Hmm … ti browser mo ket daan unayen.
Pabaroen tayo ti browsermo tapno maganasam iti napaspaspas, ken nataltalgen nga kapadasan ayan iti site.
UnitedHealthcare Community Plan - Indiana Hoosier Care Connect
Medicaid
Ti Hoosier Care Connect ket programa nga agserserbi kadagiti miembro a nataengan, bulag wenno addaan disabilidad, agraman dagiti ubbing kadagiti pagamponan, ken kadagiti ward ti Estado.
Daytoy a plano ket sidadaan para kadagiti sumaganad a county:
Adams, Allen, Bartholomew, Benton, Blackford, Boone, Brown, Carroll, Cass, Clark, Clay, Clinton, Crawford, Daviess, DeKalb, Dearborn, Decatur, Delaware, Dubois, Elkhart, Fayette, Floyd, Fountain, Franklin, Fulton, Gibson, Grant, Greene, Hamilton, Hancock, Harrison, Hendricks, Henry, Howard, Huntington, Jackson, Jasper, Jay, Jefferson, Jennings, Johnson, Knox, Kosciusko, La Porte, Lagrange, Lake, Lawrence, Madison, Marion, Marshall, Martin, Miami, Monroe, Montgomery, Morgan, Newton, Noble, Ohio, Orange, Owen, Parke, Perry, Pike, Porter, Posey, Pulaski, Putnam, Randolph, Ripley, Rush, Scott, Shelby, Spencer, St. Joseph, Starke, Steuben, Sullivan, Switzerland, Tippecanoe, Tipton, Union, Vanderburgh, Vermillion, Vigo, Wabash, Warren, Warrick, Washington, Wayne, Wells, White, ken Whitley.
- UnitedHealthcare Community Plan - Indiana Hoosier Care Connect
Agbirok kadagiti mangipapaay ken masakupan ti seguro para iti daytoy a plano.
Agbirok kadagiti doktor, ospital, espesialista iti salun-at ti kababalin, ken dadduma pay nga espesialista.
Agsapul kadagiti medikasyon a masakupan daytoy a plano.
Agsapul iti parmasia nga asideg kenka.
Agbirok iti sentro para iti panagkita.
Agsapul iti dentista nga asideg kenka.
Dagiti Benepisio ken Paset ti Plano
Alternatibo a Panagagas
Addu nu dadduma dagiti nasayaat a wagas tapno sumayaat ti panagrikna a mabalin a saan a masakup dagiti benepisiom. Isublimi ti agingga iti $200 iti makatawen. Masapulmo ti mangisubmitar iti kopia dagiti resibom tapno makasalika iti daytoy a programa. Karaman ditoy ti, ngem saan a limitado iti:
- Dagiti bitamina ken mineral
- Dagiti erbal a remedio
- Therapeutic a masahe
- Acupuncture
- Dagiti napateg a lana
Suporta iti Angkit ken COPD
Matulongandaka a mangkontrol iti angkitmo wenno COPD.
Nu masapulmo ti tulong iti panangala kadagiti serbisio wenno abasto a kasapulam, kontakem ti Dagiti Serbisio iti Miembro. Matulongandaka.
- Mangala kadagiti abasto wenno agas
- Mangaramidka iti appointment iti doktormo
- Ikonektanaka iti maysa a tagaimaton iti panangaywan para iti personal a suporta
Ti Panagpili ti Doktor
Maaddaankanto iti kangrunaan a tagaipaay iti medikal a serbisio (PMP) nga agbalin a kangrunaan a doktormo. Ti bukodmo a PMP ket ti tao a mangkita kenka para iti kaadduan ti taripatom. Kairamanan daytoy dagiti tsek-up, panagagas, panagbakuna, saan a nakaro a pannakadunor ken dagiti pakaseknan iti salun-at. Kasaritam ti bukodmo a PMP maipapan iti aniaman a dadduma a pakaseknam. Matulongannaka ti bukodmo a PMP nga agdesision kadagiti umno a pagpilian para kenka.
Ti bukodmo a PCP ti kangrunaam a doktormo para iti:
- Taripato a panglapped iti sakit kas kadagiti panagpatsek-ap, panagsukimat para iti kanser ken dagiti panagbakuna
- Panagagas no sika ket agsakit wenno nadunor
- Dagiti kalikagum kadagiti espesialista para kadagiti naisalumina a kondision
Usarem ti Alikamen a Pangbirok iti Doktor tapno makitam no adda iti doktormo iti network-mi. Nu awananka iti doktor wenno nu awan iti network-mi ti doktormo, matulungandaka nga agsapol iti baro nga asideg kenka. Mabalinmo a sukatan ti bukodmo a PMP iti aniaman a tiempo.
