Naragsak nga idadateng ditoy UnitedHealthcare Community Plan

Ammoen dagiti klase ti plano

Ti Dual Special Needs Plan (DSNP)

Dagiti doble a plano para iti espesial a panagkasapulan (maaw-awagan pay kas "doble" a plano) ket para kadagiti tattao a kualipikado para iti agpada a Medicare ken Medicaid. Sakupen dagitoy doble a plano dagiti panagbisita iti doktor, pannaka-ospital ken dagiti naireseta nga agas. Idiayana ti ad-adu a benepisyo ken banbanag ngem iti orihinal a Medicare. Mapagtalinaedmo amin a benepisiom iti Medicaid.

Dagiti Plano ti Medicaid

Ti Medicaid ket maysa a seguro ti salun-at para kadagiti tattao nga addaan ti nababa a kita. Mabalinka a makaala iti Medicaid no masikogka, addaan annak wenno agbibiag a baldado. Idi dadduma a kaso, mabalin a lehitimo dagiti dadduma a nataengan. Ti babayadam ket nababa ken maibasar iti kabaelam nga agbayad. Importante a maammoam nga agduduma dagiti pagannurotan ken masakupan ti Medicaid kadagiti agduduma nga estado.

Dagiti Damag ken Espesyal nga Anunsyo

  • Naawanan ka kadi ti trabaho iti nabiit? Nalaka ti makaala ti QUEST Integration (Medicaid) Saan a masapul ti copay para kadagiti masakupan a serbisio
  • Bisitaen timedical.mybenefits.hawaii.gov para iti kanayonan nga impormasyon para iti pagkalehitimo wenno tapno agaplay.
  • Nabigbig para iti excellence iti multicultural a panangtaripato ti salun-at. Ti UnitedHealthcare Community Plan ket nabiit pay a nakaawat ti NCQA Multi-Cultural Health Care Distinction Award of Excellence. 

Dagiti Karaman a Programa

helping-hands

Naawanan ka kadi ti trabaho iti nabiit?

Ad-adun a tattao ti kwalipikado para iti QUEST Integration (Medicaid) Kitaem no kwalipikadoka. Saan a masapul ti copay para kadagiti masakupan a serbisio

Bisitaen timedical.mybenefits.hawaii.gov para iti kanayonan nga impormasyon para iti pagkalehitimo wenno tapno agaplay.


UnitedHealthcare Healthy First Steps®

Mangbukel iti nasalun-at a masakbayan para kenka ken iti maladagam ken agurnong kadagiti gunguna. Ti UnitedHealthcare Healthy First Steps® ket maysa a programa a tumulong kenka tapno agtalinaedka ken ti maladagam a nasalun-at bayat ti panagsikogmo ken kadagiti umuna a 15 a bulan ti biag ti maladagam.

Tulungandaka:

  • Mangpili ti maysa a tagapaay para iti masikog ken maysa pediatrician (doktor ti ubing)
  • Iyiskedyul dagiti panagbisita ken panagpaeksamen ken ikoordinar dagiti pagluganam nga agbisita.
  • Agurnong kadagiti gunguna bayat ti panagsikogmo ken kadagiti umuna 15 a bulbulan ti maladagam babaen ti papan panagbisita
  • Mangala kadagiti kasapulan, kairamanan dagiti breast pump para kadagiti agpaspasuso nga inna.
  • Makikonektar kadagiti pagtaudan ti komunidad kas kadagiti Serbisio ti Babbai, Maladaga ken Ub-ubbing (Women, Infants and Children/WIC)

Serbisio iti Salun-at a Mental

Ti salun-at ti panunot ket kas kapateg ti salun-at a pisikal. Isu a sakupenmi dagitoy a dua.

Ti Required care 100% ket masakupan nga uray awan co-pay, kaiaramanan ti panagpaeksamen ken diayagnosis, behavioral therapy ken panagagas.

Matulungannaka dagiti serbisyo iti salun-at ti panunot kadagiti problema a personal a mabalin a makaapektar kenka ken/wenno iti pamilyam. Dagitoy a problema ket mabalin nga stress, depresyon, pannakaburibor, wenno panagusar ti droga wenno arak. Makatulong kami. 

Reading-newsltter

Ti HealthTalk Member Newsletter

Ti HealthTalk a pagiwarnak ket addan iti online. Ti pagiwarnak ket (English | Korean | Ilocano | Traditional Chinese | Vietnamese) nasayaat a wagas tapno maammoan maipapan ti plano ti salun-at ken dagiti importante a topiko.

Mabalinmo itan a basaen iti aniaman nga oras, sadinoman ti ayanmo. Kitaen daytoy tunggal tallo a bulan para iti baro nga edisyon.

Cigarette-broken

Awan ti agsigsigarilyo. Makatulong kami.

Apaman nga isarsengmo, agrugi metten ti bagim a mangtarimaan kadagiti nadadael a gapuanan ti panagsigarilyo.

