Napateg nga Impormasion manipud iti UnitedHealthcare maipapan iti Coronavirus (COVID-19) Context link
Pangaasiyo ta repasuenyo dagiti kinapudno iti UnitedHealthcare Coronavirus (COVID-19). Context link Dagiti kanayonan nga impormasion ket masarakan iti Coronavirus (COVID-19) FAQ. Context link
Ti UnitedHealthcare Community Plan QUEST Integration Program
Medicaid
Ti UnitedHealthcare Community Plan QUEST Integration ket maysa a maimatmatonan a plano ti panangtaripato a maididiaya babaen ti Med-QUEST ti Departamento ti Serbisio para iti Tattao ti Hawai‘i. Ti UnitedHealthcare Community Plan ket maysa a plano ti salun-at para kadagiti kameng a maikari para kadagiti benepisio ti Medicaid nga as-asistaran ti Estado. Iramanna dayta dagiti masikog a babbai, ubbing, adulto, nataenganen, dagidiay addaan iti naisangsangayan a kasapulan, ken pamilia. Babaen ti UnitedHealthcare Community Plan QUEST Integration, addaka iti nasaysayaat a dana iti panangtaripato ti salun-atmo.
Ti kangrunaan a gandat ket tapno makatulong kenka nga agtalinaed a nasalun-at ken independiente. Ti UnitedHealthcare Community Plan QUEST Integration a plano ket mangididiaya kadagiti serbisio iti medikal ken behavioral a salun-at karaman ti panagkita, agas, ken suplay. Tawagam ti UnitedHealthcare Community Plan QUEST Integration ita tapno ammuen ti ad-adu pay no kasanoka a makaala iti masirib a giya ken koordinasion iti serbisio.
Makibinnadang dagiti lokal a kakaduami tapno mayurnos dagiti serbisio ken espesipiko a kasapulam. Tumulongkami a mangiturong kadakayo iti komplikado a sistema ti plano a para iti salun-at ken makisarita kadagiti doktoryo ken miembro ti pamiliayo tapno magun-odmo ti kalikagummo iti salun-at. Ti UnitedHealthcare Community Plan ket sisasagana para kenka, tunggal addaang iti dana.
Nabayagen nga ipapaay ti UnitedHealthcare Community Plan ti panangtaripato iti salun-at.
Italek ti salun-at ti pamiliayo babaen ti UnitedHealthcare Community Plan.
Mangipapaay ti UnitedHealthcare Community Plan kadagiti libre a tulong ken serbisio kadagiti tattao nga addaan iti disabilidad tapno makakomunikarda a nasayaat kadakami, kas koma iti: nakasurat nga impormasion iti sabali a pormat (dadakkel a letra, audio, maala nga elektroniko a pormat, dadduma pay a pormat). No masapulmo dagitoy a serbisio, tawagandakami a toll-free iti 1-888-980-8728 (TTY: 711). Itedminto kenka ti nakiddaw nga impormasion, nga awan ti bayadam iti uneg ti lima (5) nga aldaw ti trabaho.
Daytoy a plano ket sidadaan a mausar iti amin a county.
Agbirok kadagiti mangipapaay serbisio ken masakupan ti seguro para iti daytoy a plano.