Sentro iti Pannakiuman iti Kostumer
Maaddaankanto iti personal a Navigator ti Dagiti Serbisio iti Miembro a maidutok tapno tumulong kenka iti entero a panagdaliasatmo iti taripato ti salun-atmo. Makatulong kenka ti bukodmo a Navigator nga:
- Mangawat iti programa a Hoosier Care Connect
- Agbirok iti doktor, dentista wenno doktor ti mata
- Mangipalawag kadagiti benepisiom ken masakupam
- Makisarita kenka maipapan kadagiti naisingsingayan a programa a sidadaan kenka
- Ikonektarka iti Tagaimaton iti Taripato nu kasapulan
- Agbirok kadagiti pammataudan nga asideg kenka tapno matulonganka kadagiti dadduma a problema a kas iti taraon, pabalay, transportasion, trabaho, rikna a kinatalged, wenno panagala iti edukasion
- Tulongannaka a mangpabaro iti personal nga impormasionmo iti pakakontakan kas iti address, numero ti telepono, wenno email
- Siguradoen a maipakaammom nu kasano ti kayatmo a panangkontak kenka (email, telepono wenno koreo)
- Risuten dagiti problema kadagiti tagaipaay iti serbisio, kairamanan ti espesialidad a taripato, ken salun-at ti kababalin
- Tumulong kadagiti karit gapu iti pakauna a pammalubos, panagbayad kadagiti serbisio, panangidanon iti taripato, ken pagimbagan ti pamilia
Suporta iti Diabetis
Nu addaanka iti diabetis, tumulongkami a mangpalaka iti biag para kenka. Makaalakanto iti agas, suplay ken edukasion a tumulong kenka tapno maragpatmo ken agtalinaedka iti kasayaatan a kasasaad. Magunggonaanka met kadagiti kard iti sagut ti panangaramid kadagiti simple nga addang iti panangimaton iti diabetismo.
Dagiti Ipapan iti Emergency Room
Nu addaanka iti emerhensia, mapan iti kaasitgan nga emergency room. Daytoy ket serbisio a masakupan ti seguro. Saanyo a masapul ti aniaman a panagaprubar tapno makapankayo iti emergency room. Bayat ti kaaddayo iti emergency room, maalayonto amin a masapulyo a serbisyo. Ibaganto kadakayo dagiti doktor ken nars no simmayaatkayon ken mabalinyon ti agawid.
Masakupan met ti seguro dagiti serbisyo a maited kalpasan a mapasayaat ti kondision. Daytoy ket aniaman a panangtaripato nga alaenyo kalpasan a malpas ti emerhensia. No masapulyo ti ad-adu pay a panageksamen wenno serbisyo, tawaganto dagiti empleado ti emergency room ti UnitedHealthcare tapno dumawat iti panagaprubar. Mapasamak laeng daytoy no simmayaaten ti kondisionyo.
Alikamen ken Dagiti Medikal a Suplay
Ti salun-at mo ken kinatalged mo iti pagtaengan ket napateg.
Sakupen ti planomi ti medikal nga alikamen a kiddawen ti doktormo. Mabalin a mairaman ditoy dagiti suplay kas koma iti:
- Dagiti pagiddaan ti ospital
- Dagiti tangke ken abasto ti oksihena
- Dagiti walker wenno wheelchair
Dagiti Panagmiembro iti Kinakaradkad
Ti programami a One Pass Fitness ken limitado kadagiti miembro nga agtawen iti 18 ken natataengan pay. Mabalinmo a padasen ti maysa a pagpilian wenno padasem amin dagitoy! Ikkannaka ti maysa a code iti libre nga access iti:
- Kadagiti gym iti intero nga estado, kas iti YMCA ken Anytime Fitness
- Dagiti online a programa a kas iti Daily Burn ken Yoga Works
Mabalindaka pay a patulodan iti kit ti karadkad iti balay. Naglaon daytoy a kit iti gamit iti panag-ehersisio ken dagiti bilin tapno masulit ti panagwatwatmo.
