Mapan iti kangrunaan a linaon
Kangrunaan a Linaon

UnitedHealthcare Indiana Hoosier Care Connect Dagiti Kanayon a Maisalsaludsod

Nu saanka a nakalista iti Indiana a Medicaid, mabalin a maikarika. Tapno maammoan nu kualipikadoka wenno addaanka kadagiti saludsod maipapan iti agdama a masakupam, bisitaen ti in.gov/Medicaid/members, tawagan ti 1-800-403-0864, wenno bisitaen ti lokal nga opisina ti FSSA. Ti listaan dagiti lokasion ti opisina ket masarakan ditoy.

Wen, makaalaka iti ID kard manipud iti Plano iti Komunidad ti UnitedHealthcare. Tunggal miembro ti pamilia a nakalista iti Hoosier Care Connect ket nasken nga addaan iti bukodda nga ID kard.

Kasapulamto ti ID kardmo kas miembro para iti amin a panagbisita iti doktor, ospital, ken parmasista. No dika pay nakaawat kadagiti ID kardmo iti uneg ti maysa a lawas manipud iti petsa a panagepekto ti panagpalistam iti UnitedHealthcare Community Plan, maidawat a kontakem dagiti Serbisio ti Miembro iti 1-800-832-4643. Nu adda disabilidadmo iti panagdengngeg wenno panagsao, maidawat a tawagan ti TTY 711.

Maragsakankami a mangipaw-it iti baro kenka. Maidawat a kontaken a libre ti Serbisio iti Miembro, iti 1-800-832-4643. Nu adda disabilidadmo iti panagdengngeg wenno panagsao, i-dialmo ti TTY: 711. Mabalinmo met ti mapan iti myuhc.com/communityplan, agrehistroka ken mangiyimprentaka iti kopya ti kardmo.

Nu umakarka, kasapulam a kontaken ti Estado ti Indiana tapno mapakaammoanda. Bisitaen ti in.gov/Medicaid/memberswenno tawagan ti 1-800-403-0864.

UnitedHealthcare Community Plan
2955 N. Meridian Street, Suite 401
Indianapolis, IN 46208

Ti Medicaid ket programa a ponpondoan dagiti gobierno a pederal ken estado, nga agbaybayad para iti medikal a taripato para kadagiti kualipikado. Para iti ad-adu pay nga impormasion maipapan kadagiti nadumaduma a sidadaan a programa iti Indiana, bisitaen ti in.gov/Medicaid/members

Kayatmi a mangngeg dagiti miembromi maipapan iti aniaman a saludsod, reklamo wenno pakaseknam. No addaanka iti reklamo, maidawat a tawagam ti Dagiti Serbisio iti Miembro a libre, iti 1-800-832-4643, TTY 711.

No saankayo a naragsak iti panangaywan wenno panangagasmo babaen kadagiti Serbisio ti Miembro, Manedyer ti Panangtaripato, wenno maysa a mangipapaay, mabalinmo ti mangidatag iti reklamo. Mabalinmo ti mangidatag iti reklamo maikontra kadakami (ti plano iti salun-at) wenno ti mangipapaay iti serbisio kadakami iti aniaman nga oras.

Mabalin nga agidatag dagiti miembro iti reklamo a berbal iti Dagiti Serbisio iti Miembro manipud 8 AM agingga 8 PM EST, Lunes agingga Biernes, iti 1-800-832-4643, TTY 711. Amin dagiti miembro ket mabalin a mangidatag iti reklamo babaen iti daytoy a proseso.

Mabalinmo met ti mangipatulod iti surat. Maidawat nga iramanmo ti nagan, address, numero ti ID, ti rason ti reklamo, ken aniaman a dadduma pay nga impormasion a pagarupem a napateg. Dayta nga address ket:

Dagiti Reklamo ken Apela iti UnitedHealthcare
P.O. Box 31364
Salt Lake City, UT 84131-0364

Addaanka kadagiti dadduma a karbengan a pakairamanan dagiti apela ken Maiparbeng a Panangdengngeg ti Estado. Para iti detaliado nga impormasion maipapan kadagiti reklamo ken apela, tawagan ti Dagiti Serbisio iti Miembro wenno kitaem ti paset dagiti Apela ken Reklamo iti Libro ti Miembro.

