Listaan dagiti Termino

Ti Dual Special Needs Plan (DSNP)

A

  • Dagiti Aktibidad ti Inaldaw a Panagbiag (ADLS)

    Dagiti aktibidad nga ar-aramiden ti maysa a tao kas paset ti inaldaw a panangtaripatona iti bukodna a bagi, kas koma panagdigos, panagsukat, panagusar ti kasilias, panagidda ken panagbangon iti katre ken pannangan.

  • Ti Actuary

    Tao a mangikeddeng kadagiti risgo ken bayad iti seguro.

  • Ti Admission

    Nakarehistro a pasyente, kadawyan nga agtalinaed iti saan a nakurkurang ngem 24 nga oras, iti ospital, pasilidad ti panangtaripato nga ipaay ti nasanay nga eksperto wenno sabali pay a pasilidad ti panangtaripato ti salun-at.

  • Kalpasan pannakataripato

    Dagiti serbisio kalpasan ti pannaka-ospital wenno rehabilitasion.

  • Alternatibo a Pannakataripato

    Ti pannakataripato kas pasiente ngem saan a kas kapinget iti ospital wenno dadduma pay a pasilidad para iti mayospital a pasyente (kas koma ti day-surgery center).

  • Apela

    Maysa a pormal a kiddaw tapno marepaso ti maysa nga addang no saankayo a mapnek iti desision nga inaramid ti planoyo iti salun-at.

B

  • Panangtaripato iti Salun-at ti Ugali

    Pannakaadal ken pannakaagas dagiti diperensia ti panunot wenno panagabuso ti substansia.

  • Benepisiaryo

    Tao nga umawat kadagiti benepisio ti seguro.

  • Tukad ti Benepisio

    Ti pagpatinggaan wenno gatad dagiti serbisio a maikari iti maysa a tao segun iti kontrata iti plano ti salun-at.

C

  • Mangiggem iti seguro

    Kompania a mangimatmaton wenno aglaklako kadagiti programa ti benepisio para ti salun-at.

  • Panangimaton iti Kaso

    Ti wagas a panangbigbig kadagiti pasiente nga addaan kadagiti partikular a kasapulan mainaig iti pannakataripato ti salun-at ken pannakitinnulong kadakuada ken iti (kadagiti) doktorda tapno ipaay dagiti kasayaatan a panagagas.

  • Mangimaton iti Kaso

    Maysa a nars, doktor wenno social worker a makitintinnulong kadagiti pasiente, mangipapaay serbisio iti pannakataripato ti salun-at, dodoktor ken agpaspaseguro tapno ikeddeng ken urnosen ti plano a pannakataripato ti salun-at. Maaw-awagan pay kas para-urnos ti pannakataripato.

  • Ti Centers for Medicare & Medicaid Services (CMS)

    Ti pederal nga ahensia a responsable para ti panangipaay iti Medicare ken panangbantay kadagiti panangimaton dagiti estado iti Medicaid.

  • Sertipiko ti Masakupan ti Seguro (COC)

    Panangiladawan kadagiti benepisio a mairaman iti plano ti salun-at.

  • Panagtunton

    Impormasion nga isubmitir ti mangipapaay serbisio wenno nakaseguro a tao a mangikeddeng kadagiti partikular a serbisio iti salun-at a maited iti pasiente ken agkiddaw ti bayad.

  • Pannakaperdi ti Panagpanunot

    Kimmapsut a memoria wenno panagrason.

  • Ti Coinsurance

    Ti porsiento ti gastos iti serbisio a masapul a bayadanyo iti mangipapaay iti dayta a serbisio.

  • Ti Copayment (Copays)

    Ti doliar a gatad ti bayadanyo iti doktor iti panagbisitayo.

  • Ti Coverage Gap

    Ti nagan ti addang iti plano ti naireseta nga agas iti Medicare Part D a panagbayadyo iti amin kadagiti gastosyo para kadagiti maikari nga ag-agas.

D

  • Petsa ti Serbisio

    Ti petsa a naited dagiti serbisio iti pannakataripato ti salun-at iti tao a sakup ti seguro.

  • Ti Deductible

    Ti gatad ti maikari a gastos a masapul a bayadan ti sakup a tao iti tunggal tawen manipud iti bukodna a bulsa sakbay nga agbayad ti plano.