Mabalin a sumali dagiti miembro babaen iti panagbisita iti YourOnePass.com.
Taripato ti Saka
Karaman iti masakupanmi iti podiatry ti rutina a taripato iti saka.
No addaanka iti sumagmamano a parikut a kas iti diabetes, makatulong ti nasayaat a panangaywan iti saka tapno malapdan dagiti nakarkaro nga amang a parikut. Ipaaymi dagiti kasapulan nga eksamen tapno matulonganka a mapagtalinaed a nasalun-at ta sakam.
Supporta a Taripato iti Ampon
Ti taripato iti ampon ket temporario a serbisio a maipapaay kadagiti ubbing a saanen a makapagtalinaed iti bukodda a pagtaengan gapu kadagiti parikut iti kinatalged. Addaankami kadagiti programa a makatulong a mangsuporta kadagiti tagaaywan ken ubbing iti taripato ti ampon.
Ti Panangbantay iti Salun-at ket maysa a programa a tumulong a mangsigurado a dagiti ubbing iti pagamponan ket matamtaming ti doktorda para iti amin a panagsukimat ken panagagas a maitutop iti edad.
Ti On My Way (OMW) ti United Healthcare ket maysa nga alikamen a nadisenio a tumulong kadagiti agkabannuag nga umalis manipud iti pagamponan nga agturong iti kina-nataengan ken kina-independiente. Mabalin a makita daytoy nga alikamen iti natalged a portal ti miembro.
Mabalin nga ikonektar ti alikamen nga OMW ti baro ken balasang nga adda iti edad ti ampon kadagiti suporta ti kaedad nga empleado ken addaan kadagiti modiul a mangisuro kadagiti sumaganad a kabaelan:
- Panangimaton iti kuarta
- Panangala iti pabalay
- Panangaramid iti resume
- Panagbirok iti trabaho
- Panagaplay iti kolehio
- Panangikeddeng iti personal a gandat
- Mangipaay met ti platform iti vault para iti baro ken balasang tapno pangidulinanda kadagiti natalged a dokumento kas kadagiti sertipiko ti pannakaiyanak ken impormasion ti lisensia iti panagmaneho para iti nanam-ay a panangaksesda kalpasanda nga umalis manipud iti pagamponan nga agturong iti kina-nataengan
Tawagam ti Dagiti Serbisio iti Miembro tapno maammoam ti ad-adu pay maipapan kadagitoy ken dagiti programa a suporta iti pagamponan.
Libre a Programa kadagiti Gunggona
Makagun-od kadagiti gunggona nu aywanam ta salun-atmo. Mabalin nga agbaliw dagiti gunggona. Tawagan ti Dagiti Serbisio iti Miembro para iti ad-adu pay nga impormasion. Mabalinka a makaala iti gift card para kadagiti aktibidad a kas iti:
- Barbaro iti plano ti salun-at? Alaem ti screening para kadagiti kasapulam iti salun-at. ($35 a gift kard a magun-od maminsan para kadagiti amin a baro a miembro bayat ti umuna nga 90 nga aldaw ti panagpalistada, amin nga edad)
- Panagbisita para iti ngipen ($25 a gift kard a maited maminsan kada tawen, amin nga edad)
- Isardeng ti panagusar iti tabako ($25 a gift kard a magun-od iti maminsan, ipakaammom kadakami no kasano ti panagsardengmo)
- Panagbisita ti salun-at wenno tinawen a panagpa-check up ($25 a gift kard a maited maminsan iti makatawen, amin nga edad)
- Pabakunaam ti anakmo! Maysa a dosis ti meningococcal, Tdap, ken kompleto a bakuna iti human papillomavirus. ($50 a gift kard a maminsan a maipaay a gunggona kadagiti miembro nga agtawen iti tawen 13 bayat ti 2024)
- Tumabuno kadagiti panag-follow-up kalpasan ti agpatnag a panagtalinaed iti ospital gapu iti sakit ti panunot wenno pannakadangran ti bagi (dua a gift kard ti magun-od, $100 para iti 7 nga aldaw a panag-follow-up ken $50 para iti 30 nga aldaw a panag-follow-up)
Umuna nga Addang wenno Healthy First Steps®
Nu masikogka, makaawatka iti tulong ken balakad manipud kadagiti kabaggian ken gagayyemmo. Nupay kasta, tunggal panagsikog ket sabali. Daytoy a programa ket suportarannaka bayat ti panagsikog mo. Kontakem ti Dagiti Serbisio iti Miembro tapno makarugika.
