubbing, indibidual nga umaw-awat iti Supplemental Security Income (SSI), addaan disabilidad wenno sabali a naisangsangayan a situasion.

• Agtawenkayo iti saan a nababbaba ngem 65 ken dakayo ket:
• Umaw-awat iti Nayon a Tulong wenno tulong manipud iti estadoyo
• Bulsek wenno addaan iti disabilidad, ngem saan nga agkasapulan iti napaut a pannakataripato

2. Addaanka kadi dagiti Medicare nga Paset A ken B?

• Agtawenka iti saan a nababbaba ngem 65, wenno agtawenka iti nababbaba ngem 65 ken kualipikado maibasar iti disabilidad wenno dadduma pay nga espesial a situasion
  KEN
• Sika ket umili iti U.S. wenno legal a residente nga agnanaed iti U.S. iti uneg ti saan a nababbaba ngem 5 nga agsasaruno a tawen

3. Agnanaedkayo kadi iti lugar nga adda dagiti dual plan?

Maibaga kadakayo dagiti lisensiado a sales agent ti UnitedHealthcare no agnanaedkayo iti lugar ti serbisomi. Wenno, tapno kitaen no ania dagiti plano nga adda iti lugaryo, usarenyo koma ti search feature iti home pagemi iti UHCCommunityPlan.com.

Dagiti Doble a Plano para kadagiti Espesial a Kasapulan (D-SNPs) ket addaan iti agtultuloy nga Espesial a Panawen ti Panagpalista (Special Enrollment Period, SEP), nga agandar iti umuna nga 9 a bulan ti tawen. Dagiti tattao a kwalipikado ket mabalin nga agpalista wenno agsukat kadagiti plano iti maminsan tunggal 3 a bulan. Dagiti panagbaliw iti panagpalista ket epektibo iti umuna nga aldaw ti sumaruno a bulan.

LAGLAGIPEN: Napateg a laglagipen a tapno agtalinaed a kalipikado para iti doble a plano iti salun-at, kasapulam nga agpasertipika ulit para iti Medicaid tunggal tawen. No la ketdi agtalinaedka a maikari, awtomatiko a mapabaro ti doble a planom ti salun-at iti tunggal tawen. Ammuen ti ad-adu pay maipapan iti panagpalista iti doble a plano. 

Dagiti miembro ti Dagiti Doble a Plano para kadagiti Espesial a Kasapulan (D-SNP) ket nasken a kualipikado iti Medicaid.  No mapukaw ti miembro ti pannakaikarida para iti Medicaid, mapanda iti panawen ti parabur. Segun ti plano iti salun-at, daytoy a panawen ti panagbaliw ket mabalin nga 30 nga aldaw wenno inggana 6 a bulan. Makaala latta dagiti miembro iti taripato ken serbisio babaen iti planoda ti salun-at, ken bayadan latta ti Medicare ti kaadduan a taripato ken benepisio a nasakup. Ti nagdumaanna laeng ket, kabayatan ti panawen ti panagbaliw, rebbengen ti miembro iti D-SNP iti aniaman kadagiti bagi a gasto. Dagitoy ket mabalin a dagiti copayment, coinsurance, maikissay ken premium a mabalin a binayadan idi ti Medicaid. Ammoen ti ad-adu pay maipapan iti pannakapukaw ti pannakaikari iti D-SNP.

Ti kaipapanan ti D-SNP ket Doble a Plano dagiti Naisingsingayan a Kasapulan. Dagitoy a plano ket para kadagiti tattao a nababa ti sapulna a doble a maikari iti agpada a Medicaid ken Medicare. Ti kaipapanan ti C-SNP ket Plano Kadagiti Agsubli-subli a Naisingsingayan a Kasapulan. Dagitoy a plano ket para kadagiti tattao nga addaan iti agsubli-subli a kondision iti salun-at. Dagiti pagwadan ket kairamanan ti agsubli-subli a panagbabak ti puso, dagiti cardiovascular a sakit ken diabetes. Ammoem ti ad-adu pay maipapan kadagiti Plano ti Medicare Kadagiti Naisingsingayan a Kasapulan.