  • Dependent

    Maysa a tao a mangnamnama iti maysa a miembro para ti pinansial a suporta ken/wenno mangala iti seguro ti salun-at babaen iti asawa, nagannak wenno lolo/lola nga isu ti miembro.

  • Disabilidad

    Aniaman a kondision nga agbanag kadagiti limitasion ti panaggaraw a makasinga iti kabaelan ti maysa a tao a mangaramid kadagiti kadawyan a trabaho ken agbanag iti dakkel a limitasion ti maysa wenno ad-adu pay nga aktibidades ti panagbiag.

  • Panagplano ti Iruruar iti Ospital

    Ti panangadal kadagiti medikal a kasapulan ti pasiente tapno urnosen ti maiyanatup a pannakataripato kalpasan iruruar iti ospital.

  • Pormularyo ti Agas

    Listaan dagiti maireseta nga ag-agas a kaykayat nga usaren ti plano ti salun-at ken maited kadagiti nakaseguro a tattao babaen kadagiti nakakontrata a botika.

E

  • Petsa nga Agpannuray

    Ti petsa no kaano a mangrugi nga agpannuray ti kontrata.

  • Petsa ti Pannakaikari

    Ti naituding a petsa no kaano a maikari ti miembro kadagiti benepisio iti babaen ti agdama a kontrata.

  • Programa a Tulong iti Empleyado (EAP)

    Dagiti serbisio a nadisenio a tumulong kadagiti empleado, kadagiti miembro ti pamiliada, ken kadagiti employer iti panagbirok kadagiti solusion para kadagiti problema mainaig iti trabaho ken personal a biag.

  • Kontribusion ti Employer

    Ti gatad nga ited ti employer kas paset dagiti bayad iti seguro ti plano ti salun-at.

  • Enrollee

    Maysa a tao a nakalista tapno masakupan ti seguro iti kontrata ti plano ti salun-at.

  • Dagiti Mailaksid

    Dagiti partikular a kondision wenno pasamak a saan nga iraman wenno bayadan ti polisia wenno plano.

  • Pannakailawlawag dagiti Benepisio (EOB)

    Ti kasuratan maipanggep iti masakupan ti seguro a mangilista kadagiti naited a serbisio, ti gatad a nasingir ken ti nabayadan.

  • Pasilidad ti Naibaybayag a Pannakataripato

    Maysa a nursing home wenno sentro ti pakataripatoan a lisensiado ken gagangay a mangted ti 24-nga-oras a panangtaripato. Mabalin a mangidiaya ti nasanay, intermedyaryo wenno kustodiya a pannakataripato, wenno aniaman a kombinasyon dagitoy a tukad ti pannakataripato.

  • Pannakaiyat-atiddog dagiti Benepisio

    Kondision a mangpalubos iti panagtultuloy ti medikal a masakupan ti seguro iti labes ti petsa a panagturpos ti polisia para kadagiti empleado a saan nga aktibo iti trabaho ken para kadagiti dependent a naka-ospital iti dayta a petsa.

F

  • Pasilidad

    Pisikal a lugar a pakaitedan dagiti pannakataripato ti salun-at wenno serbisio, kas iti ospital, klinika, emergency room wenno ambulatory care center.

  • Pormularyo

    Kitaen ti pormularyo ti agas.

G

  • Generic nga Agas

    Ti generic nga agas ket nalaklaka ngem ti branded nga agas ken mailako babaen ti maymaysa wenno "generic" a nagan para iti dayta nga agas. Maaw-awagan pay kas kapadpada a generic.

  • Reklamo

    Ti kasuratan ti saanyo a pannakapnek mainaig iti aniaman a paset ti pannakataripatoyo. Mabalin a maidatag ti reklamo babaen iti telepono wenno babaen iti surat, ken nasken a maidatag mismo iti planoyo.

H

  • Pakabuklan dagiti Benepisio ti Salun-at

    Dagiti serbisio ken masakupan ti seguro nga idiaya ti plano ti salun-at iti maysa a grupo wenno tao.

  • Masakupan ti Seguro ti Salun-at

    Ti pannakabayad dagiti benepisio para kadagiti masakupan ti seguro a sakit wenno pannakadangran ti bagi. Mabalin a mairaman ditoy dagiti benepisyo para ti ngipen, medikal a benepisyo ken pannakataripato ti panagkita, ken dadduma pay a benepisyo.