Matulongandaka nga:
- Agbirok iti doktor para iti agpada nga ina ken maladaga
- Ammoen ti maipapan iti nutrision, kinakaradkad ken kinatalged
- Umawat kadagiti banag a makatulong kenka ken iti maladagam a makagun-od iti nasalun-at a pangrugian
Kapada ti Sekundaria (HSE)
Saan pay a naladaw ti amin tapno maileppas ti sekundaria. Matulongandaka a makagun-od iti Karukod ti Sekundariam (High School Equivalency, HSE). Libre daytoy a programa. Siasinoman a miembro nga agtawen iti 16 wenno natataengan pay ket mabalin a makipaset iti daytoy a programa.
Maidawat a kontakem ti Dagiti Serbisio iti Miembro para iti ad-adu pay nga impormasion.
Dagiti Serbisio a Nakabasar iti Pagtaengan
Kalpasan ti operasion wenno nakaro a sakit—wenno nu addaanka iti disabilidad—mabalin a masapulmo ti kanayonan a tulong kadagiti trabahoen iti inaldaw-aldaw. Nu addaan ti panagaprubar, ken kiddawen ti doktormo, sakupen ti planomi ti:
- Dagiti serbisio ti nalaing a panagaywan a limitado iti oras
- Dagiti espesialidad a terapiya, kairamanan ti pisikal a terapiya, pathology iti panagsao iti lengguahe ken terapiya a mainaig iti trabaho
- Dagiti medikal a suplay
Pannakaospital
Bayadan daytoy a plano dagiti amin a gastos iti ospital a mainaig iti panagtalinaed iti ospital, tapno makawanawanka iti panaginana ken panagpaimbag.
Ti plano mi ket sakupen na:
- Taripato ti pasiente iti uneg ti ospital
- Taripato ti pasiente iti ruar ti ospital
- Dagiti laboratorio, X-ray ken dadduma pay nga eksamen
Ken kalpasan a rumuarka ti ospital, saaka nga agmaymaysa. Addakami ditoy tapno tumulong kenka iti panangala iti pasurnad a taripato tapno agtuloy ti panagimbag iti pagtaengan.
Dagiti indibidual nga addaan kadagiti Naisingsingayan a Kasapulan
Addaankami kadagiti adu a serbisio a sumuporta kadagiti indibidual nga addaan kadagiti naisingsingayan a kasapulan. Addakami ditoy tapno masigurado a maaddaanka iti:
- Maysa a Navigator ti Serbisio iti Miembro nga agbalin a personal a giyam ken tumulong kenka a mangawat iti sistema ti taripato ti salun-at
- Tulong a mangala kadagiti amin a kasapulam a serbisio
- Suporta kadagiti kasapulan iti kagimongan, kas iti pabalay, dagiti gundaway iti trabaho, ken nasalun-at a taraon
- Tulong iti panangala iti pagluganan a mapan ken agsubli manipud kadagiti appointment iti taripato
- Dagiti materiales a sidadaan kadagiti format a kasapulam
Idiayami met dagiti espesialidad a taripato iti ngipen para kadagiti miembromi nga addaan kinasensitibo iti panagrikna. Maidawat a kontakem ti Dagiti Serbisio iti Miembro tapno maammoan ti ad-adu pay.
Internet a Nalaklaka dagiti Bayadna
Mabalinmo ti agkiddaw kadagitoy a diskuento:
- Agingga iti $30 kada bulan para iti serbisio iti internet
- Agingga iti $75 kada bulan para kadagiti sangakabbalayan kadagiti kualipikado a dagdaga dagiti Tribu
- Maminsan a daras a diskuento nga agingga $100 a panggatang iti laptop, desktop a kompiuter, wenno tablet manipud kadagiti kasali a tagaipaay iti serbisio
Ti akses iti internet ket addaan iti adu a benepisio. Mabalinmo ti mangala kadagiti virtual a panagbisita, mangala kadagiti klase, ken agtalinaed a konektado babaen iti planom iti salun-at. Amin a miembro ti Hoosier Care Connect ket kualipikado para iti daytoy a programa.
- Tapno maammoan ti ad-adu pay maipapan iti daytoy a program pinduten ditoy.
- Tapno agaplikar pinduten ditoy.