Ti Paset D ti Medicare ket masakupan ti naireseta nga agas. Sakupenna dagiti naisalumina a naireseta nga agas a saan pay a saksakupen ti Paset A ken B ti Medicare. Dagiti Plano ti Medicare Kadagiti Naisingsingayan a Kasapulan (Dagiti SNP) ket klase ti Medicare Advantage a plano. Dagiti doble a plano ti salun-at ket kairamanan ti masakupan ti agas. Ngem no agtomarka iti aniaman a naireseta nga agas, kayatmo a masiguro a nasakup dagiti agasmo iti doble a plano ti salun-at sakbay nga agpalistaka. Ammoem ti ad-adu pay maipapan iti masakupan ti doble a plano ti salun-at ti naireseta nga agas.

No addaanka iti Doble a Plano dagiti Naisingsingayan a Kasapulan (D-SNP), mabalin a nasakup para kenka ti kaadduan kadagiti gastom. No mangala ti medikal a taripato dagiti miembro ti Medicare, saan a sakupen ti Medicare iti buo a gatad dagiti serbisio. Ti paset wenno bingay a mabati ket ti pagrebbengan ti miembro ti Medicare a bayadan. Mabalin a pagaammo daytoy a kas premium, copay, coinsurance wenno maikissay. Dagiti programa ti estado a Medicaid ket tumulong a mangbayad kadagitoy a gasto para kadagiti tattao a nababa ti sapulna. No awananka iti Medicaid, ti eksakto a bayadam ket mabalin a depende iti piliem a plano.

Wen, Dagiti Doble a Plano dagiti Naisingsingayan a Kasapulan (Dagiti D-SNP) ket nakabasar iti network. Kalikaguman dagitoy a plano dagiti miembro a mangala iti taripato ken serbisio manipud kadagiti doktor wenno ospital iti bukodda a network ti Medicare SNP. Agduduma ti kadakkel dagiti network ti SNP ken dagiti populasion a pagserbianda. Dagiti klase ti network ket kairamanan ti:

1. Dagiti network a mangsakup iti naisalumina a lugar. Kas pangarigan, mabalin a sakupen ti maysa a network ti intero nga estado, kabayatan a sakupen ti sabali a network ti maysa a county. Kadawyanna, ti kaipapananna daytoy ket mabalin a pagserbian ti ad-adu ngem maysa a network ti maysa a lugar.
2. Dagiti network a mangtamtaming iti partikular a parikut ti salun-at, kas iti dementia. Dagiti mangipapaay iti serbisio kadagiti pasiente nga addaan iti partikular a kondision ket mabalin a makipaset iti network.

Ammoen ti ad-adu pay maipapan iti panagsapul iti umno a doktor no addaanka iti Medicaid ken Medicare.

Ti agpada a Doble a Plano dagiti Naisingsingayan a Kasapulan (Dagiti D-SNP) ken Dagiti Medicare-Medicaid a Plano (Dagiti MMP) ket nadisenio tapno mapalaka ti panangala iti taripato dagiti tattao a doble’t pakaikarianna. Palakaen dagitoy a plano ti access iti taripato babaen iti Medicare ken Medicaid. Ngem adda dakkel a nagdumaanda. Iti MMP, amin dagiti benepisio iti Medicare ken Medicaid ket maipaay babaen iti 1 a solo a plano iti salun-at. Iti D-SNP, mapagtalinaed dagiti miembro ti isu met laeng a Medicaid a plano ken dagiti amin nga isu met laeng a benepisio ti Medicaid kas maal-alada ita. Ken, addaanda iti naisina a Medicare Advantage a plano a gagangay a mangipapaay kadakuaka iti ad-adu pay a benepisio ken feature ngem iti Original Medicare. Ti sabali pay a nakaidumaan ket dagiti laeng tattao a naan-anay ti pannakaikarina iti doble ti makapalista iti MMP, ngarud, posible para iti agpada a naan-anay ken kapaset a doble ti pannakaikarina ti makaala iti D-SNP. Ammoen ti ad-adu pay maipapan kadagiti benepisio ti Medicaid babaen kadagiti D-SNP.