Nu pagarupem nga adda maar-aramid a panagkusit, panagsayang wenno panagabuso, tawagam ti UHC Fraud Hotline iti 1-844-359-7736. Mabalinmo met a tawagan ti Dagiti Serbisio iti Miembro iti 1-800-832-4643. Saanmi nga usaren ti naganmo iti reportmo. Saanka a maisagmak iti panangireportmo iti daytoy. Sikami ti mangtaming iti daytoy para kenka. Addaan met ti Estado ti Indiana iti libre nga hotline para iti panagkusit, panagsayang ken panagabuso. Mabalinmo a tawagan ti 1-800-403-0864. Mabalin a saan a managanan dagiti report. Mabalin nga i-dial dagiti agus-usar iti TTY ti 711 para kadagiti amin a pagpilian. 

Para iti ad-adu pay nga impormasion wenno tapno agipakaammo online mapanka ditoy

Saan. Amin a masakupan a serbisio ket libre. Tawagannakami a dagus no makaawata iti singir. 

Saan. Amin a masakupan nga agas ket awan bayadam. Tawagannakami a dagus no bayadam ti agasmo. 

Mabalin a ma-access dagiti miembromi ti adu nga espesial a serbisio ken programa. Kontaken ti Dagiti Serbisio ti Miembro para iti ad-adu pay nga impormasion. Idiayami ti:

  • Kinamiembro iti karadkad kadagiti amin a club ti kinakaradkad iti network-mi iti One Pass. Bisitaem ti maysa wenno amin kadagitoy! Mairaman ditoy ti:
    • adu a gym ken sangailyan a sentro ti karadkad kas iti YMCA ken Planet Fitness
    • nasurok nga 20000 nga online a klase iti karadkad kas iti Daily Burn ken Yoga Works
  • Chat ti Doktor: Sidadaan dagiti virtual a panagbisita 24/7, saan a kasapulan ti appointment
  • Linia ti Nars: Awagan ti nars para ti balakad 24/7
  • Alternatibo a Panagagas: Ipaisublim dagiti nagastos kadagiti banag a kas kadagiti herbal a remedio, acupuncture, masahe, wenno dagiti espesial a bitamina
  • Binulan a panagawag ti telepono ti tagaaywan tapno masuportaran dagidiay agay-aywan ti sabali
  • Kahon dagiti Napateg a Bambanag: Makikonektar kadakami ken agkiddaw iti bassit a tulong iti panagdalus, kinadalus ti bagi, ken dagiti makan a banag a makatulong iti bukodmo a panag-budyet
  • Dagiti Taraon ni Inang: Ipaitulodmo dagiti 14 taraon iti pagtaengam tapno nasayaat ti pannanganmo bayat nga agpapaimbagka kalpasan ti panagtalinaed iti ospital. Nakalukat met daytoy a programa kadagiti miembro nga agkasapulan iti apagbiit a tulong iti panagala kadagiti pagsakadaan.
  • Tulong iti panagkonekta kadagiti pammataudan para ti:
    • Libre a mobile a telepono ken serbisio
    • Internet ken alikamen a kompiuter iti nalaklaka a gatad
    • SNAP, EBT ken WIC a suporta
    • Dagiti pagalaan ti makan
    • Tulong ti yutilidad
    • Panagsagana ti diploma iti sekundaria
    • Isardeng ti suporta para iti tabako, arak wenno droga
    • Programa a pannakaisubli ti nagasto iti miliahe dagiti gagayyem ken pamilia
    • Ken adu pay
  • Salun-at ti panunot ken pagimbagan: Libre nga app nga addaan kadagiti napipintas nga alikamenna a makatulong kenka a mangwanawan iti kaririknam, agbirok kadagiti wagas a panangtaming ti rurod ken agkonektar kadagiti dadduma
  • Dagiti gunggona para kadagiti nasalun-at nga aktibidad kas iti panangala iti tinawen a panagpatsek-ap
  • Libre a pagluganan a mapan kadagiti pagalaan ti makan
  • Libre a kanayonan a panagdagas iti parmasia tapno dagasen ti agas kalpasan ti appointment iti doktor
  • Dagiti libre a pagluganan a mapan kadagiti appointment iti WIC ken DFR
  • Paapanakun: Libre nga app para kadagiti naampon nga ubbing ken dadduma nga asidegen iti kinataeng
  • Justplainclear.com – online a diksionario para kadagiti medikal a termino iti tarus ken nalawag a wagas
  • Dagiti Trabahador ti Salun-at iti Komunidad: Personal a suporta no kasapulam daytoy
  • Healthy First Steps: Maysa a libre a programa para kadagiti masikog nga inna
  • Komite ti Balakad iti Miembro: Ibagam kadakami no kumusta ti panagobrami. Ammoen ti ad-adu pay maipapan kadagiti bukodmo a benepisio iti Hoosier Care Connect. Sumango babaen iti telepono wenno personal.
     