Pannakataripato ti Sakit iti Kidney
Ti sakit iti kidney ket serioso a medikal a kondision. Kalpasan nga agsardeng nga agkurri dagiti bekkel, kasapulan dagiti regular a panagagas, a maawagas a kas renal dialysis wenno maysa a panag-transplant tapno agbiag. Agusar ti dialysis iti makina a mangdalus iti dara a kas iti aramiden dagiti nasalun-at a bekkel.
Ti planomi iramanna dagiti:
- Proseso para kadagiti sakit iti bekkel (Dialysis)
- Dagiti agas
- Edukasion ken suporta iti salun-at
- Panag-transplant iti organ nu kasapulan
Laboratorio ken dagiti X-ray
Ti panangammmo iti parikut ken panangduktal iti daytoy a nasapa ket mabalin a makaaramid ti dakkel a pagdumaan. Ti plano mi ket sakupen na:
- Dagiti laboratorio ken panageksamen
- Dagiti x-ray, panag-scan, ken dadduma pay a panagala iti ladawan
Alaenmi para kenka ti impormasion a kasapulam tapno makatulong a mangpasayaat iti salun-atmo wenno tapno matun-oymo ti kasayaatan a kondisionmo
Tulong ti Lenggwahe
Tapno matulunganka a nasaysayaat kadagiti pakaseknam iti salun-atmo, masapul nga agkinnaawatankayo iti doktormo. Para kadagiti saan nga agsasao iti English, mabalin a narigrigat daytoy nga ubraen. Mabalinkamimi a magiyurnos iti tagaipatarus a kaduam kadagiti appointmentmo. Kayatmi a kissayan dagiti lapped gapu iti lengguahe iti nagbaetanyo iti doktormo.
Adda pay dagiti Navigator mi iti Serbisio iti Miembro a makasao iti ad-adu ngem maysa a lengguahe. Mabalin nga addaankami iti makasao iti lengguahem. Mabalindaka pay nga ikonekta iti serbisiomi a panagipatarus a mangsaklaw iti ad-adu ngem 240 a lengguahe.
Panagsukimat iti Lead kadagiti Ubbing
Delikado ti pannakasamal iti lead. Nu saan daytoy a maagasan kadagiti babassit nga ubbing, mabalin a makapataud daytoy kadagiti napaut a parikut. Mabalin a masarakan ti lead iti:
- Pintor
- Daga
- Tapuk
- Angin
- Dinamili
Kiddawen ti doktormo ti naisingsingayan nga eksamen iti dara tapno masukimat ti pannakasamal iti lead. Kadawyan a maipapay ti eksamen iti nagbaetan dagiti edad a 6 bulan ken 2 tawen. Nu saan pay a naeksamen ti anakmo, mabalin a kayat ti doktormo nga iyeksamen ti agingga iti agtawen iti 6. Mabalin a kasapulan ti ad-adu pay a panageksamen nu nagpositibo ti anakmo iti lead. Para iti ad-adu pay nga impormasion, kontaken ti Dagiti Serbisio iti Miembro. Mabalinmo met a makatungtong ti doktor ti anakmo iti sumaruno a panagbisita ti kinakaradkadda.
Dagiti Agas
Napateg a paset ti taripato ti salun-atmo ti panangala kadagiti agas. Nu agireseta ti doktormo iti agas a nakalista iti ipangruna ti plano a listaan ti agas (PDL), masakup daytoy. No saan a nailista ti agasmo iti PDL, mabalin nga agkiddaw ti tagaipaay kenka iti serbisio iti sabali nga agas a nailista iti PDL. Mabalin a bayadanmi dagiti dadduma nga agas nu adda pakauna a pammalubos.
Mabalinmo nga isakada dagiti resetam iti uray ania a parmasia iti network-mi. Adu ti sidadaan 24 oras kada aldaw, 7 aldaw kada lawas. Para iti listaan dagiti parmasia, usarem ti bukodmo a direktorio ti tagaipaay iti serbisio wenno mapanka iti myuhc.com/CommunityPlan/IN.
No adda problemam iti panangala kadagiti agasmo tawagam ti Dagiti Serbisio iti Miembro. Mabalin met nga umawag ti parmasistam iti help desk ti parmasia. Dayta a numero ket adda iti likod iti ID kardmo kas miembro.