Dagiti Benepisio ken Paset ti Plano
Babaen ti UnitedHealthcare Community Plan QUEST Integration Program mabalin a makaala ti:
Panangala iti pannakataripato
- Maysa a Mangipaay ti Kangrunaan a Pannakataripato wenno Primary Care Provider (PCP) a mabalinmo a pilien manipud iti dakkel a listaanmi kadagiti mangipapaay ti serbisio. Adtoy ti link a makatulong kenka nga agbirok iti maysa iti lugaryo
- Referral para iti espesial a pannaripato manipud iti maysa nga Espesialista a Mangipapaay ti Serbisio
- Naituding a pagluganan a mapan kadagiti appointment mainaig iti salun-at
- 24-nga-oras/7 nga aldaw a NurseLineSM ken on-line Nurse Chat tapno makasaom ti maysa a nars aniaman nga oras nga adda saludsodmo
- Dagiti serbisio ti mangipatarus ti pagsasao (mairaman ti pagsasao babaen ti Senyas)
Dagiti benepisio a makatulong kenka tapno agtalinaed ka a nasalun-at
Awan iti bayadan para iti aniaman a serbisio a maipaay babaen iti plano ti benepisiom
- Masakupan ti seguro para iti dereseta nga agas
- Masakupan ti seguro para iti panagkita ken ramit ti mata
- Tulong kadagiti isyu ti salun-at ti ugali kas iti panunot, arak, wenno panagabuso ti agas
- Pannakataripato ti salun-at tapno malapdan dagiti sakit
- Dagiti bakuna (kas iti para trangkaso ken dadduma pay a sakit)
- Pannakabakuna ti ub-ubbing
- Dagiti panagadal para ti salun-at
- Dagiti kada-tallo-a-bulan a newsletter
-
2020 Pakaammo mainaig kadagiti Eksepsyon iti Rural (Aglukat iti baro a tab)
(pdf 19.38KB)
(Naudi a Napabaro idi:
02/25/2020)
-
Nasapa a Periodic a Panagpa-screen, Diagnostic, ken Panagagas (EPSDT) para kadagiti Indibidual a Nakalista iti Medicaid a Naub-ubing ngem 21 a Tawen (Aglukat iti baro a tab)
(pdf 40.15KB)
(Naudi a Napabaro idi:
08/09/2019)
Suporta iti Diabetic
No adda diabetesmo, pasayaatenminto ti panagbiag para kenka. Makaalakanto iti agas, suplay ken edukasion a tumulong tapno maragpat ken agtalinaedka iti kasayaatan a kasasaad.
Natibker ken manayon a ramit-medikal
Mabalin a masapul ti sumagmamano a miembro ti ekstra a suporta tapno makapagnaedda a natalged iti pagtaengan.
Sakupen ti planomi dagiti medikal a ramit nga ibilin ti doktor ti anakmo wenno ti mangimatmaton iti kasom. Mabalin a mairaman ditoy dagiti suplay kas koma iti:
- Tangke ti oxygen.
- Katre ti ospital.
- Wheelchair wenno walker.
Dagiti Gunggona iti Salun-at
Ti maysa nga onsa ti panangliklik ket kas kapateg ti maysa a libra ti panagagas. Adda pay kaibatoganna a napipintas a gunggona.
Mabalin a makaurnongka kadagiti regalo para kenka wenno iti anakmo babaen ti panangaramid kadagiti bambanag a kas koma iti:
- Panangkompleto kadagiti eksaminasion ti nasalun-at nga ubing.
Taripato ti Panagdengngeg
Ti parikut ti panagdengngeg ket apektaran na ti inaldaw a biag mo iti nadum-duma a wagas. Ti plano mi ket kairamanan dagiti serbisyo ken suporta a makatulong a mangprotekta ti panagdengngeg.
Sakupen mi:
- Eksaminasion, terapi ken pannakaeksamen.
- Hearing aid ken dagiti baterya.
Pannakataripato iti Uneg ti Pagtaengan
Kalpasan ti operasion wenno nakaro a sakit, mabalin a masapulmo ti ekstra a tulong kadagiti inaldaw nga aramid iti balay kas koma ti panagdalus, panagluto wenno panagsukat ti bado. Mabalin pay a masapulmo ti medikal a panagbisita iti uneg ti pagtaengan tapno ammuen no umim-imbagka met laeng. No maaprubaran, sakupen ti planomi ti:
- Medikal a panagbisita iti uneg ti pagtaengan.
- Medikal a ramit kas koma dagiti katre ti ospital, walker wenno wheelchair.
- Dagiti disposable a medikal a suplay.
- Tulong iti personal a pannakataripato wenno panagtagibalay.
