Hmm … ti browser mo ket daan unayen.
Pabaroen tayo ti browsermo tapno maganasam iti napaspaspas, ken nataltalgen nga kapadasan ayan iti site.
Indiana, sikamin ti makaammo kenka
Awan wenno nababa ti bayadan a masakupan iti salun-at manipud iti Plano iti Komunidad ti UnitedHealthcare. Ammoen ti maipapan kadagiti Medicaid a plano iti salun-at ti UnitedHealthcare nga idiayami iti Indiana.
Ti panangtulong kadagiti tattao ti sentro ti amin nga ar-aramidenmi
Maikari ti amin nga Hoosiers iti nalaka a panangtaripato ti salun-at, a pakairamanam. Iti Plano iti Komunidad ti UnitedHealthcare, tultulunganmi dagiti tattao nga agbiag a nasalsalun-at.
Idiayami ti adu a plano tapno matulongan ti Hoosiers a sumalun-at – ken agtalinaed a nasalun-at.
Kitaen no apay a pilpilien ti Hoosiers ti UnitedHealthcare
Aniaman a plano a piliem, tulungannaka ti UnitedHealthcare a mangala iti taripato a kasapulam.
- Dakkel a nadumaduma a network dagiti mangipaay iti serbisio
- Dagiti nababa wenno awan bayadna a naireseta nga agas
- Dagiti panagbisita ti salun-at, dagiti rutina a bakuna, dagiti pasamak ti salun-at iti komunidad ken adu pay
- Dagiti serbisio iti ngipen ken panagkita
- Transportasion a mapan kadagiti medikal nga apointment
Buyaen ti video iti kannawan tapno maammuam ti ad-adu pay maipapan iti UnitedHealthcare Community Plan ti Indiana.
1Agduduma dagiti benepisio, tampok, ken/wenno alikamen segun iti plano/lugar. Mabalin a maipakat dagiti limitasion ken/wenno dagiti maiparit iti network. Dagiti dadduma a tagaipaay iti panageksamen iti panagdengngeg ket sidadaan iti network ti UnitedHealthcare. Sakupen laeng ti plano dagiti hearing aid manipud ti tagaipaay para Panagdengngeg ti network ti UnitedHeatlhcare.
Transcript ti Video
Salun-atmo. Desisionmo.
Maikari ti amin iti nalaka a taripato ti salun-at, karamankan.
Dagiti tattao a nataengan, bulang wenno addaan iti disabilidad, ken dagiti tagaaywan dagiti ubbing iti pagamponan ket nasken a kitaenda ti Plano para iti Komunidad ti UnitedHealthcare.
Adda kadakami dagiti benepisio ti Medicaid ken dagiti ekstra a makaaramid iti pakaidumaan iti biagmo, nga awan magastosmo.
- Masakupan ti seguro para iti ngipen
- Masakupan iti panagkita
- Transportasion para kadagiti medikal nga appointment ken dagiti dadduma a naaprobaran a biahe
- Maysa a NurseLine a sidadaan 24/7 a mangsungbat kadagiti saludsodmo maipanggep iti salun-at.
Nu dadduma mabalin a kasapulam ti kanayonan a tulong. Alaen dagiti ekstra a saan a saklaw ti Medicaid.
- Nakatutok a suporta manipud iti isu met laeng a tagaidur-as kadagiti serbisio iti miembro tunggal tumawagka kadakami.
- Kas baro a miembro, makaala iti kard ti sagut nu kumpletoem ti pannakatingiting ti salun-atmo.
- Mangipapaay ti programami nga On My Way kadagiti makatulong a singasing iti panagsagana para iti panagtaeng.
- Ammoen ti maipapan kadagiti programami a referral para iti nalaka nga internet wenno libre a mobile a telepono.
Mangidiaydiayakami pay kadagiti pammataudan a tumulong kenka a mangsulit iti planom, kairamanan dagiti suplay para iti diabetes, panagbisita iti nasalun-at ken imunisasion, reseta nga agas, salun-at ti panunot ken panangagas iti panagusar iti substansia.
Bisitaen ti in.gov/medicaid para iti ad-adu pay nga impormasion.
Tumultulong kenka nga agbiag a nasalsalun-at.
Addakami ditoy para kenka. Indiana.
Laglagipem a pilien ti Plano para iti Komunidad ti UnitedHealthcare ken alaem ti plano a makaipaay kenka iti ad-adu.
Tapno maammoan ti ad-adu pay maipapan iti Plano para iti Komunidad ti UnitedHealthcare, bisitaen ti UHCCommunityPlan.com/IN.
