Mapan iti kangrunaan a linaon
Kangrunaan a Linaon

Glosario ti Plano ti Komunidad ti UnitedHealthcare a Programa ti Panagkaykaysa ti QUEST

A

  • Abuso

    Aniaman a kababalin, proseso wenno tignay ti plano iti salun-at wenno tagaipaay iti serbsio a saan a maitunos iti nasayaat a kababalin iti kuarta, negosio, wenno medikal nga agbanag iti saan a nasesita a paggastoan ti programa a Medicaid, wenno iti pannakaisubli ti bayad para kadagiti serbisio a saan a medikal a kasapulan wenno napaay a mangtun-oy kadagiti pagbasaran a propesional a mabigbigbig wenno kadagiti kalikaguman ti Estado ken Pederal. Karaman ditoy ti aniaman a tignay wenno desision ti miembro nga agbanag iti saan a nasesita a paggastoan ti programa a Medicaid.

  • Serioso a panangtaripato

    Apagbiit a medikal a pannakaagas a maipaay babaen iti bilin ti mangngagas, a kadawyan iti ospital iti serioso a panangtaripato para kadagiti miembro nga addaan iti biglaan a sakit wenno dunor.

  • Nataengan

    Dagiti miembro ti QUEST Integration nga agtawen iti duapulo-ket-maysa (21) wenno natataengan para laeng kadagiti panggep ti benepisio ti masakupan.

  • Pangngeddeng iti Kasupadi a Benepisyo

     Ti desision a mabalin nga aramiden ti planom iti salun-at tapno ilaksid, kissayan, limitaran, suspidien wenno isardeng dagiti serbisio a datin a napalubosan. Karaman ditoy ti panangilaksid iti kiddaw ti miembro a kontraen ti susungbatan a pinansial, kairamanan ti bingayan iti gastos, dagiti panagtinnulong nga panagbayad, bayad nga ited ti nangala iti seguro nga pang-salun-at, bayad iti seguro, mabalin nga ikkaten wenno ikurang, kaddua iti seguro, ken dadduma pay a pagrebbengan ti miembro iti pinansial.

  • Nataengan, Bulag, wenno Baldado (Aged, Blind, or Disabled, ABD iti Ingles)

    Maysa a kategoria ti pannakabalin nga makualipikar iti masakupan ti Plano ti Estado para kadagiti tattao nga agtawen iti (innem-a-pulo-ket-lima (65) wenno natataengan), a legal a bulag, ken/wenno baldado.

  • Tinawen a Panawen ti Panagsukat iti Plano

    Ti panawen a mapalubosan ti kualipikado nga indibidual nga umakar manipud iti maysa a makipaspaset a plano iti salun-at agturong iti sabali a makipaspaset a plano iti salun-at.

  • Apela

    Maysa a panagtingiting babaen iti plano iti salun-at ken Administratibo nga Apela ti Estado iti kasupadi a pangngeddeng iti benepisyo.

  • Napalubosan a pannakabagi

    Maysa nga indibidual wenno organisasion a dinutokan ti miembro, babaen iti panagsurat, nga addaan pirma ti nangdutok wenno babaen iti legal a dokumentasion wenno awtoridad tapno agtignay para iti miembro iti panangsurot kadagiti linteg ken regulasion ti pederal ken estado. Mabalin a pumili ti miembro iti napalubosan a pannakabagi iti aniaman a tiempo.

B

  • Benepisiaryo

    Siasinoman a tao nga inkeddeng a kualipikado para kadagiti benepisyo ti Medicaid babaen iti Departamento Dagiti Serbisio a Pangtao (Department of Human Services, DHS).

  • Tawen ti benepisyo

    Ti tuluy-tuloy a sangapulo-ket-dua (12) a bulan a panawen a kadawyan a kalpasan ti silulukat a panawen ti panagpalista. Iti pasamak a ti agdama a kaano ti pannakagun-od iti benepisyo ket saan a nakapakat para iti naan-anay a tawen ti benepisyo, aniaman a limitasion ti benepisyo ket pro-rated. 