Dagiti mangipatarus ti pagsasao
Masapul nga agkinnaawatankayo iti doktormo. Narigat daytoy no saanka a makasao ti Ingles a nalaing. Mabalinmi nga urnosen ti medikal a mangipatarus ti pagsasao a kaduam kadagiti appointmentmo.
Adda pay empleadomi kadagiti serbisio para iti miembro a makasao iti nasurok ngem maysa a lengguahe. Nalabit adda maalami a makasao iti lengguahem.
Pannakataripato ti Sakit iti Kidney
Ti sakit iti kidney ket serioso a medikal a kondision. Kalpasan nga agsardeng nga agtrabaho dagiti kidney, kasapulan ti regular a panagagas (maaw-awagan kas renal dialysis) wenno pannakai-transplant ti organ. Ti dialysis ket agusar iti makina a mangdalus iti dara, kas ti aramiden dagiti nasalun-at a kidney.
Ti planomi iramanna dagiti:
- Dialysis.
- Ag-agas.
- Edukasion iti salun-at ken suporta.
- Pannakai-transplant ti organ no kasapulan.
Lab ken X-rays
Ti panagammmo nu ania iti parikut ken panagduktal iti daytoy ti nasapa ket nalabit a makaaramid ti dakkel a pagdumaan. Ti plano mi ket sakupen na:
- Dagiti Lab ken eksamen.
- Dagiti X-rays, scans ken dadduma nga imaging.
Tulungandaka nga mangala iti impormasyon a kasapulam tapno maparang-ay ti salun-at wenno tapno addaka ti nasayaat a kasasaad.
Tulong ti Lenggwahe
Makaalaka ti impormasion iti sabali a lengguahe. Agdamag ka laeng. Maipaay daytoy nga awan bayadna.
Dagiti Mangitandudo iti Miembro
Bantayandaka. Makatulong dagiti mangitandudo iti miembro a mangsolbar kadagiti problema, mangted iti panagsanay ken edukasion, ken mangtaming kadagiti isyu a pakaseknan dagiti miembro.
Mabalinda ti:
- Mangted ti impormasion maipapan iti planom.
- Mangisuro kenka a mangala iti kasapulam a taripato.
- Tumulong kadagiti isyu wenno reklamo iti doktor.
Salun-at ti Panagpampanunot
Ti salun-at ti panunot ket kas kapateg ti salun-at a pisikal. Isu a sakupenmi dagitoy nga agpada.
Mairaman ditoy ti:
- Therapy ti Tig-tignay.
- Panagagas iti panagabuso ti droga.
- Ag-agas.
NurseLine℠
Dagiti medikal a saludsod ken sitwasion ket mabalin a sumangbay kadagiti tiempo a saanmo a namnamaen. No adda saludsodmo maipapanggep iti salun-atmo, mabalinmo ti tumawag iti nars 24 nga oras kada aldaw, 7 nga aldaw kada lawas.
Dagiti narsmi ket:
- Agdengngeg kadagiti sintomas.
- Tumulong iti panangtaripato iti bukod a bagi.
- Balakadan naka maipapan ti panangalam ti taripato iti panagbisitam iti doktor mo wenno iti urgent care center.
- Tulongan naka a mang-ammo nu kaano ka a mapan ti emergency room.
Dagiti Panagbisita ti Nars
No dadduma masapul ti agtultuloy a pannakataripato kalpasan iruruar iti ospital wenno lugar ti maganat a pannakataripato. Kas pangarigan, kalpasan ti panagsakit iti nakaro, operasion wenno pannakadangran. Kadagitoy a kaso, bumisita ti nars iti pagtaengan tapno:
- Mangipaay ti medikal a pannakataripato.
- Sungbatan ti aniaman a saludsod wenno pakaseknan.
Panangisuro mainaig iti Nutrision
Adu ti maitulong ti pannangan a makapasayaat ti salun-at tapno agtalinaedka iti kasayaatan a kasasaad. Mabalin a makisinnarak kenka ti maysa a nutritionist tapno adalenna dagiti kaugaliam iti pannangan ken dagiti pilpiliem a kanem.
