Pananglaban iti Panag-allilaw iti Panagtaripato ti Salun-at

Ti Dual Special Needs Plan (DSNP)

Ti panag-allilaw ken pannakasayang iti programa ti Medicare ket pakadaksan ti amin. No suspetsaenyo ti posible a kaso ti panag-allilaw, ipakaammoyo koma a dagus daytoy kadakami. Adtoy ti sumagmamano a pagwadan ti panag-allilaw:

  • Agpammarang ti maysa a tao a kas pannakabagi ti Medicare wenno Social Security santo dawatenna ti numeroyo iti Social Security, bank account wenno dagiti numero ti credit card, kuwarta, kdpy.
  • Idumdumanakayo ti plano ti Medicare maipapan iti naireseta nga agas gapu iti tawenyo, salun-atyo, puliyo, relihiyonyo wenno matgedanyo.
  • Allukoyennakayo ti plano ti Medicare maipapan iti naireseta nga agas a mangkansela iti panagmiyembroyo.
  • Idiaya ti maysa nga organisasyon kadakayo ti kuwarta wenno regalo nga aggatad iti nasusurok ngem $15 tapno agmiyembrokayo iti maysa a plano.
  • Singirennakayo ti botika para kadagiti agas a saanyo a naawat, wenno ikkannakayo kadagiti agas a saan nga imbilin ti doktoryo. (Mabalin a mangted dagiti botika iti generic nga agas imbes a branded nga agas malaksid no saan a palubosan ti mangiresresta a doktor ti panangsukat).

Tapno maipakaammo ti posible a kaso ti panang-allilaw, awaganyo koma ti Customer Services ti numero iti likod ti ID card yo kas miyembro. Ikonektarnakayto ti Customer Services iti nairanta a hotline mi para ti panag-allilaw. Mabalinyo nga ipakaammo dagiti kaso a saanyo nga ibagbaga ti naganyo ken aramidenminto ti amin tapno mapagtalinaed ti kinalimed ti kinasiasinoyo no kayatyo. Mabalin a saanmi a maikari ti kinalimed no mairaman ti panangipatungpal ti linteg. Pagtaltalinaedenmi ti napinget a pagannurotan maipanggep ti saan a panagibales para kadagiti amin a report a naaramid nga awan rantana a dakes.

Mabalinyo pay a tawagan mismo ti Medicare iti 1-877-7SafeRx (1-877-772-3379) wenno bisitaen ti www.healthintegrity.org tapno ipakaammo ti posible a panagsuitik.

Powered by Translations.com GlobalLink OneLink Software