Dagiti plano ti salun-at ti Indiana
Hoosier Care Connect:
- Programa para kadagiti Hoosier a maikari iti Medicaid
- Iramanna dagiti indibidual a bulsek wenno baldado
- Karaman pay dagiti tinagibi nga ubbing ken dagiti ward ti Estado
Indiana PathWays for Aging (PathWays):
- Programa para kadagiti Hoosier nga agtawen iti 60 ken natataeng pay a kualipikado para iti Medicaid
- Dagiti pagpilian ket kairaman ti pananggun-od iti lebel ti pannakaaywan iti pasilidad ti panangaywan iti pagtaengan wenno iti komunidad, bayat ti panagbiag nga agwaywayas
- Adu met ti kualipikado para iti masakupan nga addaan iti Doble Pakaikarianna a Programa dagiti Naisinsingayan a Kasapulan (D-SNP) a programa ti Medicare
Dagiti Karaman a Programa
Baro a Maala-no-Kasapulan a Taripato iti Bukod a Bagi para iti $0.
Mabalinmo a maala ti app ti Taripato iti Bukod a Bagi manipud iti AbleTo nga awan ti bayadna. Idiaya kenka ti Taripato iti Bukod a Bagi ti:
- Dagiti ramit a panagmeditasion a makatulong kenka nga agrelaks
- Panangwanawan iti rikna ken gagangay nga aramid tapno makasarakka kadagiti padron ken makitam no kasano nga apektaran dagiti panagtigtignaymo ti riknam
- Dagiti giya kadagiti topiko a kapatgan kenka
- Saan nga inkapilitan a linawas a panag-check-in tapno mailukat ti nairanta a personal a linaonna.
Tapno makarugi, bisitaen ti ableto.com/begin
Pili a tagaipaay iti serbisio
Maaddaankanto iti kangrunaan a tagaipaay iti serbisio a medikal (PMP) nga agbalin a kangrunaan a tagaipaaymo iti taripato iti salun-at. Kairamanan daytoy dagiti tsek-ap, panagagas, panagbakuna, saan a nakaro a pannakadunor ken dagiti parikut iti salun-at. Kasaritam ti bukodmo a PMP maipapan iti aniaman a dadduma a pakaseknam. Matulongannaka ti bukodmo a PMP nga agdesision kadagiti umno a pagpilian para kenka.
Ti bukodmo a PMP ti kangrunaam a tagaipaay iti serbisio kenka para iti:
- Taripato a panglapped iti sakit kas kadagiti panagpatsek-ap, panagsukimat para iti kanser ken dagiti panagbakuna
- Panagagas no sika ket agsakit wenno nadunor
- Dagiti kalikagum kadagiti espesialista para kadagiti naisalumina a kondision
Usarem ti Ramit a Pangbirok iti Tagaipaay iti Serbisio tapno makitam no adda iti network-mi ti tagaipaay iti serbisio kenka. Matulungandaka nga agsapul ti PMP nga asideg kenka. Mabalinmo a sukatan ti bukodmo a PMP iti aniaman a tiempo.
Dagiti virtual nga panagbisita usar ti Doctor Chat
Saan a kanayon a nalaka a personal a bisitaen ti tagaipaay iti serbisio. Dagiti birtual a panagbisita (wenno telehealth) ket palubosannaka a makasarita iti maysa a tagaipaay iti taripato iti salun-at 24/7 babaen ti panangusar iti kompiuter, tablet wenno smartphone mo. Ti telehealth ket nasayaat nga opsion tapno agasan ti kadawyan a kondision nga addaan ti kadawyan a panagagas. Adtoy ti sumagmamano a pagwadan:
- Panateng, trangkaso, gurigor
- Uyek, ut-ot, ken sakit ti karabukob
- Allergies, gagatel ti kudil, ken iritasion
- Impeksion ti urinary tract/bladder
- Impeksion ti lapayag
- Impeksion ti sinus
- Migraine/sakit ti ulo
- Ken adu pay
Ti HealthTalk a pagiwarnak ket addan iti online. Dagiti pagiwarnak ket nasayaat a wagas a pangammoan iti maipapan iti planomi iti salun-at ken dagiti napapateg a topiko iti salun-at.
Mabalinmo basaen iti aniaman nga oras, sadinoman a kayatmo. Kitaen daytoy tunggal tallo a bulan para iti baro nga edisyon.