Narigat ti panagisardeng ti panagsigarilyo. Ngem adu ti benepesio ti panangisardeng iti daytoy. Ammom kadi a kalpasan ti 20 minuto nga insardengmo ket agsubli iti normal ti pitik ti pusom. Ken kalpasan ti 12-24 ti mano nga oras nga insardengmo, ti libel ti carbon monoxide ti bagim ket agsubli iti normal. Suportaranmi dagiti miyembromi a kayatna a mangisardeng. 

  • Bisitaem ti doktormo para iti balakad ken tapno makaala kadagiti medisina a makatulong kenka bayat iti panangisardengmo. Matulungandaka a mangaramid ti pannakipagkita.
  • Dagiti agas ket agduduma dagiti kitada kas iti patches, gum, lozenges ken tabletas. Kaaddoan kadagitoy ket sakupen ti benepisiom. Matulungandaka pay a mang-awat kadagiti dadduma pay a benepisiom.
fruits-vegetables

Panangisuro mainaig iti Nutrision

Adu ti maitulong ti pannangan a makapasayaat ti salun-at tapno agtalinaedka iti kasayaatan a kasasaad. Mabalin a makisinnarak kenka ti maysa a nutritionist tapno adalenna dagiti kaugaliam iti pannangan ken dagiti pilpiliem a kanem.

Adu ti maadalmonto a baro a kapanunotan mainaigi iti:

  • Panagpili kadagiti kasayaatan para kadagiti nadaras a lutuen a makan ken merienda.
  • Panangisagana kadagiti nasustansia a makan uray no naka-badyetka.

Edukasyon para ti Salun-at

woman-power-walking

Nasalun-at a dagsen. Panagwatwat.

Ti panagkissay ti dagsen ket saan a narigat. Ti panagwatwat ket maysa kadagiti kasayaatan Padasen a makapagwatwat iti 60 minutos wenno ad-ado pay iti tunggal aldaw. Saanna a kayat a saoen nga aramiden dagiti nadagsen a ehersisyo wenno mapan iti gym iti inaldaw. Kutien ti bagi. Adtoy dagiti sumagmamano a singasing:

Agkuti! Ti panagsala iti paboritom a kanta ket makatulong a para iti pannakasisi ti 300 calories iti uneg ti maysa nga oras. 

No agay-ayamka kadagiti video games, agay-ayamka kadagiti makapagkutika. Saanmo a kasapulan a rumwar iti balaymo tapno makapagwatwat - padasen dagiti jumping jacks, panagmarcha iti lugar, sumang-at bumaba iti agdan, push-ups wenno sit-ups iti uneg ti balay.

Magna! Magna idiay ruar a kadwa ti gayyem. Ipagna ti asom, weeno aso ti karubam wenno ti pusam! Imbes nga agmaneho, magna wenno agbisikleta a mapan iti eskwelaan wenno iti balay ti maysa a gayyem.

Agdalus! I-vacuum ti kwartom. Padigosen ti lugan. Agmow ti paraangan Maragsakan dagiti nagannakmo, ken tyansam a makapagwatwat ken uray makapaglanggwak.

Ag-unplug! Limitaram ti pananbuyam ti TV wenno oanagusar ti smartphone, computer wenno dadduma pay nga aparato. Kitaen nga saan a sumobra ti dua nga oras ti panagbuybuyam. No agbuybuyaka iti TV wenno us-usarem ti teleponom - padasen nga agmarcha-marcha wenno agwatwat bayat nga agbuybuyaka wenno agay-ayam.

fruits-vegetables

Nasalun-at a dagsen. Mangan ti nasustansya.

Nasalun-at a dagsen. Nasalun-atka.

No manganka ti ado a calories a saan a kasapulan ti bagim, agbalin dagitoy a taba(fat). Ti sobra bassit a taba ket saan a madi para kadagiti dadduma a tattao, ngem no adu unayti taba ket mabalin a makadadael iti saun-atmo. Awagan dagiti doktor ti kastoy ti “sobra a nalukmeg” wenno “obese”.

Dagiti doktor ket agusar ti pangrulod a maawagan ti body mass index (BMI), usar ti kinatayag ken kinadagsen a mangammo no mano ti taba ti bagi nga adda kenka. Ti kasayaatan a wagas tapno agtalinaed a nasalun-at ti kinadagsen wenno agpakuttong ket isu ti panangpili kadagiti nasayaat a makmakan. Adtoy ti sugmamano a nalaka a wagas nga aramiden iti inaldaw:

  • Mangan ti ad-ado a nateng ken prutas ngem ti aniaman a klase ti makan, no mabalin.
  • Pilien dagiti nababa ti calorie na a makan wenno bassit a dasar no mangan iti ruar.
  • Pilien dagiti nasalun-at a side dishes kas kadagiti iwa ti mansanas, wenno apple sauce imbes a French fries. No talaga a makaramramanka ti fries, padasem a mangan ti nasustansya a salad, apple slices wenno apple sauce, sakanto bingayen ti fries kadagiti dadduma a tattao.
  • Uminom ti danum wenno gatas imbes a soda.
  • Kitaen ti label - Mabasam kadai amin ti rekadona? No saan, mabalin nga adu ti sabali a nayonna a saanmo a kasapula, isunga nga agsapul la iti sabali a pagpilyan. Padasen dagiti nuts wenno whole grain crackers imbes nga chips.
  • Sukatan dagiti nasam-it a meryenda iti yogurt wenno dried fruit ( awan asukarna). No managsamsam-itka, mangan ti bassit a dasar iti paboritom a sinam-it iti maminsan kada aldaw.

Depresyon

Ti depresyon ket maysa a pudno a sakit. Mabalin daytoy a maagasan.

Agsubli met laeng ti dati a kaririknam. Ti depresyon maysa a sakit a kasla ti diabetes wenno sakit ti puso. Ti umuna nga addang ket isu ti panangapseptar a kasapulam ti tulong. Ti maikadua nga addang ket isu ti pannakisarita iti doktormo.

Dagiti kadawyan a sintomas ti depresyon ket:

• Saan a naragsak, malidlidayiti inaldaw wenno kasla awan serbina, makonkonsensya, saan a matulungan wenno awanan ti namnama.  
• Kinaawan ti interes kadagiti hobby, aktibidades ken kadagiti tattao a kaykayat iti naminsan.
• Marigatan a makaturog wenno turog a turog ngem iti kadawyan, wenno kasla nabanbannog, agkakapsut wenno awan ti enerhiya.
• Awan ganas a mangan wenno sobra met a mangan
• Marigatan nga agpokus, manglagip wenno agdesisyon.
• Agpanpanunot wenno agsasao maipapan ti panagpakamatay. Tawagan ti National Suicide Hotline: 1-800-273-8255

 


Kasano nga apektarannaka ti stress

No na-stresska, ammo ti bagim dayta. Pumaspas ti pitik ti pusom ken tumangken dagiti lasagmo. Tunggal maysa ket addaan ti stress iti biagda sagpaminsan. Ngem ti nabayag a pannaka-stress ket mabalin a mangted ti negatibo nga epekto iti pisikal ken mental a salun-at ti bagim. 

Mabalin nga apektaranna ti:
Digestion. Ti stress ket pabuntugenna ti pannakai-release ti acid iti tiyan ken mangparnuay kadagiti bagis nga agtrabaho a napaspas. Daytoy ket mabalin nga agresulta ti sakit ti tiyan wenno diarrhea.

Pitik ti puso kendagiti ur-urat. Ti pitik ti pusom, presyon ti dara ken cholesterol ket mabalin a ngumato. Daytoy ket pangatoenna ti peggad ti
ataken ti puso ken stroke.

Immune system. Ti stress ket pabuntugenna ti sugat nga umimbag. Nalaklaka ka pay nga agpanateng ken agkaimpeksyon.

Kinadagsen. Ti stress ket kayatna a mangan ka kadagiti nataba ken carbohydrates. No bumutyogka, dakdakkel ti peggadmo
para iti atake ti puso ken diabetes.

Mental a salun-at. Ti stress ket aramidennaka a managdandanag ken nerbyoso. Daytoy ket mabalin nga agturong iti depresyon, sakit ti ulo, wenno dadduma pay a problema kas ti saan a pannakaturog.

Isublim ti dati a kabibiagmo. No ti stress ket kinontrolna ti biagmo, adtoy ti sumagmamano nga ideya tapno maisubli ti dati a kabibiagmo:

Ikkan ti oras ti panagwatwat. Damagen iti doktormo no ania dagiti ehersisyo a rumbeng para kenka.

  • Aramiden dagiti banag a pakaragsakam.
  • Adalen nga ag-relax. 
  • Aywanam ti bagim.

No isyu latta ti stress kenka, kasaritam ti doktormo. Mabalin a makairekomenda isu ti tao a mabalin a makatulong kenka a mangimanehar ti stress mo.


Ti panang-agas iti depresyon

Dagiti saludsod, sungbat ken dagiti makatulong a balakad.

Regular a bisitaen ti doktormo. Nangruna no umuna pay laeng nga agtumtumarka ti agas ti depresyon. Wenno no nasukatan ti dosis.

Kasanok a maammoan no ti agasko ket epektibo?

Agan-anus. Ikkan ti tiempo. Kaaddoan a tao ket sumayaat ti riknada kalpasan ti sumagmano a lawas. Maikkat ti kasla nabannog a rikna wenno panagdandanag. Mabalin a mabayag bassit sakanto marikna ti buo a benepisio ti agas.

Powered by Translations.com GlobalLink OneLink Software