  • Health Insurance Portability And Accountability Act (HIPAA)

    Pederal a linteg a nairanta tapno mapasayaat ti kaadda ken kinatibker ti masakupan ti seguro ti salun-at.

  • Organisasion a Mangimaton ti Salun-at (HMO)

    Kompania a mangipaay wenno mangurnos kadagiti serbisio iti salun-at para kadagiti miembro ti plano.

  • Plano ti Salun-at

    Organisasion a mangimaton iti salun-at, kaykayat nga organisasion a mangipapaay iti serbisio, plano ti nakaseguro, self-funded a plano wenno sabali pay a grupo a mangsakup kadagiti serbisio a panangtaripato ti salun-at.

  • Ahensia para iti Salun-at iti Pagtaengan (HHA)

    Pasilidad wenno programa a nakalisensia, sertipikado wenno autorisado segun kadagiti linteg iti estado ken pederal a gobierno a mangipapaay kadagiti serbisio a panangtaripato ti salun-at iti pagtaengan.

  • Hospisio

    Pasilidad wenno programa a mangipapaay iti panangtaripato para kadagiti dandanin matay.

I

  • Pannakaperdi ti paset wenno usar ti paset ti bagi

    Aniaman a pannakapukaw wenno abnormalidad maipapan iti panunot, iti bagi wenno paset ti bagi wenno panaggunay (kas pangarigan, pannakapukaw ti panagdengngeg).

  • Dagiti Serbisio iti Masakupan a Lugar

    Pannakataripato ti salun-at a naawat iti uneg ti autorisado a lugar ti serbisio manipud iti nakakontrata a mangipapaay serbisio a nakakontrata iti plano ti salun-at. Maaw-awagan pay kas serbisyo iti uneg ti grupo.

  • Inpatient

    Maysa a tao a naiserrek iti ospital kas nakarehistro a ma-ospital a pasiente iti saan a nakurkurang ngem 24 nga oras ken umaw-awat kadagiti serbisio babaen ti panangimaton ti maysa a doktor.

L

  • Napaut a Pannakataripato

    Tulong ken panangtaripato kadagiti tattao nga addaan kadagiti saan nga umim-imbag a disabilidad. Ti panggep ti napaut a pannakataripato ket tapno tulungan dagiti tattao nga addaan disabilidad a makapagbiag nga agwaywayas agpatingga ti kabaelanda. Ad-adda a nakasentro daytoy iti panangaywan ngem iti panangagas.

M

  • Kadakkelan a Gastos Manipud iti Bukod a Bulsa

    Ti pagpatinggaan ti kadagupan dagiti copayment, deductible ken coinsurance ti miembro iti babaen ti kontrata ti benepisio.

  • Medicaid

    Pederal a programa nga imatonan ken patpatarayen dagiti gobierno ti estado a mangipaay kadagiti medikal a benepisio kadagiti maikari a tattao a nababa ti matgedanda nga agkasapulan ti pannakataripato ti salun-at. Dagiti gastos iti programa ket pagbingayan dagiti gobyerno iti estado ken iti pederal.

  • Medicare

    Maysa a sangkailian a programa ti seguro ti salun-at nga imatonan ti pederal a gobierno a mangsakup kadagiti gastos ti pannakaospital, medikal a pannakataripato, ken sumagmamano a mainaig a serbisio para kadagiti maikari a tattao, kadawyan a dagiti tattao nga agtawen ti 65 wenno nangatngato ken addaan disabilidad a tattao a naub-ubing ngem 65.

  • Benepisiaryo ti Medicare

    Tao a dinutokan ti Social Security kas maikari nga umawat kadagiti benepisio iti Medicare.

  • Nayon a Polisia ti Seguro ti Medicare

    Polisia nga idiaya ti maysa nga agpaspaseguro a kadawyan nga agbayad iti coinsurance, deductible ken copayment ti tao nga addaan polisia ti Medicare para iti Medicare Part A ken B ken mabalin a mangipaay kadagiti dadduma a nayon a benepisio, depende iti polisia.