90 benepisio ti suplay iti aldaw
Mabalin nga isakada dagiti miembro ti 90 nga aldaw nga abasto ti napili a pangmentenar nga agas. Dagiti pangmentenar nga agas ket masansan a dagiti agas a tumtumarem a regular para iti agsubli-subli wenno napaut a kondision.
Iti 90 nga aldaw a suplay, saanmon a kasapulan ti agsakada manen iti kada bulan. Tapno maammoan ti ad-adu pay a detalye, katungtungem ti doktor wenno parmasistam. Para iti kompleto a listaan dagiti agas a nainayon iti daytoy a benepisio, tawagam ti Dagiti Serbisio iti Miembro iti 1-800-832-4643, TTY 711.
Hotline dagiti Nars
Mabalin a maawat dagiti medikal a saludsod iti aniaman nga oras. No adda saludsodmo maipanggep iti salun-atmo, mabalinmo ti tumawag iti nars 24 nga oras kada aldaw, 7 nga aldaw kada lawas: 1-866-801-4407, TTY 711.
Dagiti narsmi ket:
- Dumngegka kadagiti sintomasmo
- Tumulong iti panangtaripato iti bukodmo a bagi
- Balakad nu makaalaka iti taripato iti sumaruno a panagbisitam iti doktormo wenno agkasapulanka iti sentro ti naganat a taripato
- Tulong a mangammo nu kaanoka a mapan iti kuarto ti emerhensia
Dagiti Serbisio iti Telepono
Masapulmo kadi ti cellphone? Idiaya ti programami ti unlimited talk, text, ken data. Bisitaen ti www.mybenefitphone.com ken ag-apply itan.
Isardeng ti panagusar iti Tabako wenno kadagiti Produkto a Pang-vape
Narigat ti mangisardeng, ngem makatulongkami. Ammom kadi a kalpasan ti 20 minuto nga insardengmo ket agsubli iti normal ti pitik ti pusom. Ken iti las-ud ti 24 nga oras a nagsardeng ka agsubli iti normal ti lebel ti carbon monoxide iti daram.
Kasaritam ti doktormo maipapan iti panangisardeng. Mabalinmo met nga i-text ti READY iti 34191. Wenno tumawag iti 1-800-QUIT-NOW (1-800-784-8669) tapno makaala iti libre a panangisuro, pamalbalakad ken suplay a tumulong kenka nga agsardeng. Bayat ti 2023, makatgedka iti $25 a gift card no kumpletoem ti aniaman a programa iti panangisardeng iti panagsigarilio.
Programa kadagiti Umno a Pangngeddeng
Ti Programa kadagiti Umno a Pangngeddeng ket maysa a programa a tumulong kenka a mangaramid kadagiti nasaysayaat a medikal a pangngeddeng.
Nu mapilika para iti Programa kadagiti Umno a Pangngeddeng, maaddaanka iti maysa a kangrunaan a medikal a tagaipaay iti serbisio (PMP), maysa a parmasia ken maysa a tagaimaton iti taripato. Daytoy a grupo dagiti eksperto ket tumulong kenka a mangala iti umno a taripato iti salun-at iti umno a tiempo ken iti umno a lugar.
Maidawat a tawagam ti Dagiti Serbisio iti Miembro para iti ad-adu pay nga impormasion.
Taripato iti Bukod a Bagi babaen iti Able To
- Taripato iti Bukod a Bagi. Daytoy a libre nga app ket mangted kenka kadagiti ramit a para iti emosional a salun-at tapno tumulong a mangpasayaat iti riknam. Kitaen dagiti meditations, breathing exercises, videos, blogs ken dadduma pay. Makagun-odka’t personalized a linaon. Ket nalaka a maibagay ti Self Care app. Usarem dayta no kaano ken sadino ti kayatmo.
- Inaldaw a panangsurot iti rikna. Sungbatan dagiti inaldaw a saludsod tapno mairekord ti agdama a riknam, agsapul kadagiti padron ken kitaen ti panagrang-aymo.
- Dagiti ramit iti panagmennamenna. Sukisoken dagiti klasiko a pamay-an ti panagrelaks — kas iti nauneg a panaganges ken panangiladawan iti maysa a banag a positibo — no kasapulam dagitoy.
- Dagiti Koleksion. Mangbangon kadagiti paglaingan iti biag babaen ti linaon, ramit ken rekurso para kadagiti banag a kapatgan kenka.
