Awan ti napatpateg wenno ad-adu a personal ngem ti salun-atmo. Isu nga ti relasionmo kadagiti doktormo ket napateg unay. Pagtalkam unay dagiti doktormo tapno iwanwannaka gapu ta kayatmo a siguraduen ti kasayaatan a pagpilian ti pannakataripatom. Daytoy nga artikulo tulongannaka nga agsapul kadagiti doktor nga addaan kadagiti kapadasan ken naragsak nga agserbi kadagiti addaan ti Medicaid ken Medicare.

Dayta ket nasayaat a damag nga isaludsodmo iti bagim. No ti pagluganan ket parikut, ti pannakaadda iti doktor nga asideg ken nalaka nga papanan ket nalabit a napateg. Nalabit a kayatmo iti doktor nga agsao iti agpada a lengguahe. Wenno, nu addaanka ti napaidung a kondision wenno disabilidad, nalabit a kayatmo a mangsarak ti maysa nga agserserbi kadagiti sabali a pasiente nga addaan ti agpada a sagubanit.

Ti kangrunaan a tagapaay ti taripato (primary care provider), wenno PCP, ket ti kangrunaan a doktor nga inka papanan para ti kaadduan a pannakataripatom. Ammo ti bukodmo a PCP ti personal a nagdalanan ti salun-atmo ken asikasoenna dagiti eksaminasion ti karadkad ken managlapped a taripato. Ti bukodmo a PCP ket ikonektarnaka met kadagiti sabali nga espesialista. Kas pagarigan, nu kasapulam a mangsarak ti maysa para ti pamagbaga ti salun-at ti panunot, pisikal theraphy wenno sabali pay a naisangsangayan a taripato, ti bukodmo a PCP ket isimpana amin daytoy.

Ti panagpalista iti dual a plano ti salun-at ket saan nga otomatiko nga ibagana a kasapulam a baliwan dagiti doktor. Nalabit a dagiti doktormo itatta ket adddaan met ti UnitedHealthcare insurance. Nalakam a kitaen dagiti networkmi ti tagapaay. Ken para kadagiti nagbaliw ti doktor, adu ti mangibaga nga naimbag daytoy gapu ti amin a kanayunan a benepisio a maalada manipud ti dual a plano ti salun-at.

Ti online search tool mi palakaenna ti panagsapol ti doktor, espesialista wenno sabali a tagapaay iti network nga asideg kenyam. Iserrek leng ti ZIP code mo. Santo mabalinka nga agsukisok segun ti nagan ti doktor, klase ti taripato, sayud, serbisio ken panagagas tapno eksakto a masarakam ti kasapulam. Makitam nu umaw-awatda ti baro a pasiente, nu umaw-awatda ti Medicare ken adu pay.