  • Miembro

    Maysa a tao a nakalista iti plano ti seguro bayat ti panawen ti panangipakaammo. Mairaman kas miyembro amin dagiti tattao a nakalista mismo (enrollees/subscribers) ken dagiti maikari nga agdepender kadakuada. Maaw-awagan pay kas tao a mairaman iti seguro ken partisipante iti plano.

  • Mangipapaay Serbisio para iti Salun-at ti Panunot

    Maysa a psychiatrist, lisensiado a consulting psychologist, social worker, ospital wenno dadduma pay a pasilidad a lisensiado ken kwalipikado a mangipaay kadagiti serbisio para ti salun-at ti panunot iti babaen ti linteg ti lugar a pakaawatan ti panagagas.

N

  • Network

    Maysa a sistema dagiti nakakontra a dodoktor, ospital ken mangipapaay kadagiti nayon a serbisio a mangted ti panangtaripato iti salun-at dagiti miembro.

  • Network ti Mangipapaay Serbisio

    Mangipapaay ti serbisio a nakakontrata iti plano ti salun-at tapno itedna dagiti medikal a serbisio kadagiti tattao a nakaseguro. Ti mangipapaay ti serbisyo ket mabalin a maysa a doktor, ospital, parmasya, wenno sabali pay a pasilidad wenno sabali pay a mangipapaay pannakataripato ti salun-at. Maaw-awagan pay kas network iti grupo wenno makiparpartisipar a mangipapaay ti serbisyo.

O

  • Ruar-Ti-Lugar (OOA)

    Masakupan ti seguro para ti panagagas a naala ti masakupan a tao nga apagbiit nga adda iti ruar ti lugar ti serbisio ti network.

  • Ruar-Ti-Network (OON)

    Masakupan ti seguro para ti panagagas nga ited ti saan a nakakontrata a mangipapaay ti serbisio. Kadawyan, kasapulanna ti panagbayad ti maikissay ken nangatngato a bingay a bayad ken bingay a seguro ngem iti panagagas manipud iti nakakontrata a mangipapaay ti serbisyo. Adda dagiti sumagmamano a plano ti salun-at a saan a mangidiaya kadagiti benepisyo para ti panagagas iti ruar-ti-grupo, malaksid kadagiti emergency.

  • Gastos Manipud iti Bukod a Bulsa (OOPS)

    Ti paset dagiti bayad para kadagiti masakupan ti seguro a serbisio iti salun-at a kasapulan a bayadan ti enrollee, agraman dagiti copayment, coinsurance ken deductible.

  • Outpatient

    Maysa a tao nga umawat kadagiti serbisio a panangtaripato ti salun-at iti ospital wenno agwaywayas a sentro ti operasion a saan a mayospital.

  • Agas nga Over-The-Counter (OTC)

    Maysa a produkto nga agas a saan nga agkasapulan ti reseta iti babaen ti linteg ti pederal wenno ti estado.

P

  • Makipaspaset a Mangipapaay Serbisio

    Mangipapaay ti serbisio a nakakontrata iti plano ti salun-at tapno itedna dagiti medikal a serbisio kadagiti tattao a nakaseguro. Ti mangipapaay ti serbisyo ket mabalin a maysa a doktor, ospital, parmasya, wenno sabali pay a pasilidad wenno sabali pay a mangipapaay pannakataripato ti salun-at. Maaw-awagan pay kas mangipapaay ti serbisyo iti grupo wenno iti-uneg-ti-grupo.

  • Parabayad

    Maysa nga organisasion a mangbayad iti gastos iti masakupan ti seguro a pannakataripato ti salun-at.

  • Doktor

    Siasinoman a doktor ti medisina (M.D.) wenno doktor ti osteopathy (D.O.) a lisensiyado ken kwalipikado iti babaen ti linteg.

  • Dati a Kondision

    Aniaman a medikal a kondision a natakuatan wenno naagasan iti partikular a tiempo. Dagiti sig-sigud a kondisyon ket mabalin a saan a sakopen ti seguro para iti sumagmamano a partikular a kapaut ti tiempo (kadawyan nga innem agpatingga ti 12 a bulan).

  • Bayad iti seguro

    Ti gatad a bayadan ti miyembro iti mangiggem ti seguro para ti panangtedna ti masakupan ti seguro iti babaen ti maysa a kontrata.