Adu ti maadalmonto a baro a kapanunotan mainaigi iti:
- Panagpili kadagiti kasayaatan para kadagiti nadaras a lutuen a makan ken merienda.
- Panangisagana kadagiti nasustansia a makan uray no naka-badyetka.
Dagiti Serbisio iti Outpatient
Ti panagammmo nu ania iti parikut ken panagduktal iti daytoy ti nasapa ket nalabit a makaaramid ti dakkel a pagdumaan.
Ti plano mi ket sakupen na:
- Dagiti Lab ken eksamen.
- Dagiti X-rays, scans ken dadduma nga imaging.
Tulungandakanto a mangala iti impormasion a kasapulam tapno mapasayaat ti salun-atmo wenno tapno magun-odmo ti kasayaatan a kasasaad.
Personal a Pannakataripato
No maminsan narigat nga aramiden dagiti kangrunaan para iti bukodmo a bagi kalpasan ti panagsakit wenno pannakadangran. No kasapulam, mangipaay kami iti maysa a tao a tumulong iti:
- Panagsukat ti bago.
- Panagdigos.
- Pannangan.
Panagbisita Sakbay ti Panaganak.
Ti panagsikog ket maysa a panagdaliasat a nasaysayaat no adda tulong dagiti gagayyem, kapamilya wenno doktor iti panagsikog, wenno OB/GYN.
Amin dagiti nairekomendar a klinikal a panagbisita ti masikog ken eksamen ket sakupen ti planomi.
Kadagitoy a panagbisita, ti klinika ket:
- Siguraduen a nasalun-at ti ina ken ti maladaga.
- Ipalawag nu ania ti namnamaem kada lebel ti panagsikog mo.
- Sungbatan dagiti saludsod.
Panangisardeng ti Panagsigarilyo
Ammo ti kaaduan a tattao dagiti saan a nasayaat nga epekto ti panagsigarilyo iti salun-at. Ken ammoda a kayatda ti agsardeng. Suportaranmi dagiti miembromi bayat ti panagsardengda, babaen kadagiti mangisuro ken suplay. Ti laeng saanda a maala manipud kadakami ket maysa a lektyur.
Pannakataripato a Rehabilitasion
Kalpasan ti panagsakit iti nakaro, operasion wenno pannakadangran, mabalin a masapulmo ti ekstra a pannaripato ken terapi. No kasapulan, sakupen ti planomi dagiti apagbiit a panagtalinaed iti sentro ti rehabilitasion no sadino a makapaimbagka. Mairaman dagiti sumaganad:
- Serbisio a pannaripato iti pagtaengan.
- 24-nga-oras a pannaripato ti nars.
- Tulong kadagiti aktibidad ti inaldaw a panagbiag.
- Speech, physical ken occupational therapy.
Taripato iti Temporaryo nga Institusyon (Respite Care).
Adda kadi kameng ti pamilyam wenno gagayyem a mangaywan kenka nu addaka iti pagtaengan?
Nu adda, kayat mi a suportaran ti trabaho da met a tumulong kenka. Isu a mangipapaay kami ti respite care tapno makainana met dagiti manartaripato kenka. Ti respite care ket mangidiaya kadagiti mangay-aywan ti waya a makabakasyon wenno makainana manipud kadagiti ay-ayaten da ti biag nga agsaksakit wenno addaan naisangsangayan a kasapulan a taripato.
Indieksion ken Bakuna
Tumulong dagiti kadawyan nga indieksion tapno maprotektaranka manipud iti sakit.
Isu a sakupen ti planomi:
- Dagiti mairekrekomendar nga indieksion ken bakuna.
- Dagiti bakuna iti trangkaso.
Social Services
Adu a komunidad ti mangidiaya kadagiti nayon a benepisio para kadagiti ubbing iti daytoy a plano. Tumulong ti Social Services a mangikonektar kadagiti miembro kadagitoy a lokal a programa ken serbisio, kas koma:
- WIC ken pinansial a suporta.
- Serbisio iti pagadalan.