  • Dagiti Benepisio

    Dagiti serbisio iti salun-at a mabalinmo nga alaen iti sakup ti programa nga QUEST Integration.

C

  • Grupo ti Panangtaripato

    Maysa a grupo dagiti propesional iti panangtaripato ti salun-at manipud iti naduma-duma a disiplina ti propesional nga agtitinnnulong tapno maimatonan dagiti kasapulan ti miembro iti pisikal, salun-at ti ugali, ken sosial.

  • Centers for Medicare & Medicaid Services (Dagiti Sentro dagiti Serbisio ti Medicare ken Medicaid, CMS iti Ingles)

    Ti ahensia a pederal ti Estados Unidos a mangimatmaton iti programa a Medicare ken, makitintinnulong kadagiti gobierno ti estado, iti programa a Medicaid, ken iti Programa para iti Pannakaiseguro ti Salun-at dagiti Ubbing iti Estado (State Children’s Health Insurance Program, SCHIP).

  • Ubing

    Dagiti miembro ti QUEST Integration nga agtawen iti nababbaba ngem duapulo-ket-maysa (21) para laeng kadagiti panggep ti masakupan ti benepisyo.

  • Programa ti Seguro ti Salun-at dagiti Ubbing (CHIP) wenno programa ti Seguro ti Salun-at dagiti Ubbing ti Estado (SCHIP) .

    Pinagtipon a programa ti pederal-estado a panangtaripato ti salun-at para kadagiti ubbing nga awan segurona, naka-target, nababa ti kitana a paset ti programa a panangpalawa iti Medicaid iti Hawaii.

  • Panagtunton

    Maysa a dokumento nga insubmitar ti tagaipaay iti serbisio iti plano iti salun-at para iti bayad dagiti serbisio a mainaig iti salun-at a naipaay iti miembro.

  • Nadalus a panagtunton

    Maysa a panagtunton a mabalin nga iproseso nga uray awan ti makalikagum a kanayonan nga impormasion manipud iti tagaipaay iti serbisio. Saan a karaman ditoy ti panagtunton manipud iti tagaipaay iti serbisio a maim-imbestigaran para iti panagluko wenno panagabuso, wenno panagtunton a matingtingiting para iti nasisita nga banag maipanggep iti medisina.

  • Bayad nga ited ti nangala iti seguro nga pang-salun-at

    Maysa a partikular a gatad ti doliar wenno porsiento ti singir a bayadam iti kanito ti serbisio iti plano iti panangtaripato ti salun-at, doktor, ospital, wenno dadduma pay a tagaipaay iti panangtaripato para kadagiti masaklaw a serbisio.

  • Bingayan iti gastos, bingay iti mabayadan wenno gatad a bingay

     Maysa a gatad a bayadam iti tagaipaay iti panangtaripato ti salun-at wenno ti plano iti salun-at kas paset ti bingay iti balor ti pannakabalin nga ma-kwalipikar iti panangtaripato ti salun-at. Daytoy a gatad ket ikeddeng ti bukodmo a Trabahador ti Kaso ti Departamento dagiti Serbisio a Pangtao.

  • Kultural a Kabaelan

    Grupo dagiti kabaelan a makitao a mangipalubos kadagiti indibidual a mangpasayaat iti pannakaawat, panangapresiar, panangawat, ken panangrespeto kadagiti nagdudumaan ken nagpapadaan iti kultura iti uneg, nagbabaetan, ken iti baet dagiti grupo ken kinasensitibo a mangammo nu kasano a makaimpluensia dagitoy a nagdudumaan kadagiti relasion kadagiti miembro. Kasapulan daytoy ti kinatulok ken abilidad a manggun-od kadagiti naibatay iti komunidad a pateg, tradision ken kaugalian tapno makaaramid kadagiti estratehia tapno ad-adda a maawatan ken maipaay dagiti kasapulan dagiti miembro.

