Hmm … ti browser mo ket daan unayen.
Pabaroen tayo ti browsermo tapno maganasam iti napaspaspas, ken nataltalgen nga kapadasan ayan iti site.
Kaano a mabalinmo ti agpalista iti doble a plano iti salun-at no addaanka iti Medicaid ken Medicare?
Naipakdaar: January 17, 2020
Petsa ti kaudian a pannakapabaro: Disiembre 06, 2022
Apaman nga ammomon a maikarika para iti doble a plano ti salun-at, ania ti sumaruno? Kaano a mabalinmo ti agpalista? Ti sungbat ket depende iti espesipiko a kasasaadmo. Adda iti baba ti masapul a maammuam tapno maibagam no kaano a mabalinmo ti agpalista wenno umakar iti doble a plano ti salun-at.
Alaem ti libre a giya iti doble a plano
Amin a masapul a maammoam maipapan kadagiti Doble a Plano kadagiti Nasingsingayan nga Kasapulan a napaminsan, nanam-ay a giya.
Mabalin a saankan nga aguray
Ti Panawen ti Tinawen a Panagpalista iti Medicare (Annual Enrollment Period, AEP) ket mapasamak iti maminsan iti makatawen iti panawen ti fall. Dayta ti tiempo a mabalin a sukatan ti siasinoman a kualipikado ti planoda iti salun-at. Ngem no kualipikadoka para iti Dual Special Needs Plan, mabalin a saankan nga aguray. Mabalin nga agpalistaka a dagus.
Mabalin a maikarika nga agpalista itan no sika:
- Ket 65 ken kabarbaro a maikari para iti Medicare wenno adda maikari a disabilidad mo.
- Ket agretretiro ken mapukawmo ti agdama a masakupan ti seguro.
- Immakar ka manipud iti agdama a lugar ti serbisyo ti plano ti Medicare.
- Addaanka iti saan nga umim-imbag a kondisyon kas koma ti diabetes wenno nakaru a panagkapsut ti puso.
- Umaw-awat ka kadagiti benepisyo ti Medicaid.
Kasano no addaankan iti agpada a Medicaid ken Medicare?
Mabalinmo ti agpalista wenno umakar iti dua a plano iti maminsan kada Panawen ti Naisangsangayan a Panagpalista (SEP) wenno bayat ti Panawen ti Tinawen a Panagpalista iti Medicare (AEP). Kalpasan a mailistaka iti dua a plano ti salun-at saanmon a masapul ti agpabaro. No la ketdi agtalinaedka a maikari, awtomatiko a mapabaro ti doble a planom ti salun-at iti tunggal tawen. Ngem masapulmo ti agpa-recertify a tinawen para iti Medicaid tapno agtalinaedka a kualipikado para iti doble a plano ti salun-at.
Kaano a mangrugi ti masakupan ti segurom?
Depende dayta no kaanoka nga agpalista iti doble a plano ti salun-at.
| No Agpalistaka: | Mangrugi ti Masakupan ti Segurom iti: |
| No Kaano ti umuna a pannakaikarim | Iti umuna nga aldaw ti bulan a makualipikarka para iti Medicare |
| Iti Panawen ti Naisangsangayan a Panagpalista (SEP) | Iti umuna nga aldaw ti sumaruno a bulan |
| Iti Panawen ti Tinawen a Panagpalista (AEP) | Iti umuna nga aldaw ti sumaruno a tawen |
| Laglagipen: no mapasamak met ti SEP mo bayat ti AEP, magrugi ti masakupan ti segurom iti umuna nga aldaw ti sumaruno a bulan. |
Agpalistaka iti kasapaan a tiempo
No nasapsapaka nga agpalista, nasapsapam a maala dagiti amin a kanayonan a benepisio* nga idiaya ti doble a plano ti salun-at.
Napapateg a petsa tapno agsagana para iti Panawen ti Tinawen a Panagpalista iti Medicare:
| Napateg a Petsa | Panangiladawan |
| Oktubre 1 | Irugi ti agbirok kadagiti doble a plano iti salun-at a mabalin iti lugar a pagnanaedam. |
| Oktubre 15 | Umuna nga aldaw ti AEP, no kaano a mabalinmo ti agpalista wenno umakar iti doble a plano ti salun-at para iti sumaruno a tawen ti kalendario. |
| Disiembre 7 | Maudi nga aldaw a mabalinmo ti agpalista iti maysa a plano sakbay a malpas ti AEP. |
| Enero 1 | Ti aldaw a mangrugi ti baro a planom no nagpalistaka bayat ti AEP. |
Kitaen dagiti plano ti UnitedHealthcare iti lugarmo
Mabalin ang agbaliw dagiti benepisio ti Dual-eligible wenno Medicaid a plano depende iti pagnanaedam. Agbirok segun iti ZIP code mo tapno masarakam ti kasayaatan a plano a makasabat kadagiti kasapulam para ti taripato iti salun-at.
*Dagiti benepisio ken dagiti features ket agduduma depende iti plano/lugar. Agaplikar dagiti limitasion ken dagiti eksklusion.