Amin nga naampon nga ubbing ket addaan iti naituding a manedyer a mangtaripato iti plano ti salun-at. Tapno maammoan no asinno ti tagaimaton iti taripatom, awagan ti Dagiti Serbisio ti Miembro. Ikonektardaka. Mabalinmo ti makikoordinar ken mangiskediul kadagiti appointment, makasursuro maipapan kadagiti masakupan a benepisio, agraman dagiti espesial a serbisio ti therapy, napasayaat a programa ken, no kasapulan, ti naibagay a plano ti panangaywan.  Adda dagiti partikular a panagbaliw iti rekord ti inamponmo nga ubing a maaramid laeng ti naidutok kenka a Tagaimaton iti Kaso ti Pamilia. Iparaburmo kadakami ti impormasion a pagkontakan ti bukodmo a Tagaimaton iti Kaso ti Pamilia tapno nalaklakami ti tumulong kenka iti panangala ti taripato a kasapulan ti inamponmo nga ubing. 

Kasapulan nga addaanka iti ID kard kas miembro. Makitam ditoy ti 12 a digit a numero a ti murdongna ket 99. Daytoy ti numero ti ID nga indutok kenka ti Estado ti Indiana. Nakalista pay iti ID kardmo kas miembro ti tagaipaaymo iti kangrunaan a medikal a serbisio. Dayta ti kangrunaan a doktor a papanam para kadagiti kasapulam a taripato ti salun-at. Nu awan ti ID kardmo kas miembro maidawat a tawagan ti Dagiti Serbisio ti Miembro. Patulodandaka iti baro a kard. 

Wen! Mabalinmo a bisitaen ti Google wenno Apple Apps store manipud iti bukodmo nga smartphone. I-download ti UnitedHealthcare Mobile App1. Addaan met daytoy iti digital nga ID kard tapno kanayon a tugotmo daytoy. Makitam met dagiti tunton ken panag-access ii taripato. Addaankami ti app ti Linia ti Nars ken Chat ti Doktor a sidadaan iti 24 nga oras kada aldaw, 7 nga aldaw kada lawas. 

Adu dagiti libre ken pribado a pagpilian para kadagiti email account. Ti dua a kalatakan ket ti Yahoo ken Gmail. Nailista dagita a bilin iti baba. Masapul ti tulong? Tawagan ti Dagiti Serbisio iti Miembro iti 1-800-832-4643. Dagiti agus-usar iti TTY ket mabalinda nga i-dial ti 711. Matulongandakayo a mangiset-up iti account.

Tapno maka-sign up iti Yahoo mail account:

  • Bisitaem ti panid ti panagaramid iti account (i-link ti “panid ti panagaramid iti account” iti: https://login.yahoo.com/account/create)
  • Isuratmo ti naan-anay a naganmo, ti kayatmo nga email address ken password, ken ti tawen ti pannakayanakmo.
  • Pindutem ti Agtuloy ken surotem dagiti agparang a bilin tapno malpasmo ti panangi-set up iti account-mo

Tapno makaaramid iti Gmail account, bisitaen ti https://accounts.google.com/signup. Manipud sadiay:

  • Ikabilmo ti nagan ken apelyidom.
  • I-type mo ti napilim nga username. Daytoyto ti umuna a paset ti email address-mo (ti paset a sakbay ti @gmail.com).
  • Isuratmo ti password-mo, sa i-type-mo manen iti kahon ti Kompirmasion. Masapul a saan a kumurang iti 8 a karakter ti kaatiddog ti password-mo ken naglaon iti naglalaok a letra, numero, ken dadduma pay a simbolo.
  • Pindutem ti Sumaruno.
  • No kayatmo, ikabilmo ti pangbawi nga email address ken numero ti telepono no bilang ta mai-lock out-ka iti baro nga email address-mo. Opsional dagitoy nga addang.
  • Ikabilmo ti petsa ti pannakayanak ken seksmo.
  • Pindutem ti Sumaruno manen.
  • Repasuem dagiti kondision ken serbisio ken pindutem ti Umanamongak. Tagiragsakem ti baro a libre a Gmail account-mo!

Ammuen ti ad-adu pay maipapan iti Hoosier Care Connect

Powered by Translations.com GlobalLink OneLink SoftwarePowered By OneLink