Wen. Ti masakupan para iti ngipen* ket maysa iti adu a kanayonan a benepisio a maalam a libre babaen iti Doble a Plano dagiti Naisingsingayan a Kasapulan (D-SNP) manipud iti UnitedHealthcare. Malaksid kadagiti regular a panageksamen ken panagdalus, mabalin pay a makaalaka iti allowance para kadagiti serbisio iti ngipen. Daytoy nga allowance ket mabalin a makatulong a pangbayad iti nadumaduma a taripato iti ngipen, kas kadagiti panagpasta, dagiti root canal, implant ken dadduma pay a serbisio iti ngipen. Ammoen ti ad-adu pay maipapan iti masakupan iti ngipen ti D-SNP para kadagiti addaan iti Medicaid ken Medicare.

*Agduma dagiti benepisio depende iti plano ken ti lugar ti serbisio. Agaplikar dagiti limitasion ken dagiti eksklusion.

Wen. Ti tulong iti transportasion* ket maysa iti adu a kanayonan a benepisio a maalam a libre babaen iti Doble a Plano dagiti Naisingsingayan a Kasapulan (D-SNP) manipud iti UnitedHealthcare. Addaanka iti naikeddeng a bilang dagiti one-way a panagsakay a mabalinmo nga usaren tapno mataming dagiti kasapulam iti taripato ti salun-atmo. No kasapulam ti mapan iti panagbisita iti tagaipaay iti serbisio wenno iti parmasia tapno alaem dagiti resetam, mabalinmo ti mangala iti libre a pagsakayan a mangiyapan kenka sadiay ken pasubli. Ammoen ti ad-adu pay maipapan iti tulong ti transportasion ti D-SNP para kadagidiay addaan iti Medicaid ken Medicare.

*Agduma dagiti benepisio depende iti plano ken ti lugar ti serbisio. Agaplikar dagiti limitasion ken dagiti eksklusion.

Wen. Ti masakupan para iti panagkita* ket maysa iti adu a kanayonan a benepisio a maalam a libre babaen iti Doble a Plano dagiti Naisingsingayan a Kasapulan (D-SNP) manipud iti UnitedHealthcare. Malaksid kadagiti rutina a panageksamen iti mata, ti masakupam para iti panagkita ket mabalin pay a makaipaay kenka iti ginasun-gasut a doliar a kredito tapno makatulong iti panagbayad para iti antiokos. Mabalin nga adu ti maitulongna daytoy tapno mabayadam ti baro a pares ti antiokos wenno contact lens. Ammoen ti ad-adu pay maipapan iti masakupan iti panagkita ti D-SNP para kadagiti addaan iti Medicaid ken Medicare.

*Agduma dagiti benepisio depende iti plano ken ti lugar ti serbisio. Agaplikar dagiti limitasion ken dagiti eksklusion.

Wen. Ti panagpalista iti Dagiti Doble a Plano para kadagiti Espesial a Kasapulan (D-SNPs) ket nakabasar iti estado. Dagiti D-SNP ket maidiaydiaya iti kaadduan nga estado, ngem saan nga iti amin nga estado. Maysa pay, dagiti klase dagiti D-SNP a sidadaan (ken dagiti benepisio nga ipaay ti tunggal plano) ket mabalin nga agbaliw depende iti county a pagnanaedam. Mabalinmo nga usaren ti paset ti panagbirok iti baba ti page tapno makitam no ania dagiti plano a sidadaan iti lugarmo. No saan ka a sigurado, tawagannkami ken makisao ti maysa kadagiti lisensiado nga ahentemi. Ipalawag da dagiti amin a keddeng ken tulungan ka a mabirok ti kusto a dua’t pakaikarianna a plano iti salun-at para kenka.