D

  • Department of Human Services (Departamento Dagiti Serbisio a Pangtao, DHS iti Ingles)

    Ti ahensia a responsable iti panangipaay kadagiti programa a tulong iti publiko iti populasion a pagserserbianna.

  • Kualipikado iti Dua

    Ti miembro a kualipikado iti agpada a Medicare ken Medicaid.

  • Durable Medical Equipment (Natibker ken Manayon nga Armat-Medikal, DME iti Ingles)

    Alikamen a kangrunaan ken kadawyan a maus-usar para iti medikal a panggep. Dagiti pangarigan dagiti DME ket dagiti tangke ti oxygen ken dagiti concentrator, ventilator, wheelchair, kama ti ospital, ken dagiti orthotic nga aparato.

E

  • Emerhensia a Medikal a Kondision

    Tao nga addaan kadagiti biglaan, nakaro a sintomas a nu awan ti dagus a panangtaripato ket agresulta iti nakaro a panangipeggad iti salun-at ti maysa a tao, serioso a pannakadadael dagiti panagandar ti bagi, serioso a saan a panagandar ti aniaman nga organ ti bagi wenno pasetna, serioso a pannakadangran ti bukod a bagi wenno pannakadangran ti bagi dagiti dadduma gapu iti emerhensia a panagabuso iti arak wenno droga, wenno panangdangran iti bukod a bagi wenno iti bagi dagiti dadduma. Iti kaso ti masikog, serioso a pannakaisagmak ti babai ken ti saan pay naipasngay nga anakna.

  • Emerhensia a Medikal a Transportasion

    Transportasion a maipapaay gapu iti emerhensia a kondision. Karaman iti serbisio ti transportasion iti daga ken tangatang. 

  • Panangaripato a Siled iti Emerhensia

    : Ti panangtaripato a sidadaan iti maysa nga kuarto iti emerhensia 24 nga oras tunggal aldaw, 7 nga aldaw linawas ken awanan iti pakauna a pammalubos tapno agasan ti makapatay wenno nakaro unay a sakit. 

  • Dagiti Emerhensia a Serbisio

    Dagiti masakupan a serbisio iti pasiente a maospital ken saan nga maospital a kasapulan tapno matingiting wenno mapatalged ti emerhensia a medikal a kondision a naammoan maibasar iti panangtingiting ti gagangay a tao (maysa a tao nga awanan iti medikal a panagsanay).

  • Bayad iti Panagpalista

    Ti gatad a rebbeng a bayadan ti miembro a kapada ti gatad ti nagastos para iti tao nga agkasapulan a medikal wenno gatad a bingay iti mabayadan para iti tao nga umaw-awat kadagiti napaut a serbisio ken suporta. Maysa a residente iti kalalainganna a pasilidad ti panangtaripato para iti disabilidad iti panunot/panagdakkel wenno makipaspaset iti program a waiver ti Medicaid para kadagiti tao nga addaan kadagiti disabilidad iti panagdakkel wenno disabilidad iti panunot ket mailaksid manipud iti bayat ti panagpalista.

  • Dagiti Mailaksid a Serbisio

    Dagiti serbisio iti panangtaripato ti salun-at a saan a masakupan ti QUEST Integration.

G

  • Reklamo

    Maysa a panangiyebkas iti saan a pannakapnek manipud iti miembro, pannakabagi ti miembro, wenno tagaipaay iti serbisio para iti miembro maipapan iti aniaman a banag malaksid iti saan a pabor a pangngeddeng iti benepisyo. Pagarigan ti banag nga saan kayo nga agbalin a naragsak ket maipanggep iti: Dagiti parikut iti kalidad ti serbisio wenno panangtaripato, nu kasanomi wenno ti tagaipaay iti serbisiom nga imatonan ti opisinada, nu bastos kami wenno ti tagaipaaymo iti serbisio, dagiti tiempo ti panaguray bayat dagiti naikeddeng a panagbisita wenno saan a pannakaala iti impormasion a masapulmo.