- Pannaripato tapno makainana ti manartaripato.
Speech Therapy
Dagiti panagbisita iti speech therapy ken ehersisio ket makatulong kadagiti marigatan nga agsao.
Masapul ti maipakauna nga autorisasion para iti physical, occupational, wenno speech therapy.
Text4baby
Makatulong ti Text4baby kadagiti kalkalpas ken dandanin agpasngay tapno mapagtalinaedda ti salun-atda ken ti salun-at ti maladagada.
Makaalanto kadagiti text message iti intero a panawen ti panagsikogmo ken iti umuna a tawen ti maladagam. Tunggal text ket aglaon kadagiti makatulong nga impormasion ti salun-at ken kinatalged para kadagiti topiko a kas koma ti:
- Pannakataripato sakbay ti panaganak.
- Panagpasikal ken panaganak.
- Panagpasuso.
- Natalged a pannaturog.
- Nutrision.
- Kinatalged iti tugaw ti lugan.
Tapno mairugiyo ken ti maladagam ti napintas a panagbiag.
Dagiti Serbisio a Terapiya
Makatulong ti physical, occupational ken speech therapy tapno umimbagka manipud iti nakaro a pannakadangran wenno panagsakit, wenno tapno magun-odmo ti pagpatinggaan ti kabaelam.
Ipaay ti planomi ti:
- Okupasyonal a therapy.
- Pisikal a therapy.
- Therapy ti panagbalikas.
Awan Limitasionna a Panagbisita iti Doktor
Mabalin nga adda dagiti tiempo no kaano a kasapulam wenno kasapulan ti maysa a kameng ti pamiliam ti maulit-ulit a panagbisita iti mangipaay ti kangrunaan a pannakataripato (PCP). Saan a limitaran ti planomi no mamin-anoka a makapan iti bukodmo a PCP. Iti kasta maalam ti kasapulam a pannaripato no kaano a kasapulam daytoy. Ket tapno makita ti doktormo no kasano a sumaysayaat ti salun-atmo.
Maganat a Pannakataripato
Mabalin a nadangranka wenno kellaat a nagsakitka a saan a pagpeggadan ti biag ngem masapul ti dagdagus nga atension. Isu a sakupen ti plano ti pannakataripato kadagiti:
- Dagiti sentro iti naganat a taripato.
- Medical aid unit.
- Sabali pay a walk-in clinic.
Dagiti Panagbisita ti Nakaradkad
Importante dagiti panagbisita iti doktormo uray no nasalun-atka para iti pagsayaatan ti salun-atmo. Makatulong dagitoy a panagbisita tapno matakuatan a nasapa dagiti problema iti salun-at, tapno maagasan dagitoy. Dagiti serbisyo ti panagsakbay ket kairamanan ti:
- Panagpa-checkup para kadagiti nataengan ken ubbing.
- Pannakataripato ti nasalun-at a maladaga.
- Pannaripato para kadagiti babbai a masikog.
- Kadawyan a bakuna ken pannakaeksamen.
- Dagiti Mammogram.
Awan ti copayment para iti pannaripato tapno maliklikan ti sakit.
Ammuen ti Ad-adu pay
UnitedHealthcare Community Plan QUEST Integration Program
Panpanawamon daytoy a site.
Daytoy a kamang ket maar-aramid a sidadaan tapno makaala ka iti impormasyon manipud iti maikatlo a partido a website. Daytoy a kamang ket naipaay laeng kas sayudan ken saan a panangidursan ti linaon ti maikatlo a partido a website wenno aniaman kadagiti produkto wenno serbisyo a naidiaya iti dayta a website. Saan kami a responsible para kadagiti produkto wenno serbisyo a naidiaya wenno ti linaon dagiti aniaman a naikamang a website wenno aniaman a kamang a nailaon iti naikamang a website. Saankami nga agaramid ti aniaman a pakdaar maipapan ti kalidad dagiti produkto wenno serbisio a naidiaya, wenno ti linaon wenno kinaumisu dagiti materiales kadagitoy a website.