- Naipersonal a roadmap. Suboken ti panagrang-aymo, mangikeddeng kadagiti kalat ken mangaramid iti panagrang-ay babaen ti linawas a panag-check-in.
Indieksion ken Bakuna
Tumulong dagiti kadawyan nga indieksion tapno maprotektaranka manipud iti sakit.
Ti plano mi ket sakupen na:
- Dagiti irekrekomendar ti bukodmo a PMP nga ineksion ken bakuna
- Dagiti bakuna ti trangkaso
- Dagiti bakuna ken booster ti COVID-19
- Dagiti bakuna ti pulmonia
- Dagiti bakuna ti shingles
Dagiti Serbisio a Terapiya
Mabalin a makatulong kenka ti terapiya a pisikal, mainaig iti trabaho, ken panagsao nga umimbag manipud iti nakaro a pannakadangran wenno sakit, wenno basta maragpat ti naan-anay a potensialmo.
Mabalin nga agorder ti doktormo iti terapia para kenka nu kasapulan. Mairaman ditoy ti:
- Okupasyonal therapy
- Pisikal therapy
- Terapia iti panagbalikas
- Terapia iti pagtaengan
Pagluganan
Nu kasapulam ti pagluganan, karaman kadagiti benepisiom ti transportasion. Sakupenmi dagiti biahe nga agturong iti:
- Kadagiti medikal nga appointment
- Bangko ti taraon
- Parmasia wenno botika
- Kadagiti appointment iti WIC
- Kadagiti a kinakari iti Medicaid
Ti panangsurot kadagitoy a simple a pagalagadan ket makatulong kenka a mangala iti pagluganan:
- Tawagan ti 3+ nga aldaw ti negosio a nasapsapa
- Tawagan ti 1-800-832-4643, TTY 711 tapno maiyurnos ti pagluganam
- Nu kanselaem ti panagbisitam, tawagam ti 1-800-832-4643 tapno makansela ti pagluganam
- Isaganam ti ID kardmo iti Medicaid
- Dagiti pagluganan ket para laeng kadagiti aprubado a rason
- Ammoem ti adres ti tagaipaaymo iti taripato ti salun-at ken ti petsa ken oras ti appointment-mo
- Isalumina iti lugar a kasapulam iti pagluganan
- Kalpasan ti panagbisitam, tumawag para iti pagluganam nga agawid
- Nu ikkannaka ti doktormo iti reseta mabalinmo ti agsardeng iti parmasia tapno maalam daytoy
- Ipakaammom kadakami nu addaanka kadagiti naisingsingayan a kasapulan kas iti wheelchair
- Dagiti miembro a nababbaba ti tawenna ngem 16 ken nasken a kaduaan ti nagannak wenno tagaaywanna
- Mabalin a limitado ti pagluganan iti tagaipaay iti serbisio nga asideg kenka
Mabalin met a kualipikadoka para iti bus pass wenno pannakaisubli ti miliahe dagiti gagayyem ken kapamilia. Tawagam ti Dagiti Serbisio iti Miembro tapno makay-iskediul iti pagluganan wenno agsaludsod maipapan iti panangala kadagiti serbisio iti pagluganan.
Daytoy a serbisio ket para kadagiti pagluganan a naplano a saksakbay. Nu addaanka iti makaipeggad iti biag nga emerhensia, tawagam ti 911. Maipaayto ti ambulansia nu masapulmo ti maitulod iti ospital.
Dagiti Panagbisita ti Nakaradkad
Ti panagbisita ti kinakaradkad iti doktor ket makatulong kenka nga agtalinaed a nasalun-at. Makatulong dagitoy a panagbisita tapno matakuatan a nasapa dagiti problema iti salun-at, tapno maagasan dagitoy. Makipagkitaka koma iti bukodmo a PMP tunggal tawen para iti panangsukimat iti nasalun-at, uray nu saanka nga agsakit wenno maimatonam dagiti sintomasmo. Dagiti serbisyo ti panagsakbay ket kairamanan ti:
- Dagiti panagpatsek-ap para kadagiti nataengan ken ubbing
- Pannakataripato ti nasalun-at a maladaga
- Pannakataripato para kadagiti babbai a masikog
- Dagiti rutina a bakuna ken eksamen
- Dagiti panangeksamen iti kanser
Awan dagiti copayment para iti pannaripato a pangliklik iti sakit.