H

  • Dagiti Serbisio ken Alikamen ti Habilitasion

    Dagiti serbisio ken aparato a mangpatanur, mangpasayaat, wenno mangtaginayon kadagiti kabaelan ken panagtignay para iti inaldaw a panagbiag a saan pulos a naadal wenno naala iti maitutup a tukad. 

  • Health Action Plan (Plano ti Aramiden iti Salun-at, HAP iti Ingles)

    Ti nakatutok iti indibidual a plano a nakasentro iti tao a nabuo a kadua ti miembro ken/wenno ti napalubosan a pannakabagi maibasar kadagiti kasapulan ti miembro iti pannagtaripato ti salun-atna (k.i., dagiti kasapulan nga espesial a panangtaripato iti salun-at, napalawa a kasapulan iti panangtaripato ti salun-at wenno dagiti napaut a serbisio ken kadagiti kasapulan a suporta).

  • Para iti salun-at a seguro

    Aniaman a programa ti pang-salun-at nga seguro a direkta a baybayadan ti maysa a tao para kadagiti benepisyo iti seguro iti mangiggem iti seguro, pannakipaset babaen iti employer wenno programa nga inisponsoran ti unyon wenno pannakipaset babaen iti programa ti pederal wenno estado (kas iti Medicaid).

  • Plano ti Salun-at

    Maysa a plano nga idiaya ti maysa a kompania ti seguro wenno dadduma nga organisasion, a mangipapaay kadagiti nadumaduma a package ti benepisyo iti panangtaripato ti salun-at. Agtitinnulongda tapno makaipaay iti panangtaripato a masapulmo.

  • Panangtaripato ti Salun-at iti Pagtaengan

    Dagiti serbisio a maipaay iti pagtaengan ken kairamanan ti medikal nga alikamen ken dagiti suplay, dagiti serbisio a terapiya wenno panagpaimbag, nalaing a panangtaripato a panagaywan ken dagiti tulong iti salun-at iti pagtaengan.

  • Dagiti Serbisyo ti Hospisio

    Ti panangtaripato nu nakaro unay ti sakitmo ken manamnama a nababbaban ngem innem a bulan ti panagbiag.

  • Ti panangtaripato ti Ospital iti Saan a Maospital a Pasiente

    Medikal a panangtaripato a pannakaagas a saan nga agkasapulan iti agpatnag a panagtalinaed iti ospital wenno iti medikal a pasilidad. Dagiti serbisio ket kairamanan ngem saan a limitado kadagiti serbisio nga oncology, dagiti serbisio iti respiratorio, dagiti serbisio a cardiology ken dadduma pay a nasisista nga banag maipanggep iti medisina a serbisio.

  • Pannakaospital

    Pannakaawat iti ospital para iti pannakaagas. Mairaman ditoy ti pannakaawat iti ospital ti serioso a panangtaripato, ospital ti kritikal a biglaan a panangtaripato wenno ospital a sikiatriko.

I

  • Indian

    Ti kaipapanan ti termino a “Dagiti Indian” wenno “Indian,” malaksid ni naikabil, ket siasinoman a tao a miembro ti tribo ti Indian malaksid nu, para kadagiti panggep dagiti paset 1612 ken 1613 ti paulo 25 ti U.S. Code, ti kaipapanan dagita a termino ken siasinuman a tao nga: 