Panangisardeng iti panagsigarilio wenno panag-vape
Narigat ti mangisardeng, ngem makatulongkami. Ammom kadi a kalpasan ti 20 minutos nga insardengmo ti panagsigarilio, agsubli iti normal ti pitik ti pusom? Ken iti las-ud ti 24 nga oras a nagsardeng ka agsubli iti normal ti lebel ti carbon monoxide iti daram.
Kasaritam ti bukodmo a PMP maipapan iti panangisardeng. Wenno tawagan ti 1-800-QUIT-NOW (1-800-784-8669) tapno makaala iti libre a panagisuro, panagbalakad ken suplay a makatulong kenka nga agsardeng.
24 nga oras a NurseLine
Makisarita iti rehistrado a nars iti aniaman nga oras 24/7 tapno makaala kadagiti sungbat iti aniaman a saludsod wenno pakaseknan iti salun-at.
Dagiti narsmi ket:
- Dumngeg kadagiti sintomas
- Tumulong iti panangtaripato iti bukodmo a bagi
- Balakadanka maipapan iti panangala iti taripato iti panagbisita iti tagaipaay iti serbisio wenno iti sentro ti naganat a taripato
- Tulonganka a mangammo no kaano ti mapan iti siled ti emerhensia
Dagiti patarus, dadakkel a letra, Braille ken dadduma pay
Makaalaka ti impormasion iti sabali a lengguahe. Agdamag ka laeng. Mabalindaka pay nga ikonekta kadagiti serbisiomi a panagipatarus a mangsaklaw iti nasursurok ngem 170 a lengguahe.
Karaman iti network mi ti adu a tagaipaay iti serbisio a makasao iti agduduma a lengguahe. Ipakita ti direktoriomi iti tagaipaay iti serbisio no ania dagiti lengguahe a masaoda.
Maalam met ti impormasion iti dadakkael a letra, Braille wenno kadagiti audio file iti CD wenno flash drive. Makatulongkami met kadagiti serbisio ti panagipatarus, agraman ti American Sign Language.
Basaen ti ad-adu pay
Nu adda problemam iti panagdengngeg iti telepono mabalinmo nga usaren ti text a telepono. Daytoy a libre a serbisio ket palubosanna dagiti tattao nga addaan iti disabilidad iti panagdengngeg wenno panagsao a tumawag ken umawat kadagiti tawag iti telepono. Mabalinmo ti makagun-od iti tulong babaen iti panagtawag iti 800-421-6204 wenno iti State Relay 711 para kadagiti tumawtawag nga addaan iti disabilidad iti panagsao wenno panagdengngeg.
No kasapulam ti tulong iti impormasion iti aniaman a dokumento, agraman ti naisurat/pasao a panagipatarus; wenno iti sabali a pormat kas iti dakkel a letra wenno kas audio file, matulongandaka nga awan ti bayadna. Mabalinmo ti makagun-od iti tulong babaen iti panagtawag iti 800-421-6204 wenno iti State Relay 711 para kadagiti tumawtawag nga addaan iti disabilidad iti panagsao wenno panagdengngeg.
Si necesita ayuda con la información en cualquier documento incluida la traducción oral/escrita, un formato diferente (como letra grande), o un archivo de audio, podemos ayudarlo sin costo. Puede obtener ayuda llamando 800-421-6204 o State Retransmisión 711 para personas con discapacidad auditiva o del habla.
Ammoen dagiti klase ti plano
Dagiti Plano ti Medicaid
Ti Hoosier Care Connect ket maysa a programa ti masakupan ti salun-at nga Indiana nga agserserbi kadagiti indibidual a bulsek wenno addaan disabilidad, kasta met kadagiti ubbing iti foster care ken ward ti Estado.
Ti Indiana PathWays for Aging ket maysa a programa iti masakupan ti salun-at ti Indiana para kadagiti Hoosier nga agtawen iti 60 ken natataeng pay a kualipikado para iti Medicaid. Ipakpakita ti panagsukimat a kaaduan kadagiti nataengan nga adulto - 75% wenno ad-adu pay - ket kayatda ti tumaeng iti pagtaengan ken kadagiti komunidadda. Ti Indiana PathWays for Aging ket aramidenna a posible para kadagiti Hoosier ti tumaeng iti wagasda. Mabalin nga umiso a pili ti pagtaraknan a pagtaengan para iti dadduma nga indibidual. Ti PathWays ket mangidiay-diaya iti ad-adu a pagpilian a mangipalubos kadagiti indibidual a makagun-od iti lebel ti pannakaaywan iti pasilidad ti panagaywan iti pagtaengan wenno iti maysa a komunidad, bayat nga agbibiagda nga agwaywayas.