  • Naireseta nga Agas

    Agas nga inaprobaran ti Food and Drug Administration a maited laeng, iti babaen ti pederal a linteg ken linteg ti estado, manipud iti nakalisensia a doktor wenno sabali pay nga agserserbi nga addaan autoridad.

  • Pannakataripato tapno Malapdan ti Sakit

    Pannakataripato ti salun-at a nakasentro iti pananglapped, nasapa a panangduktal ken nasapa a pannakaagas dagiti kondision, kadawyan a pakairamanan ti regular a pisikal nga eksaminasion, imunisasion ken pannakataripato ti nasalun-at a tao.

  • Kangrunaan a pannaripato

    Kangrunaan wenno kadawyan a pannakataripato ti salun-at, gagangay nga ited dagiti mangngagas a pangpamilia, para kadagiti ubbing, ken para kadagiti nataengan.

  • Mangipapaay Serbisio

    Maysa a doktor, ospital, grupo ti doktor, balay a pakataripatoan, botika wenno siasinoman a tao wenno grupo dagiti tattao a mangted ti serbisio a panangtaripato ti salun-at.

Q

  • Kualipikado a Benepisiaryo ti Medicare (QMB)

    Maysa a tao a nababbaba ti matgedanna ngem 100% dagiti pederal a pagannurotan iti kinapanglaw, a nasken a bayadan ti estado dagiti bayad ti seguroda iti Medicare Part B, dagiti deductible ken copayment.

R

  • Presio

    Ti gatad ti kuwarta kada kategoria ti panagpailista a maibayad iti mangiggem ti seguro para ti medikal a masakupan ti seguro. Kadawyan a binulan a masingir ti presio ken mabalin nga agbaliw.

  • Referral

    Ti rekomendasion ti maysa a doktor ken/wenno plano ti salun-at para ti nakaseguro a tao tapno umawat ti panangtaripato manipud iti sabali a doktor wenno pasilidad. Kasapulan no maminsan para ti panagagas dagiti espesyalista ken panagagas iti ruar-ti-grupo.

  • Benepisio ti Retirado

    Dagiti benepisio nga ited dagiti employer kadagiti retirado nga empleyadoda.

S

  • Maika-dua nga Opinion

    Ti medikal nga opinion ti sabali pay a propesional iti panangtaripato ti salun-at – tapno maidilig iti medikal a dayagnosis.

  • Segunda a Panangtaripato

    Dagiti serbisio nga ipaay dagiti medikal nga espesialista, kas koma dagiti espesialista iti sakit ti puso (cardiologists), espesialista iti sakit ti iisboan (urologists) ken espesialista iti sakit ti kudil (dermatologists), nga iti sapasap ket saan nga isuda ti umuna a mangtaming kadagiti pasiente.

  • Lugar ti Serbisio

    Ti lugar a pangipapaayan ti serbisio ti plano ti salun-at.

  • Pasilidad ti panangtaripato nga ipaay dagiti nasanay nga eksperto (SNF)

    Maysa a pasilidad nga agaw-awat kadagiti pasiente nga agkasapulan ti rehabilitasion ken medikal a pannakataripato.

  • Special Needs Plan (SNP)

    Dagiti plano ti salun-at a nairanta tapno masungbatan dagiti kasapulan dagiti tattao nga agsagsagaba iti maysa wenno ad-adu pay a saan nga umim-imbag a sakit a maikari iti Medicare.

  • Subscriber

    Kitaen ti enrollee.

  • Pakabuklan ti Panangiladawan iti Plano

    Maysa a panangiladawan iti intero a pakete dagiti benepisio a mabalin para iti maysa nga empleado kas kasapulan.

T

  • Pasilidad a Pagagasan

    Maysa a pangresidensia wenno saan a pangresidensia a pasilidad a mangipaay ti pannakaagas ti panagabuso iti substansia wenno sakit ti panunot.

U

  • Maganat a Pannakataripato

    Maysa nga alternatibo iti pannakataripato iti emergency a departamento ti ospital nga usaren para kadagiti saan nga emergency. Usaren no kasapulan ti maganat a pannakataming dagiti kondisyon ti salun-at, ngem saan met a mangpapeggad iti salun-at wenno iti biag.

Agsubli iti ngato ti panid

Powered by Translations.com GlobalLink OneLink Software