    • Agnanaed man isuna iti wenno iti asideg ti reservation, miembro ti tribo, banda, wenno dadduma nga organisado a grupo dagiti Indian, kairamanan dagiti tribo, banda, wenno grupo a na-terminate manipud 1940 ken dagiti nabigbig ita wenno iti masakbayan babaen iti Estado a pagnanaedanda, wenno kaputotan, iti umuna wenno maikadua a tukad, ti siasinoman a kasta a miembro, wenno 
    • Maysa nga Eskimo wenno Aleut wenno dadduma a Katutubo ti Alaska, wenno 
    • Ibilbilang ti Sekretaria ti Interior nga Indian para iti aniaman a panggep, wenno nabigbig kas Indian segun kadagiti regulasion nga dinakamat ti Sekretaria ti Salun-at ken Dagiti Serbisio a Pangtao.
  • Indian Health Care Provider (Tagaipaay iti Panangtaripato iti Salun-at ti Indian, IHCP)

    Maysa a programa a panangtaripato ti salun-at a patpatarayen ti Dagiti Serbisio iti Salun-at ti Indian (Indian Health Services, IHS) wenno babaen iti tribo nga Indian, organisasion ti tribo, wenno urban nga organisasion ti Indian (maaw-awagan met nga I/T/U).  

  • Indian a Tribu

    Ti kaipapanan ti termino nga “Indian a Tribu” ken aniaman nga Indian a tribu, banda, nasion, wenno dadduma nga organisado a grupo wenno komunidad, kairamanan ti aniaman a bario ti Katutubo nga Alaska wenno grupo a pangrehion wenno korporasion ti bario kas nailadawan iti wenno naikeddeng segun iti Alaska Native Claims Settlement Act (85 Stat. 688) [43 U.S.C. 1601 et seq.], a mabigbigbig kas kualipikado para kadagiti espesial a programa ken serbisio nga ipapaay ti Estados Unidos kadagiti Indian gapu iti saadda kas Indian.

M

  • Medicaid

    Medikal a tulong a maipapaay iti sakup ti plano ti Estado a naaprubaran iti saklaw ti Paulo XIX ti Social Security Act. Karaman iti daytoy ti medikal a panangtaripato ken dagiti serbisio a pannakataripato ti nabayag para kadagiti kualipikado nga indibidual.

P

  • Primary Care Provider (Kangrunaan a mangipaay iti pannakataripato, PCP iti Ingles)

    Ti regular a doktormo ket maawagan met iti PCP (Primary Care Provider wenno kangrunaan a mangipaay iti pannakataripato). Ti PCP ket tamimgenna amin a kasapulam maipanggep iti salun-at. Masapul a piliem ti PCP a miembro iti plano para iti salun-atmo. No kasapulam ti espesialista wenno dadduma pay a serbisyo, ti PCP ti mangiturong kenka iti pannakaalam iti dayta a pannakataripato.

Q

  • QUEST Integration

    Ti QUEST Integration ket maysa a programa ti Hawai‘i Medicaid Managed Care nga imatonan ti State of Hawai’i, Department of Human Services, Med-QUEST Division. Ti State of Hawai‘i ti agikeddeng nu ti maysa a tao ket kwalipikado para ti daytoy a programa.

S

  • Koordinator ti Serbisio

    Ti dadduma a miyembro ti QUEST Integration ket addaan iti Koordinator ti Serbisio babaen ti plano ti salun-at da. Tulongannaka ti Koordinator ti Serbisiom nga:

    • Makaala daras kadagiti serbisyo iti pannakataripato ti salun-at ken dagiti doktor a miembro iti plano para iti salun-at
    • Agbalin a mas aktibo iti pannakataripato ti salun-atmo
    • Awaten ken usarem dagiti benepisyo ti QUEST Integration

U

  • UnitedHealthcare QUEST Integration

    Plano ti salun-at ti Medicaid para kadagiti maikari a residente ti Hawai‘i a kualipikado para ti QUEST Integration program.

Agsubli iti ngato ti panid

Ammuen ti ad-adu pay

UnitedHealthcare Community Plan QUEST Integration Program

Powered by Translations.com GlobalLink OneLink SoftwarePowered By OneLink